Dilimda ishqim nihondir, aytay desam til kuyar Sevgim oshkor etmayin deb, tilni tiysam dil kuyar
Yüklə 29,74 Kb.
|
|
KUYAR
Dilimda ishqim nihondir, aytay desam til kuyar Sevgim oshkor etmayin deb, tilni tiysam dil kuyar Sevgim izhor aylabon ul yorga yetmog'im gumon Chunki bunday ko'yga tushgan ming bitta ko'ngil kuyar Dardim dengizdir dilimda, sevgim misoli - sohil, Toshsa sevgim g'arq bo'larmu, toshmasa sohil kuyar Sevgi tarixin varaqlab izlasam imkon anga Ne ajabkim, xonish aylab Mashrab-u Bedil kuyar Xasta ko'nglim shod etay deb, sayr etarsam bog' aro Nola aylab, turfa gullar ichra bir bulbul kuyar Ahli oshiq ichra bormu yorga yetgan, deb edim Nogahon bir mujda keldi, yo'q, hamma bir xil - kuyar. Ey Diyor, sen ishqida yor kuymagin devonavor Yo'qsa ahvoling ko'rib ul dilsiz-u g'ofil kuyar. 08. 07. 2018. TOPMADI Gulbog' aro telba bulbul kezdi giryon, topmadi, Ming oh urib erta-yu kech boqdi har yon, topmadi. Erta tongda ul boģ aro uchragan gul g'unchasin To shom qadar tentirab izlardi har on, topmadi. G'uncha ochilguncha mushtog'-u kutardi intizor Neki bo'ldi, nogahon ko'z uzdi bir on... topmadi. Balki bir kun ochilar, deb uzdimu o'zga qo'llar Ey voh, balki, gulni undirmoqqa guldon topmadi! Balki ģuncha ochilib òzga dillarni shod etar Bulbul esa ģunchasin izlardi sarson, topmadi Oshiq Diyor ko'nglida yor g'uncha yanglig' gul edi Bulbul uchun gulni topmoq bo'ldi armon, topmadi Ey muhabbat, senga yetmoq shunchalar mushkulmidi, Gulbog' aro telba bulbul kezdi giryon, topmadi. 05. 07. 2018. DARDIM OSHKOR AYLASAM Dardim oshkor aylasam men, avvalo, sòz boshida Telba bo'ldim, hamma gap ul Laylining ko'z-qoshida
Tanda jonni bog'labon ul ketdi bir qaroshida Qarochig'lar misli gavhar, nur sochur yulduz kabi Asragaylar tiģ kòtargan mingta askar toshida Tim qaro, tor libos kiygan raqqosadir qoshlari Aqlim oldi tebranib, bir noz etib o'ynoshida. Ul qarochiq chaqnidan va raqqosa qosh raqsidan Afsun bo'lib beixtiyor bot yiqildim qoshida Ishva aylab, qosh qoqibon uchdi-ketti qush kabi Ne sababdin aqlim oldi, ne xayol bor boshida? Qay diyordin bo'lsa ham yor izlagay oshiq Diyor Topsa, dilrozin olarmu, cho'ksa ham ko'z yoshida 06. 07. 2018. SABAB Tandagi ishq otashiga egmaqosh sumbul sabab Sumbulni jondan sevarga sodda bu ko'ngil sabab
Turfa gullar ichra bir gul ko'rdi, bunga dil sabab Chunki dil istardi har chog' shul bog' aro yayramoq Yayramoq-ku, maylikuya, kul bo'di dil shul sabab. Dilda yondi otashin ishq, tafti tanni kuydirur Oshkor etdi dilda borin, bunga- nodon til sabab Dilda borin bilsa hamki ne uchun roz aylamas Ohlarim sezmoqqa, balki, ul ko'ngli g'ofil - sabab Balki, sezgan dilda ishqim taftini ul dilrabo Sevsa hamki qiynamoqqa - qiynoqqa moyil sabab Ey dilozor, nozlaringdan dilda ishq lov-lov yonar, Tandagi ishq otashiga egmaqosh sumbul sabab 07. 07. 2018. RASHKIDAN Dil bezordir dam-badam oqqan kõzimning ashkidan Ashkim - ul yor zaxmidan, har dam qiluvchi rashkidan
