19 sentyabr 2012-ci il tarixli 70 nömrəli əmri ilə təsdiq edilmişdir
Yüklə 75,14 Kb. Pdf görüntüsü
|
- Bu səhifədəki naviqasiya:
- II. Vəzifə öhdəlikləri
| Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli əmri ilə təsdiq edilmişdir. Həkim-psixiatrın nümunəvi vəzifə T Ə L İ M A T I I. Ümumi müddəalar 1.
Bu vəzifə təlimatı həkim-psixiatrın vəzifə öhdəliklərini, hüquq və məsuliyyətini müəyyən edir. 2. Həkim-psixiatr vəzifəsinə baza ali tibb təhsili olan şəxs təyin edilir. Elmi-tədqiqat institutlarının klinikalarında, respublika mərkəzlərində (xəstəxanalarda), klinik xəstəxanalarda ali tibb təhsili olan və qanunvericiliklə müəyyən edilmiş qaydada “psixiatriya” ixtisası üzrə peşə hazırlığı keçmiş, ixtisası üzrə ən azı 2 il əmək stajına malik şəxs təyin edilir. 3. Həkim-psixiatr Azərbaycan Respublikasının qüvvədə olan qanunvericiliyinə uyğun olaraq tibb müəssisə rəhbərinin əmri ilə vəzifəyə təyin və vəzifədən azad edilir. 4. Həkim-psixiatr bilavasitə şöbə müdirinə, onun olmadığı halda isə tibb müəssisəsinin rəhbərinə və ya onun müavininə tabe olur. 5.
Həkim-psixiatr aşağıdakıları bilməlidir: 5.1. Azərbaycan Respublikasının Konstitusiyasını, Azərbaycan Respublikasının səhiyyə haqqında qanunvericiliyinin əsaslarını; səhiyyə müəssisələrinin fəaliyyətini tənzimləyən normativ hüquqi aktları; 5.2. xəstəxana və ambulator-poliklinik müəssisələrdə, təcili və təxirəsalınmaz hallarda əhaliyə müalicə-profilaktika və dərman yardımının təşkilinin əsaslarını; 5.3. öz ixtisası üzrə profilaktika, diaqnostika, müalicə və reabilitasiyanın müasir metodlarını, neyrobiologiya və sübutlu təbabətin prinsiplərini; 5.4. psixi sağlamlıq üçün bioloji, psixoloji və sosial faktorların rolunu; 5.5. psixi xəstəliklərin epidemiologiyası, etiologiya və patogenezi, klinik simptomları, təbii gedişi və proqnozunu; 5.6 psixi xəstəliklərin ölkədə qəbul olunmuş müasir beynəlxalq klassifikasiyasını; 5.7. farmakoloji preparatların dozalanma rejimi, tibbi göstəriş və əks- göstərişləri, əlavə təsirləri, digər preparatlarla qarşılıqlı təsirini; 5.8. ən az bir konsultativ /psixoterapevtik texnikanı; 5.9. psixiatriya xidmətinin təşkili, strukturu, ştatları və təchiz edilməsi ilə bağlı məsələləri; 5.10. öz ixtisası üzrə qüvvədə olan normativ hüquqi və təlimat-metodik sənədləri; 5.11. tibbi sənədlərin rəsmiləşdirilməsi qaydasını; 5.12. əmək qabiliyyətinin müvəqqəti itirilməsinin ekspertizasını və tibbi- sosial ekspertizanın aparılması qaydasını; 5.13. dispanserizasiyanın əsaslarını, prinsip və metodlarını; 5.14. tibbi sığorta şəraitində səhiyyə müəssisəsinin və tibb işçilərinin fəaliyyətinin təşkilati-iqtisadi əsaslarını; 5.15. həkimlərin etik davranış qaydalarının, tibbi etika və deontologiyanın əsaslarını; 5.16. insan bədəninin üzv və sistemlərinin funksional vəziyyətinin klinik və laborator diaqnostikasının ümumi prinsip və əsas metodlarını; 5.17. təxirəsalınmaz tibbi yardım göstərilməsi qaydalarını; 5.18. sanitar-maarifləndirmənin əsaslarını; 5.19. daxili əmək intizamı qaydalarını; əməyin mühafizəsi, təhlükəsizlik texnikası, istehsalat sanitariyası və yanğına qarşı mühafizə qayda və normalarını.
6.
