21 st 2022 276 ajdodlar meʼrosi va milliy qadriyatlarni ulugʻlash

---

International Conference on Developments in Education, Sciences and Humanities 
Hosted from Washington, DC USA 
https: econferencezone.org March 20
th
-21
st 
2022 
276 
AJDODLAR MEʼROSI VA MILLIY QADRIYATLARNI ULUGʻLASH 
 
Raxmatova Zulfizar Gulmurodovna 
Jizzax viloyati, Baxmal tumani 
16- DMTT tarbiyachisi, 
Samadova Marhabo Abdumanonovna 
Jizzax viloyati, Baxmal tumani 
16- DMTT, tarbiyachisi 
ANNOTATSIYA: Bugun milliy madaniyatimiz, ilm-fan, adabiyot va san’atimiz yuksalishiga ulkan hissa 
qo‘shgan ma’rifatparvar ajdodlarimizning boy merosini o‘rganish, targ‘ib etish, uning mazmun-mohiyatini 
yosh avlod ongu shuuriga singdirishga alohida e’tibor qaratilmoqda.Ushbu maqola, buyuk ajdodlar merosi 
hamda milliy qadriyatlarni ulug’lash mavzusi asosida yozildi. 
KALIT SO’ZLAR: umuminsoniy mezonlar, milliylik, ma’naviyat, ajdodlar merosi, obodonchilik, 
Muhammad Xorazmiy, Abu Nasr Forobiy, Ahmad Farg‘oniy,Bahouddin Naqshband, nashriy kitoblar, 
qo‘lyozmalar 
Kirish. 
Istiqlol yillarida mamlakatimizda vijdon erkinligi, diniy bag‘rikenglik tamoyillarini ta’minlash, ularning 
qonuniy asoslarini yaratish va rivojlantirish masalalariga ustuvor ahamiyat berilmoqda. Imon-e’tiqod, mehr-
oqibat, muruvvat kabi fazilatlar xalqimiz ma’naviy hayotini yuksaltirishda muhim asos bo‘lib xizmat 
qilmoqda.
Ajdodlar merosi va ularni qayta tiklash. 
Prezidentimiz, Shavkat Mirziyoyev rahnamoligida milliy urf-odat va qadriyatlarimizni tiklash, muqaddas 
dinimizni, aziz avliyo va ulamolarimizning boy merosini teran o‘rganish, ularning qadamjolarini obod qilish, 
tarixiy obidalarni asrab-avaylash yo‘lida beqiyos ishlar amalga oshirilmoqda. Muhammad Xorazmiy, Abu 
Nasr Forobiy, Ahmad Farg‘oniy, Abu Ali ibn Sino, Abu Rayhon Beruniy kabi allomalarning o‘lmas asarlari 
jahon ilm fani rivojiga ulkan hissa bo‘lib qo‘shildi. Yusuf Hamadoniy, Ahmad Yassaviy, Abdulxoliq 
o‘ijduvoniy, Bahouddin Naqshband, Najmiddin Kubro singari dunyoga dong taratgan buyuk siymolar 
insoniyatga komillik yo‘lini ko‘rsatdi. Muhaddislar Imom Buxoriy, Imom Termiziyning ta’limotida aks etgan 
komil inson g‘oyalari, adolat haqidagi qarashlar jamiyatni ma’naviy-axloqiy jihatdan yuksaltirishga, 
mustahkamlashga xizmat qildi. Ayniqsa, Imom Buxoriy, Imom Termiziydek yetuk muhaddislar dunyoda 
Qur’oni karimdan keyingi eng mo‘’tabar manba hisoblangan hadis to‘plamlarini yaratishda benihoya fidoyilik 
ko‘rsatishdi, ibrat bo‘lishdi. 
Ma’lumki, 2016-2017 yillar Islom hamkorlik tashkiloti Tashqi ishlar vazirlari kengashida 
O‘zbekistonning raislik davri hisoblanadi. O‘tgan yilning 18-oktyabrida ushbu organning 43-sessiyasida 
mazkur davr “Ta’lim va ma’rifat — tinchlik va bunyodkorlik sari yo‘l” shiori ostida o‘tkazilishi ma’lum 
qilingan edi. Ushbu yo‘nalishdagi tadbirlarning izchil davomi sifatida O‘zbekiston Respublikasi Prezidenti 
Shavkat Mirziyoyev tashabbusi bilan qisqa, lekin sermazmun vaqt ichida keng qamrovli ishlar amalga 
oshirildi. Yurtboshimizning Qoraqalpog‘iston Respublikasi, Surxondaryo, Qashqadaryo, Xorazm, Buxoro va 
Samarqand viloyatlariga tashriflari davomida joylardagi buyuk allomalarning muqaddas qadamjolarini obod 
qilish, ularning hayoti, boy ilmiy-ma’naviy merosini chuqur o‘rganish, keng jamoatchilikka yetkazish 
bo‘yicha ko‘rsatmalar berildi. Shu bilan birga, asrlar davomida ma’naviy boyligimizni o‘zida 
mujassamlashtirgan qo‘lyozma asarlarni topish, tadqiq etish va nashrga tayyorlash hozirgi kunda dolzarb 
masalalardan biridir. Bunday ulkan meros yangi avlodlarga katta ilm manbai hamda kelajakdagi tadqiqotlar 
uchun muhim qo‘llanma sifatida xizmat qiladi. Binobarin, respublikamiz qo‘lyozma fondlarida 100 minglab 
qo‘lyozmalar saqlanmoqda. Shulardan biri — Imom Al-Buxoriy xalqaro markazi manbalar xazinasidir. 
Markazda ilmiy tadqiqot ishlarini yanada rivojlantirish maqsadida ma’naviy merosimiz durdonalari bo‘lgan 
qo‘lyozma va toshbosma asarlar fondi tashkil etilgan. Yillar davomida Markaz xazinasi yangi asarlar bilan 
doimiy boyitib borilmoqda. Bu ishlar aholidan xarid qilingan noyob asarlar hamda respublikamiz fuqarolari 

---