Ilğamasdan kechdimu yoki muhabbat kõshkidan Hargiz atyar, õchdi qalbingdan muhabbat gulxani Qalbim ozod aylabon, koshki kecholsam ishqidan Sarvigulsan men uchun dunyoda tanho qomating Mast etar-ku bõylaring, hushbõydir attor mushkidan Husni tengsiz dilbarim, mislingni qaydan uchratay Tengsizimsan, husni botuning chiroyli tashqidan Oshiğingman ikki dunyo, sen-la baxtim bir butun Senda kõrgan gõzallikni izlamasman boshqadan Ey dilozor, rashklaringdan dil ozor chekdi chunon Dil bezordir dam-badam oqqan kõzimning ashkidan 01. 08. 2018. DIL UCHUN... Dil uchun kòngil hamonki jon berib bejon erur Jonima ul jon berarga noz etar janon erur
Bemalol beg'am yurur payhon etib jayron erur Har qachon yorim tomonda yashnagay gulg'unchalar Bir nazar solmas ekan yor, biz tomon vayron erur Tong otar o'ylab visolin, kun botar - so'nmas ilinj Kun bilan tun o'rtasida bu umr sarson erur Shunchalar ozori kammi, rahmi kelmas bir qadar Ohlarim g'amgin g'azaldir, to'plasam devon erur Ey Diyor, qiynab ko'ngilni jon berarsan ne uchun- Demangiz, bilmam, mudom jonim anga qurbon erur Mubtalo aylab ko'ngilni o'ylamas aslo bu dil Dil uchun ko'ngil hamonki jon berib bejon erur. 23. 09. 2018. KO'ZLARING Ixtiyorim tark etar boqqanda har on ko'zlaring Go'yo manzilga yetar, ko'rganda mujgon, ko'zlaring
Bog'labon ipsiz go'yo mahf etdi maston ko'zlaring Tunda ham o'ylab bedor, kunduzlari aylab xumor Qumsagay, mushtog'-u zor ko'nglimga oshyon ko'zlaring Ikki chashming qa'ridan topdim ulug'roq baridan Ikki dunyo zaridan ortiqday ahyon ko'zlaring Ko'zlaringni ko'rgan on dil shodlanar yayrab chunon Mislini qilsam ayon gar - bog'i rizvon ko'zlaring Kuylasa dil yoriga, maftun bo'lib dildoriga Chin oshiq, Diyoriga, jon bersa janon ko'zlaring Sen-la birga shod yashay, baxtingga baxtimni qo'shay Aldasam qatlimga shay mujgoni - paykon ko'zlaring 06.12.2018 MEHRINGIZNI SEZDIM, ONA Tunda zulmat cho'ksa qadri o'tar oyni Suvsiz qurib bitsa qadr etar soyni Afu eting men bemehr va beo'yni Biroz muddat mehringizdan ayro bo'lib Ayrolikda sezdim, ona, mehringizni O'ylabmanki, do'stlar ichra qadrim baland Do'st tutindim qo'lin tutgan har kim bilan O'ynab-kuldim ikki kunlik "do'stim" bilan Do'stlar emas ulfatlarga oshno bo'lib Tanholikda sezdim, ona, mehringizni
Mehrim poyandoz aylabon yo'llariga Vaqtinchalik muhabbat hayollariga Aldanib, chin mehr izlab, gado bo'lib, Gadolikda sezdim, ona, mehringizni
Mehringiz, ham qadringiz har nedan ulug' Duoyingiz bilan har bir ishim qutlug' Duoyingiz olmay baxtim qaro bo'lib Qarolikda sezdim, ona, mehringizni 07.12.2018 SEVGI Sevgi bu - ojizlik, oshiq tanida Alanga olsa-yu lovullab yonsa, Har sahar bir hayol bilan uyg'onsa, Yor esa ishqini rad etganida
U uchun keraksiz, qadri yo'q zinhor Har safar ko'ngliga bersa ham ozor It kabi ortidan qolmaydi har dam Sevgi - bu o'zgalik, tanang bir tomon, Yor ishqi ko'yida zanjirband bo'lgan, O'zicha vaslidan bahramand bo'lgan Hayoling, o'ylaring yor bilan har on... Vaholangki, sevgi ko'ngil tanlamas... Vaholangki, sevgini dil tanlamas... 14.12.2018. CHEGARA Diyonatda chegara-imondan gumongacha Xiyonatda chegara-yolg'ondan yolg'ongacha
