O'zbekiston metallurgiya kombinati

O'zbekiston metallurgiya kombinati
Zavod O'rta Osiyoda to'plangan metall parchalarini eritish uchun tashkil etilgan.


“O‘zbekiston metallurgiya kombinati” aksiyadorlik jamiyati respublikada yetakchi qora metallurgiya korxonasidir. O‘zbekistonning mustaqillik yillarida korxona rivojlanib, yildan yilga o‘z quvvatlarini oshirib kelmoqda. “O‘zbekiston metallurgiya kombinati” aksiyadorlik jamiyati 1944-yil 5-mart kuni foydalanishga topshirildi. Kombinat barcha boshqa korxonalar bilan yaqin o‘zaro aloqada. Shuning uchun O‘zbekiston Respublikasida qora metallurgiya rivojlanishi iqtisodiyotning zamonaviy rivojlanish bosqichining eng muhim ustuvor umumdavlat vazifasidir.Ishlab chiqarishning uzluksiz rekonstruktsiyasi, texnik qayta jihozlanishi va modernizatsiyasi yuqori sifatli raqobatbardosh mahsulotlarni ishlab chiqarishga imkon beradi u respublikaning sanoat korxonalariga va qurilish industriyasiga mahsulot yetkazib beradi, shuningdek eksportga ham yuklab jo‘natadi.
Kombinatning barcha mahsulotlari muvofiqlik sertifikatlariga ega. Sifat menejmenti tizimi Milliy va Xalqaro sertifikat tizimida sertifikatlangan."Management Certification" xalqaro sertifikatlashtirish tashkiloti tomonidan kombinatga ISO 50001:2018 va EN ISO 9001: 2015 xalqaro standartlari bo‘yicha sertifikatlar berilgan.Kombinat respublika korxonalari, shuningdek kichik biznes va xususiy tadbirkorlik subʼyektlari bilan kooperatsion aloqalarni faol rivojlantirmoqda. Yangi ish o‘rinlarni yaratib kelmoqda. Shaharimiz ijtimoiy infratuzilmasining rivojiga muhim hissa qo‘shib kelmoqda.
So‘nggi 5 yilda Investitsiya dasturi asosida ishga tushirilgan obektlar:
- 2018-yilda kombinatda Ferroqotishmalar ishlab chiqarish sexi ishga tushirildi. Sex Janubiy Koreyaning “Posco Dayewoo” kompaniyasi ishtirokida qurilgan bo‘lib, yiliga 15 ming tonna ferrosilitsiy, 10 ming tonna ferrosilikomarganes ishlab chiqaradi.
- 2019-yilda investitsion loyiha asosida Navli prokat sexida sim blokini o‘rnatish bilan “300” standa katanka ishlab chiqarish uchastkasi tantanali ravishda ishga tushirildi. Uchastka 100 ming tonna po‘lat simlar va armatura bog‘lamlari ishlab chiqarishga mo‘ljallangan.
- 2022-yilda yuqori omli koks ishlab chiqarish uchastkasi foydalanishga topshirildi. Kombinatda avvallari xorijdan import qilingan ferroqotishmalar ishlab chiqarish va elektrda po‘lat eritish uchun zarur bo‘lgan yuqori omli (yuqori elektr qarshiligiga ega bo‘lgan) koks ishlab chiqarish yo‘lga qo‘yildi.
- 2022-yilda Navli prokat sexida termomexanika usulida mustahkamlangan diametri №10 – 36 mm, mustahkamligi esa A500 va A800 sinfiga mansub bo‘lgan armaturani ishlab chiqarish loyihasi amalga oshirildi.
O‘zbekiston Respublikasi Prezidentining “O‘zmetkombinat” aksiyadorlik jamiyatini rivojlantirish Dasturi to‘g‘risida” 2020-yil 28-dekabrdagi PQ–4937-sonli “O‘zbekiston Respublikasining 2021-2023-yillarga mo‘ljallangan investitsiya dasturini amalga oshirish chora-tadbirlari to‘g‘risida” qaroriga muvofiq “O‘zmetkombinat” aksiyadorlik jamiyati tomonidan “Quyuv-prokatlash kompleksini qurish” yirik investitsiya loyihasi amalga oshirilmoqda. Loyihani amalga oshirish muddati – 2020-2024-yy.
