She’r
Allasi alishmasman dunyoni
Ming bir duodan afzal har so’zi
Devona qilurman dardman daryoni
Bir tomchi yoshiga namlansa ko’zi
Terib qo’ysang barcha shoir deganni
She’rlarni baland tog’ning toqiga
O’n mingta majnun ham nima bo’libdi?
Arzimas sochining bitta oqiga
Shirk emas kechirsin xudoyim o’zi
Men faqat onamni tavof qilaman
Boshiga o’girib ichgan suvimni
Yuz mingta zam-zamdan afzal bilanam
Bilsam o’zi tirik mabudku onam
Aslida mehrdan bunyod bo’libman
Nurdayin pok oppoq kaba-ku onam
Men esa oq kabani izlab yuribman
Rosti gap dunyoni o’t olib ketar
Onamni sog’inib yig’lasam agar
Mendayin shoirlar bir tiyinga qimmat
Onasini duosini olmasa agar
Sayyid Abdulaziz Yusupov