Arosatda chegara-o'ngdan so'l tomongacha Haqiqat va nohaqlik bahsin qilar har zamon Adolatda chegara-mangu xush zamongacha Mardlar tikar jonini yov kelsa Vatan uchun Mudofotda chegara-qo'rg'ondan dushmangacha Oshiq sevsa yorini, ma'shuqa undan ortiq, Muhabbatda chegara-yerdan to osmongacha Ey do'stlarim dunyoda haq yo'ldan adashmaylik Haqiqatda chegara-imondan shaytongacha. 12.01.2019. UCHRATMADIM (Laylisiz Majnun) Dil bir yorga payvasta lek ul yorimni uchratmadim Qaddi lola bo'y-bastidek gulyorimni uchratmadim Bulbul kabi dil intizor, xonish qilib bog'lar kezar Hushbo'y, ajib gullari bor gulzorimni uchratmadim Qalbim yonib, bag'rim kuyar, ilohiy ishq hajrin tuyar Jonim olib jondan suyar xunxorimni uchratmadim Fursat yetib nasibi ro'z, taqdir aylarmu yuzma-yuz Men esa izlarman hanuz, dildorimni uchratmadim Majnun kabi oshiq Diyor Laylisini o'ylab bedor Ko'ngil mudom aylar xumor, xummorimni uchratmadim Jismimda jon yo'q xastadek, ruhim emasday aslidek Dil bir yorga payvasta lek ul yorimni uchratmadim. 10.01.2019. IQRORMAN Seni sevish bo'lsa jinoyat "Qilmishimga" mayli, iqrorman Kerak emas o'zga inoyat "Oliy jazo" ayla, tayyorman
Qoralovchi, panoh ham o'zing, Muhabbatning qonuni ila Hukm ayla, bir og'iz so'zing! O'sha "mash'um" tungi bazmda Shu "jinoyat ishga" qo'l urdim Shundan buyon har nafasimda Iqrorimga imkon qidirdim O'sha tundan buyon har kecham O'tmas seni hech o'ylamasdan Unutmoqqa imkon bor biroq Men esa bot sevardim "qastdan" Loyiq ko'rsang "oliy jazoga" Shavqat qilma, haq hukm ayla, Seni sevgan qalbim umrbot Ozodlikdan mahrum et, mayli! 08.01.2019 ................................ Kim ekan u sirli dilrabo Ko‘rganlarga aylarmish jafo Kuydirarmush ishq olovida Ko‘ngillarni u etib shaydo Aylanarmish oshiqlar so‘ngsiz Atrofida yutib alamlar Axir uning chiroyi tengsiz, Agar kulsa tark etar g'amlar Ruxsoridan zehni ziyodmish Ro‘yomisol mukammal malak Rost ekan bu chin haqiqatmish Ro‘shnolikdan bermasmish darak Istar ko‘ngil uni ko‘rmoqlik Iforidan bahra olmoqlik Ishq hajrida dil g‘oyibona Ipsiz bo‘lib qoldi bog‘loqlik Menku husnin ko‘rmay shunchalar Maftun bo‘ldimku g‘oyibona Minglab oshiqlarchi qanchalar Mast bo‘lgan ekan o‘zdan tona Agar izlab topib sevgim bot Aytib, izhor etsam dil yorga Anglab chin sevgimni, iltifot Aylarmikan oshiq Diyorga SITORAM Sening sirli so‘zlaring Sog‘intirdi Sitoram Samimiy suhbatlaring Sevintirdi Sitoram
Soatlardir soniya Soniyalar so‘ngsizdir Sensizlikda Sitora Seni sog‘inganimda Sur’atingni silayman Siyratingning sirini So‘ngsizlikdan so‘rayman Sog‘inchim samosida Sensizlikda suzarman Sokinlikning sururin Sensizlikda sezarman Senchi, sevgim sinaysan So‘zlarimdan sir sanab So‘zlarim sof, sevgilim, Senga sevgimdir serob Sen sevgimni sinasang Sinayvergin sevgilim Sog‘inchli so‘zlarimni Sanayvergin sevgilim Sevgim sabrimga suyanch Sabrim sog‘inchlarimga Sog‘inchlarim sang sochar Sensiz sevinchlarimga Sensiz sanab soniya So‘naymi sog‘inchingdan Sevishingni sen sezdir Sog‘ayay sevinchimdan QALBIMGA KISHAN TAQQAN... Qalbimga kishan taqqan husn-u jamolingmasmi? Husn-u jamoling ko'rki ― bir dona xolingmasmi? Nuqta kabi ul menging umrimni yakun aylab, Yangi sahifa ochgan shul labda bolingmasmi?! Xolingni nihon aylab, noz aylaganing chog'da Rozingni ayon etgan ruxsori olingmasmi? Ruxsori oling dilga ishq otashini soldi, Shundan beri yondirgan har on xayolingmasmi?! Vasling umidi birla sarson-u halak, har dam Telba qilayozgan shul beparvo holingmasmi? Ag'yorlara qilgaysan ming lutf-u takalluflar, Bir menga nasib etgan zaxm-u zavolingmasmi? Oshiq Diyor o'lgaydir ul otashi ishqingdan, Dardimga davo tanho o'tlig' visolingmasmi?!... 05.05.2019. Vazni: hazaji musammani bir rukn axrabi bir rukn solim;