Həkim-psixiatr tibbi praktikada tətbiqinə icazə verilmiş müasir profilaktika, diaqnostika, müalicə və reabilitasiya metodlarından istifadə etməklə öz ixtisası üzrə peşəkar səviyyədə tibbi yardım göstərir. 7.
Müvafiq qaydalara və standartlara uyğun olaraq xəstənin individuallaşdırılmış aparılma taktikasını (anamnezin toplanması, klinik-laborator tədqiqatların, müayinə və müalicənin aparılması) və diaqnozunu müəyyən edir. 8.
Mövcüd qaydalara və standartlara uyğun olaraq zəruri müalicəni təyin və nəzarət edir, zəruri diaqnostik, müalicə, reabilitasiya və profilaktik prosedur və tədbirləri təşkil edir və ya müstəqil surətdə aparır. 9. Ayrı-ayrı fərdlər, ailələr və qruplar üçün psixoterapevtik müdaxilələri təşkil edir və aparır. 10. Stasionarda xəstəyə gündəlik baxış keçirir. Pasiyentin vəziyyətindən asılı olaraq müalicə planına dəyişiklik edir və əlavə müayinə metodlarının zəruriliyini müəyyən edir. 11. Müalicə-profilaktika müəssisəsinin başqa bölmələrinin həkimləri ilə yanaşı psixoloq, sosial işçi, psixiatrik tibb bacıları və digər ixtisas sahibləri ilə əməkdaşlıq edir və müalicə planı və müdaxilələrinin təhlili, dəyərləndirilməsi və təkmilləşdirilməsində öz ixtisası üzrə məsləhət yardımı göstərir. 12. Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə yetirilməsində onlara kömək edir. 13. Diaqnostik və müalicə prosedurlarının aparılmasının, alət, aparat və avadanlıqların istismarının, dərman preparatlarının səmərəli istifadəsinə, orta və kiçik tibb heyəti tərəfindən təhlükəsizlik texnikası və əməyin mühafizəsi qaydalarına riayət edilməsinə nəzarət edir. 14. Orta və kiçik tibb heyətinin ixtisasının artırılması üzrə məşğələlərin aparılmasında iştirak edir. 15. Öz işini planlaşdırır və öz fəaliyyətinin göstəricilərini təhlil edir.
16. Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli rəsmiləşdirilməsini təmin edir. 17. Sanitar-maarifləndirmə işini aparır. Etik davranış qaydalarına riayət edir. Xəstələrin ehtiyac və problemlərinə həssalıqla yanaşır, empatiya nümayiş etdirir, onların ailə üzvlərinə, qəyyumlara və digər əhəmiyyətli şəxslərə xəstənin vəziyyəti və müalicənin gedişi barəsində məlumat və məsləhətlər verir. 18. Lazım gəldikdə pasienti başqa mütəxəssislərə, müəssisələrə və psixososial xidmətlərə yönləndirir. 19. Məhkəmə-psixiatrik, hərbi xidmətə yararlılıq və əmək qabiliyyətinin müvəqqəti itirilməsinin ekspertizasının aparılmasında iştirak edir və tibbi-sosial ekspertiza üçün zəruri sənədləri hazırlayır. 20. Elmi tədqiqatları tənqidi nəzərdən araşdıraraq öz professional fəaliyyətində istifadə edir. 21. Müəssisə rəhbərliyinin əmr, sərəncam və tapşırıqlarını peşəkar səviyyədə və vaxtında icra edir. 22. Qanunvericiliklə müəyyən edilmiş müddətdə işlədiyi istiqamət üzrə təkmilləşdirmə kurslarında iştirak edir, mütəmadi olaraq öz ixtisasını artırır. 23. Müəyyən olunmuş qaydada sertifikasiyadan keçir. 24. Daxili intizam, yanğın təhlükəsizliyi və təhlükəsizlik texnikası qaydalarına, sanitariya-epidemioloji rejimə riayət edir. Tibb müəssisəsinin fəaliyyətinə, işçilərinə, pasientlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər görür.
