Mövzu. Detalın 3D modelinin yaradılması.
Mövzunun aktuallığı. Yeni həndəsi modelləşdirmə üsulu ilə alınan real cismlərin üçölçülü kompüter modeli öz əyaniliyi ilə cəlbedicidir. Belə ki, bu modeldə həndəsi parametrlərlə yanaşı diğər parametrləri də müəyyən və tədqiq etmək imkanı vardır. Bu modeldən avtomatik ikiölçülü cizgilər alınır. Üçölçülü elektron modelindən müasir istehsal texnologiyalarının yaradılması zamanı da geniş istifadə olunur.
Başqa sözlə, üçölçülü kompüter modeli həndəsi modelləşdirmədə yeni mütərəqqi mərhələdir və gələcəkdə onun geniş istifadəsi zəruridir. Odur ki, sabahın mühəndislərinin hazırlanması üçün bu modelin mahiyyətinin və tətbiq olunma texnologiyasının öyrənilməsi vacibdir.
İşin yerinə yetirilməsində məqsəd. Tələbələrdə üçölçülü kompüter modelinin yaradılması vərdişlərini yaratmaqdır.
İşin məzmunu. Naturadan real detalın forma və ölçülərinə uyğun 3d kompüter modelinin, üçölçülü çəkmə və redaktəetmə komandalarının, real cisim effektinin alınmasının və 3d modeldən avtomatik iki ölçülü cizgilərin alınmasından ibarətdir.