JINOYAT
Ozodlikda yuribsan kulib Menga to'nkab ketgansan axir Jinoyating bo'ynimga ilib To'rt tomonim - hijron devori Alam sirtmoqlari - bo'yinda Sevgimizni o'ldirib qo'yding Muhabbat atalmish o'yinda Hech kim xabar topmasin deya Qalbimning to'riga ko'mgandik Men bir umr jim yurdimkuya, Guvoh - yurakka ko'z yumgandik... Men-ku ozod bo'larman, illo Sotqin yurak urmaydi unda, Ming o'tinib so'rayman, Olloh Gunohidan kechgin, deb shunda... 09.05.2019. JINOYAT
To'rt tomoning ― hijron devori, Alam sirtmoqlari bo'yningda. Vafo nomli maydonda, yorim, Muhabbatni otib qo'ydim-da ― Hech kim xabar topmasin deya, Yuragimning to'riga ko'mdim. Bir umr jim yurardim-kuya, Bu kun qalbim ko'zini ko'rdim. Sen-ku ozod bo'larsan, illo, Tanlar qayta tirilgan kunda. Va o'tinib so'raysan: “Xudo, Gunohidan kechgin!”, deb undab... Biroz bo'lgin sen ham toshbag'ir, Ta'na qilgin. Ketsang-chi kulib! Senga to'nkab ketganman, axir, Jinoyatim... "Gunohkor" gulim... 09.05.2019 KO'NGLIM
Sovuqda qurigan umidlarimning Shoxlarin sindirib o't yoqar edik Azob-u alamlar alangasida Isinib bahorga intiqar edik Bahorni qanchalar biz kutar edik... Qaragin atrofga, unar nabobat Bahorning isi bor mayin saboda Biz kutgan onlar ham keldi nihoyat Quyosh nur sochadi moviy samoda... Bahorni qanchalar ko'p kutgandig-a Hammaning qalbida bahor sururi, Qutlashar muhabbat fasli keldi deb Atrofda qushlarning chug'ur-chug'uri O'zgacha zavq berar shodon kulgudek... Bahorni qanchalar ko'p kutgan edik! Nega jim yotasan bag'rim pinjida Havodan bahra ol, atrofga qara, Bo'ronlar chekingan, ochiq kun juda Hadik-u horg'inlik, tark etsa zora Bahorni intizor kutgandik juda Muhabbat dardidan xastahol ko'nglim Xiyonat zarbidan bemajol ko'nglim, Quyoshning taftidan bahra ol ko'nglim Qishda biz qanchalar ko'p sovuq yedik... Bahorni qanchalar biz kutgan edik. 01.03.2019. JANG Besh oydirki sevgim qamalda O'rab olgan g'urur lashkari G'urur ustun kelar amalda Ko'nglim yorib kirar ichkari
Yuragimda ishqni uyg'otib O'ldirishni buyurgansan o'z G'ururimni safarbar etib Sevgim ojiz emasdir ammo G'olib kelar g'urur tobora. Murosaga o'rin yo'q aslo, Tugab borar sevgim madori Madad berar shirin xotira Kuch oladi cho'ng hayollardan Ammo aql yo'l bermas sira Gururimga bo'ysunib har dam O'q uzadi kamondan - alam Ishonchimni o'ldirdi gumon Qayg'u bo'g'gan quvonchimni ham Nafrat qilich solar beomon Sevgi - ko'nglim uchun qilar jang G'urur - o'lim uchun qilar jang Ustun kelib, sevgimga g'urur Qonli o'lim bilan solar chang Qutqar uni bunday azobdan Barchasiga o'zingsan chora. Mayli, bormasang ham, uzoqdan Sevishingga bersang ishora... HAR OYLOQ KECHA Oy mo'ltirar osmonda ma'yus Quyosh kelar ufqdan oshib Xayrlashmoq istamas, afsus Fursat esa o'tmoqda shoshib Shirin suhbat qurdik tonggacha Shunday o'tar har oyloq kecha...