III. Hüquqlar 25. Həkim-psixiatrın aşağıdakı hüquqları vardır: 25.1. klinik müşahidə və müayinə, anamnez toplanması və klinik- laborator tədqiqatların məlumatlarına əsasən ixtisası üzrə müstəqil surətdə diaqnoz müəyyənləşdirmək; 25.2. müvafiq qaydalara və standartlara uyğun olaraq xəstənin aparılması taktikasını müəyyən etmək; 25.3. pasiyentin kompleks müayinəsi üçün zəruri funksional və laborator diaqnostika metodlarını təyin etmək; 25.4. diaqnostika və müalicənin icazə verilmiş metodlarından istifadə etməklə diaqnostik, müalicə, reabilitasiya və profilaktika prosedurlarını aparmaq; 25.5. zərurət olduqda xəstələrin məsləhəti, müayinəsi və müalicəsi üçün müəyyən edilmiş qaydada başqa ixtisaslı həkimləri və digər mütəxəssisləri cəlb etmək;
25.6. müalicə-diaqnostika prosesinin təkmilləşdirilməsi, özünün əmək fəaliyyətinin təşkilinin və şərtlərinin yaxşılaşdırılması üzrə rəhbərliyə təkliflər vermək;
25.7. öz səlahiyyətləri çərçivəsində orta və kiçik tibb heyətinin işinə nəzarət etmək, sərəncamlar vermək və onlardan dəqiq icra tələb etmək, həvəsləndirilmə və tənbeh edilmə üzrə rəhbərliyə təkliflər vermək; 25.8. öz vəzifə öhdəliklərinin icrası üçün zəruri olan informasiya materiallarını və normativ-hüquqi sənədləri rəhbərlikdən tələb etmək, əldə etmək və istifadə etmək; 25.9. onun işi ilə bağlı məsələlərin müzakirə olunduğu elmi-praktik konfranslarda və müşavirələrdə iştirak etmək; 25.10.müəyyən olunmuş qaydada ixtisas dərəcəsi almaq. 26. Həkim-psixiatr Azərbaycan Respublikasının Əmək Məcəlləsinə uyğun olaraq bütün əmək hüquqlarından istifadə edir.
27. Həkim-psixiatr aşağıdakılara görə məsuliyyət daşıyır: 27.1. ona həvalə olunmuş vəzifə öhdəliklərinin vaxtında və keyfiyyətli həyata keçirilməsinə; 27.2. öz fəaliyyəti üzrə rəhbərliyin əmr, sərəncam və tapşırıqlarının, normativ-hüquqi aktların vaxtında və peşəkar səviyyədə yerinə yetirilməsinə; 27.3. daxili intizam, yanğın təhlükəsizliyi və təhlükəsizlik texnikası qaydalarına riayət edilməsinə; 27.4. qüvvədə olan normativ hüquqi sənədlərdə nəzərdə tutulmuş tibbi və digər xidməti sənədlərin vaxtında və keyfiyyətli rəsmiləşdirilməsinə; 27.5. öz fəaliyyəti üzrə statistik və digər informasiyanın müəyyən olunmuş qaydada təqdim edilməsinə; 27.6. ona tabe işçilərin nizam-intizam qaydalarına və vəzifə öhdəliklərinin yerinə yetirilməsinə; 27.7. tibb müəssisəsinin fəaliyyətinə, işçilərinə, pasiyentlərə təhlükə yaradan təhlükəsizlik texnikası, yanğına qarşı və sanitariya qaydalarının pozulmasının aradan qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər həyata keçirilməsinə; 28. Həkim-psixiatr əmək intizamının, qanunvericilik və normativ-hüquqi aktların pozulmasına görə qüvvədə olan qanunvericiliyə əsasən, təqsirin ağırlıq dərəcəsindən asılı olaraq, intizam, maddi, inzibati və ya cinayət məsuliyyətinə cəlb edilə bilər. Kataloq: vakansiyalar -> Vezife telimat pdf Vezife telimat pdf -> T Ə L i m a t I i. Ümumi müddəalar Vezife telimat pdf -> T Ə L i m a t I i Vezife telimat pdf -> T Ə L i m a t I i. Ümumi müddəalar Vezife telimat pdf -> TƏLİmati I. Ümumi müddəalar Vezife telimat pdf -> T Ə L i m a t I i. Ümumi müddəalar Vezife telimat pdf -> Azərbaycan Respublikası Səhiyyə Nazirinin 19 sentyabr 2012-ci il tarixli 70 nömrəli Vezife telimat pdf -> TƏLİmati I Vezife telimat pdf -> TƏLİmati I. Ümumi müddəalar Vezife telimat pdf -> Təcili və təxirəsalınmaz tibbi yardım üzrə həkimin nümunəvi vəzifə Vezife telimat pdf -> T Ə L i m a t I i. Ümumi müddəalar Yüklə 75,14 Kb. Dostları ilə paylaş:
|