Y uzning sohalarga bo’linishi. Boshning yuz qismiga ko‘z kosasi, burun va og‘iz bo‘shliqlari kiradi. Bu bo‘shliqlar va ularga yaqin turgan yuzning qismlari alohida sohalar (regio orbitalis, regio nasalis, regio oris) sifatida ajratiladi. Og‘iz sohasiga engak sohasi (regio mentalis)qo‘shiladi. Yuzning qolgan qismlari yuzning yon sohasi (regio facialis lateralis)deb qaraladi. Yuzning yon qismi yuza va chuqur sohalarga bo’linadi. Yuza sohaga quloq oldi-chaynov va lunj sohalari kiradi. Yuzning chuqur sohasi chakka, chakka osti va qanot – tanglay chuqurchalaridan iborat.
Lunj sohasida ko‘p miqdorda mimika muskullari joylashganligi sababli bu sohani mimika muskullari sohasi deb atash mumkin. Quloq oldi-chaynov sohasida va yuzning chuqur sohasida chaynov apparatiga tegishli bo‘lgan a’zolar joylashganligi sababli uni jag‘-chaynov sohasiga birlashtirish mumkin.
