8-mavzu. Taqdimotlarni tayyorlash texnologiyalari Reja

8-mavzu. Taqdimotlarni tayyorlash texnologiyalari
Reja:

1. 
   Kompyuter prezintatsiyasi tushunchasi. Power Pointning foydalanuvchi interfeysi.
   
2. 
   Prezintatsiya yaratish bosqichlari. Taqdimot ko’rinishi sozlash.
   
3. 
   Power Point prezentatsiya slaydiga rasm va ob'yektlarni qo‘shish.
   
4. 
   Power Point dasturida taqdimotga animatsion effektlarni joylashtirish va ulami sozlash.
   

Power Point dasturi haqida umumiy tushuncha

Har qanday mutaxassis o’zining ish faoliyati davomida ish rejalari va taklif etayotgan mahsulotlari haqida so’zlab berish uchun ma’ruza qilishga to’g’ri keladi. Bunday vaqtlarda u ma’ruzani tez, yaxshi, sifatli, tushunarli va chiroyli qilib tayyorlashi zarur bo’ladi. Ushbu muammoni hal qilish uchun u qanday dasturiy ta’minot turlaridan foydalanish mumkin degan savol tug’iladi. Matn muxarriri uning barcha muammolarini xal qilib bera oladimi? Bir necha xil dasturlardan foydalanish va ularning natijalarini umumlashtirish tezda kerakli yechimga olib kelishi mumkinmi? Bu muammoni yechishda, ya’ni chiroyli taqdimot tayyorlashda eng samarali va universal vositalardan biri - bu Microsoft Office ilovasidagi – Power Point ADPdan foydalanish maqsadga muvofiqdir. U grafik axborotlar, slaydlar, ovoz, video kliplar, animatsiyalardan foydalanib, sifatli taqdimotlar yaratish imkonini beradi. Bugungi kunda reklamalarga juda keng e’tibor berilmoqda. Reklamalarning har xil ko’rinishlari: varaqalar, e’lonlar, tele va radio reklamalar sizga ma’lum. SHK - reklamalarni yaratish va tarqatish bo’yicha eng kuchli vositaga aylandi.

Prezentatsiyalarni tayyorlash natijasida:

• 
  qatnashuvchilarga tarqatish uchun chop qilingan hujjat;
  
• 
  kadoskopda foydalanish uchun kalьkalar;
  
• 
  slaydoskoplarda foydalanish uchun 35-millimetrli slaydlar;
  
• 
  cho’ntak daftarchasi;
  
• 
  elektron prezentatsiyalarni olish mumkin.
  

Power Point ADP 1987 yildan boshlab paydo bo’lgan bo’lsa ham, ammo prezentatsiyalarni yaratishda yetakchi o’rinni tutadi. Bu dasturning keyingi versiyalarida esa shu dasturga qo’shimcha prezentatsiyalarni qo’llashning yangi usullari kiritildi. Power Point ADPdan foydalanayotgan har bir foydala-nuvchi hoh u yangi ish boshlovchi bo’lsa, hoh tajribali bo’lishidan qat’iy nazar, ushbu dasturga kiritilgan yangi usullarni yuqori darajada baholaydi.
Power Point ADP - universal, imkoniyatlari keng bo’lgan, ko’rgazmali grafika amaliy dasturlari tarkibiga kiradi va matn, rasm, chizma, grafiklar, animatsiya effektlari, ovoz, videorolik va boshqalardan tashkil topgan slaydlarni yaratish imkonini beradi. Power Point yaratgan hujjatlarini Officening boshqa muxarrirlariga, Web sahifa ko’rinishida, rasm ko’rinishida (*.bmp,*.jpg) va boshqa ko’rinishlarda eksport qilish imkoni ham berilgan.