- “Quyuv-prokatlash majmuasini qurish” loyihasi eng yirik investitsiya loyihasidir. Bu loyiha asosida kombinatda 1,04 million tonna import o‘rnini bosadigan, eksportbob, issiq holda prokatlangan po‘lat list o‘ramlari ishlab chiqariladi. Ushbu loyiha amalga oshirilishi natijasida kombinatning ishlab chiqarish quvvatlari deyarli ikki baravarga oshadi. Metallurgiya uskunalari yetkazib berishda jahonda yetakchi bo‘lgan “Daniyeli” (Italiya) kompaniyasi hamda sanoat obektlarini qurishda katta xalqaro tajribaga ega bo‘lgan pudratchi “Ronesanc Avstriya” (Turkiya) kompaniyasi bu investitsiya loyihasini amalga oshirishda hamkorlik qilmoqda. Ayni kunlarda Quyuv-prokatlash majmuasini qurish ishlari qizg‘in davom etmoqda.
Kombinat tarkibida quyidagilar mavjud:
- Elektrda po‘lat eritish sexi;
- Navli prokat sexi;
- Zoldir prokat sexi;
- Rangli metallar ishlab chiqarish sexi;
- Issiqlikni o‘tkazmaydigan materiallarni ishlab chiqarish sexi;
- Xalq isteʼmoli mollari ishlab chiqarish sexi;
- Respublika hududlari bo‘ylab qora metall parchalari va chiqindilari tayyorlash va qayta ishlash sexlari;
-"O‘zmetkombinat" AJ "Ikkilamchiqorametallar" boshqarmasining filiallari;
-Ferroqotishmalar ishlab chiqarish sexi.
Kombinat quyidagilarni ishlab chiqaradi:
- Navli prokat va polat zoldirlar;
- Rangli metallar va metall buyumlar;
- Ferroqotishmalar;
- Issiqliqlik o‘tkazmas materiallar;
- Xalq isteʼmoli mollari (sirlangan idishlar);
- Gazsimon va suyuq argon, azot, kislorod;
- Yuqori omli koks.
“O‘zmetkombinat” AJ faoliyatining asosiy vazifalari va yo‘nalishlari:
birinchidan, ishlab chiqarishni modernizatsiyalash va diversifikatsiyalash bo‘yicha puxta o‘ylangan yagona texnik siyosatni amalga oshirish, zamonaviy energiya tejamlovchi texnologiya va asbob-uskunalarni joriy etish, shuningdek jamiyatning xom ashyo bazasini kengaytirish;
ikkinchidan, ishlab chiqarishning yuqori o‘sish surʼatini taʼminlashga yo‘naltirilgan jamiyatni boshqarish tizimida tarkibiy o‘zgartirishlarni amalga oshirish, yuqori qo‘shilgan qiymatli mahsulotni eksport qilish hajmini ko‘paytirish, shu jumladan yangi bozorlarni o‘zlashtirish hisobiga, mahsulotning tannarxini pasaytirish bo‘yicha ishlarni maqsadga yo‘naltirilgan tizimli negizda olib borish;
uchinchidan, xom-ashyo bazasini kengaytirish, yangi yuqori texnologiyali korxonalarni qurish va ishga tushirish, shu jumladan loyiha-smeta hujjatlarni ishlab chiqish jarayonlarining samaradorligini oshirish va shaffofligini taʼminlash bilan to‘g‘ridan to‘qri investitsiyalarni jalb etish, shuningdek, loyihalarni boshqarishning zamonaviy uslublarni joriy etish;
to‘rtinchidan, metallurgiya mahsulotlarini, butlovchi buyum va materiallarni ishlab chiqarishni mahalliylashtirilishini kengaytirish tuzilmasini maqbullashtirish va tovar va xizmatlar importini qisqartirish maqsadida;
beshinchidan, muhandis-texnik va boshqaruv kadrlarining malakasini oshirishni, qayta tayyorlashni tashkil etish oliy, o‘rta maxsus, kasb-hunar taʼlim va ilmiy muassasalar bilan kooperatsiyani kuchaytirish yo‘li bilan;
oltinchidan, qattiq raqobat sharoitlarida jamiyatning samarali ishini taʼminlashga qodir bo‘lgan kasb mahoratining yuqori darajasiga yetishda motivatsiyalangan, qobiliyatli, vijdonli va vatanparvar yosh mutaxassislarni jalb etish bo‘yicha maqsadli ishlarni olib borish yo‘li bilan jamiyatning kadrlar salohiyatini mustahkamlash.“O‘zmetkombinat” AJ qora metall parchalari va chiqindilari lom sotib olish bo‘yicha yagona vakolatli organdir, shunga muvofiq O‘zbekiston Republikasi hududida yig‘ilgan metallolom faqat kombinatga topshirilishi lozim.
