«Bu yerda nima ortiqcha?» metodikasi Ushbu metodika 4-5 yoshgacha bo’lgan bolalarga mo’ljallangan. Bu metodika bolalarning obrazli, so’z-mantiqli tafakkur protsessining analizi, aqliy va umumlashtirish operatsiyalarini tadqiq qiladi. Metodikada bolalarga har xil predmetlar tasvirlangan rasmlar tavsiya qilinadi va quyidagicha ko’rsatma beriladi: «Har bir rasmda tasvirlangan 4 ta predmetdan biri ortiqcha. Diqqat bilan rasmga qarab, qaysi bir predmet ortiqcha va nima uchun ortiqcha ekanligini tushuntirib ber».
Topshiriqni bajarish uchun 3 daqiqa vaqt beriladi.
Natijalarni baholash. 10-ball- bola o’ziga berilgan topshiriqni 1 daqiqadan kam vaqtda bajarib, har bir rasmdagi ortiqcha predmetni nima uchun ortiqcha ekanligini sharhlab bera olsa;
8-9 ball- bola topshiriqni 1 daqiqadan 1,5 daqiqagacha to’g’ri bajara olsa;
6-7 ball- bola topshiriqni 1,5 daqiqadan 2 daqiqagacha to’g’ri bajara olsa;
4-5 ball- bola topshiriqni 2 daqiqadan 2,5 daqiqagacha to’g’ri bajara olsa;
2-3 ball- bola topshiriqni 2,5 daqiqadan 3 daqiqagacha to’g’ri bajara olsa;
0-1 ball- bola 3 daqiqa mobaynida topshiriqni to’g’ri bajara olmasa.
Taraqqiyot darajasi haqida xulosa: 10 ball -juda yuqori
8 -9 ball -yuqori
4 -7 ball -o’rtacha
2 -3 ball -past
0—1 ball -juda past