Xasratlarim tinglaydi beun Hayolida o'ylaydi neni Ko'zlarimga boqqancha mahzun Aytilmagan gaplar bor necha, Shunday o'tar har oyloq kecha Oy quyoshdan berkinib har tun Men-la suhbat qurmoq istaydi Netay, mening holim - o'sha kun, Yorim esa, oyga o'xshaydi, Mendan bezor, yor nega buncha?... Shunday o'tar har oyloq kecha. Aytgin qamar, tunning fonusi, Nega faqat yurarsan tunda Quyosh esa izlar kunduzi Faryod chekib, joni halqumda... So'roq qildim quyosh chiqquncha, Shunday o'tar har oyloq kecha... Tun - oshiqlar diydor imkoni Balki quyosh anglamas buni Sen sevgidan ko'ra hayoni Ustun bilib, qiynading uni. Oshiqlarga visol yo'q hech-a?... Shunday o'tar har oyloq kecha. Oy mo'ltirar osmonda ma'yus Quyosh kelar ufqdan oshib Xayrlashmoq istamas, afsus Fursat esa o'tmoqda shoshib Shirin suhbat qurdik tonggacha Shunday o'tar har oyloq kecha... 22.05.2019. AYNI DAM... Salqin havo - shu damda Dilgir navo - shu damda Sendan ko'ra yolg'izlik Dilga ravo shu damda
Ko'ngil yayrar goh-gohda Bahor so'nggi ko'z yoshin To'kmoq istar shu chog'da... Bulutlarni paypaslab Ovutmoq istar quyosh Ammo bulut uvvoslab, Ko'zdan aylar tarki yosh Sendan xoli, qandaydir She'r yozmoq istab bir on... Ammo o'ylar undaydir Zanjirbanddek, yo'q imkon. Shodon damlar eslanar, Xandon damlar eslanar, Afsuski, beixtiyor Armon, g'amlar eslanar Salqin havo - shu damda G'amgin navo - shu damda Sendan qolgan bu darddan Dil benavo shu damda. 17.05.2019. XOTIRA Undan qolgan xotira - bir lolazor Lolazorki, unda ko'nglim arzi bor Alvon gullar ichra dilga o't yoqqan O'shal qizning menda bir dil qarzi bor
Hadya etgan evaziga bir bo'sa Men-chi yana yuragimni qo'sh qo'llab Tutganimda, oldi-yu lek u esa... Yanog'imda labing izi chizilgan Qulog'imda etar kulguying jarang, Senga hadya qilish uchun uzilgan Yuragimning joyi hanuz lolarang Alvon lola, ol yonoqlar, qizil lab... Lolazorda vujudim-la yonuvdim Xotiramdan o'chmas sira, o'shanda O'zimdan ham oldin uni tanuvdim Undan qolgan xotira - bir lolazor Lolazorki, unda ko'nglim arzi bor Alvon gullar ichra dilga o't yoqqan O'shal qizning menga bir dil qarzi bor... ---------------------------------------------- … Yo'lga chiqdim yetmoq uchun osmon so'nggiga, Izladimki, butun umr - to shu kungacha... Sarhisobin qilib umrim so'nggi tongida Angladimki, osmon eni - mendan mengacha...
Birxillikdan bezdi ko'hna bu ochun Mudrab yotar, to'zib ketgan har yoni Shamol kabi esma, jim bo'l, kerakmas. Bo'ron bo'lib ag'darmasang dunyoni...
Yomonlardan bezor edi u, biroq Ketolmasdi, ayro emas dunyosi.. Yashash uchun yomonlardan kuchliroq Yomon bo'ldi u, nachora, ilojsiz.
Sovuq, qorli tog'man dema injilib, Olisdagi ranggin bog'larga qara... Qor-u yomg'ir agar senga yog'masa, Biyobonlar qilar seni masxara.
Yüklə 29,74 Kb. Dostları ilə paylaş:
|