1-AMALIY MASHG‘ULOT: PEDAGOGIK MAHORAT HAQIDA TUSHUNCHA, UNING O’QITUVCHI FAOLIYATIDA TUTGAN AHAMIYATI.
Maqsad: talabalarning pedagogik mahorat va uning umumiy asoslari, tarkibiy qismlari haqidagi bilimlarini mustahkamlash, nazariy bilimlaridan amaliyotda qo‘llay olish kompetensiyasini shakllantirish.
Kerakli jihoz va materiallar: noutbook, proyektor, taqdimot materiallari, o‘quv qo‘llanmalar, test varaqalari, daftar konspekt.
Glossary: Mahorat (a.“mahorat” –mohirlik, ustalik, epchillik)– bir ish yoki faoliyatni yuksak darajada, hech bir qiyinchiliksiz, o‘ta mohirlik bilan bajarish.
Pedagogik mahorat – pedagogning pedagogik jarayonni tashkiliy, metodik, ruhiy va subyektiv jihatdan o‘ta mohirlik, ustalik bilan tashkil etish hamda boshqarish qobiliyati va malakasiga egaligi
Pedagogik bilimdonlik – pedagogning kasbiy faoliyatni mavjud ijtimoiy talab, huquqiy me’yor va standartlarga muvofiq tashkil etishga bo‘lgan qobilligi, kasbiy tayyorgarlik darajasi
Pedagogik odob – pedagog oldiga uning o‘ziga, kasbiga, jamiyatga, talabalarga va o‘quv-tarbiya jarayonining boshqa ishtirokchilariga munosabatda bo‘lishiga nisbatan qo‘yiladigan axloqiy talablar tizimi.
Pedagogik obro‘ – pedagogning talabalar, ularning ota-onalari, pedagogik jamoa, shuningdek, jamiyat tomonidan e’tirof etilgan axloqiy maqomi.
Pedagogik qobiliyat – pedagog tomonidan pedagogik faoliyatni oqilona tashkil etilishi va olib borilishini, amaliy vazifalarning samarali bajarilishini ta’minlashda ahamiyatli bo‘lgan xususiyatlar.
Amaliy mashg‘ulotning tashkiliy tuzilishi:
talabalarning davomati va darsga tayyorlanish darajasini aniqlash;