Respublikaning lom tanqisligi va qora metall prokati mahsulotiga bo‘lgan ehtiyojini qoplash maqsadida kombinat menejmenti metallolom topshirilishini ko‘paytirish uchun boshqarishning zamonaviy bozor mexanizmlarini qo‘lladi, metallolomga narxni o‘z vaqtida oshirish ulardan biridir, hozirgi vaqtda uning narxi bir tonnasi uchun 2,5 mln. so‘mni tashkil etadi (QQS siz), bu metallolom narxining 4 baravarga oshganini ko‘rsatmoqda.Metallolom topshirilishining ko‘payishi hukumat strategiyalarini va rivojlantirish dasturlarini amalga oshirish doirasida ko‘p obʼyektlarni ishga tushirish hisobiga kombinat tomonidan ishlab chiqarilayotgan mahsulotning hajmini oshirishga imkon beradi.
Qora metall prokati, shu jumladan po‘lat soqqalar sotuvi birja savdolari orqali, shuningdek to‘g‘ridan to‘g‘ri shartnomalar orqali o‘rtacha birja narxlar bo‘yicha respublikaning yirik isteʼmolchilariga, budjet hisobiga moliyalashtirilayotgan isteʼmolchilar bundan mustasno, har yili tasdiqlanayotgan qora metallar prokatini ishlab chiqarish va sotish balansiga asosan amalga oshiriladi.
Zavod qurilishi 1943 yilda boshlangan, 1944 yil 5 martda birinchi Marten pechkasi, 1945 yilda ikkinchi, 1949 yilda uchinchi pech ishga tushirilgan. 1946 yil sentyabr oyida 300 kichik navli Stan, 1948 yil may oyida 700 nozik bargli Stan ishga tushirildi. Zavodni loyihalashda Kiyev va Xarkov ilmiy-tadqiqot institutlari va muassasalari ishtirok etdi. Marten sexi 1950 yilda loyiha quvvatiga, 1951 yilda prokatga erishdi. 1962 yilda uzluksiz po'lat quyish qurilmasi ishga tushirildi. 1970-yillarning o'rtalariga kelib metallurgiya sexlarining quvvati 3 baravar oshdi. Zavod metall parchalari, shuningdek, Ural va Qozog'iston metallurgiya zavodlari tomonidan yetkazib beriladigan cho'g'unni eritgan. Tayyor mahsulotlar mashinasozlik korxonalari va qurilish tashkilotlari tomonidan ishlatilgan. 1974 yilda emal idishlar ishlab chiqarish o'zlashtirildi. 1970-yillarning oxiri va 1980 — yillarning boshlarida zavod elektr eritish va prokat sexlari, shuningdek yordamchi sexlar qurilishi hisobiga kengaytirildi. 1994-yilda O'zbekiston Respublikasining faxriy yorlig'i bilan taqdirlangan. 1994 yilda zavod Shirin mashinasozlik zavodi va "Vtorchermet" korxonalarining xo'jalik hisobidagi birlashmasi bilan birlashtirilgandan so'ng "O'zmetkombinat"ochiq aksiyadorlik jamiyati tashkil etildi.
“O‘zbekiston metallurgiya kombinati” aksiyadorlik jamiyati respublikada yetakchi qora metallurgiya korxonasidir. O‘zbekistonning mustaqillik yillarida korxona rivojlanib, yildan yilga o‘z quvvatlarini oshirib kelmoqda. “O‘zbekiston metallurgiya kombinati” aksiyadorlik jamiyati 1944-yil 5-mart kuni foydalanishga topshirildi. Kombinat barcha boshqa korxonalar bilan yaqin o‘zaro aloqada. Shuning uchun O‘zbekiston Respublikasida qora metallurgiya rivojlanishi iqtisodiyotning zamonaviy rivojlanish bosqichining eng muhim ustuvor umumdavlat vazifasidir.Ishlab chiqarishning uzluksiz rekonstruktsiyasi, texnik qayta jihozlanishi va modernizatsiyasi yuqori sifatli raqobatbardosh mahsulotlarni ishlab chiqarishga imkon beradi u respublikaning sanoat korxonalariga va qurilish industriyasiga mahsulot yetkazib beradi, shuningdek eksportga ham yuklab jo‘natadi.
Kombinatning barcha mahsulotlari muvofiqlik sertifikatlariga ega. Sifat menejmenti tizimi Milliy va Xalqaro sertifikat tizimida sertifikatlangan."Management Certification" xalqaro sertifikatlashtirish tashkiloti tomonidan kombinatga ISO 50001:2018 va EN ISO 9001: 2015 xalqaro standartlari bo‘yicha sertifikatlar berilgan.Kombinat respublika korxonalari, shuningdek kichik biznes va xususiy tadbirkorlik subʼyektlari bilan kooperatsion aloqalarni faol rivojlantirmoqda. Yangi ish o‘rinlarni yaratib kelmoqda. Shaharimiz ijtimoiy infratuzilmasining rivojiga muhim hissa qo‘shib kelmoqda.