Yol-nəqliyyat hadisələrinin analizinin əsas məsələləri və xüsusiyyətləri

---

Yol-nəqliyyat hadisələrinin analizinin əsas məsələləri və xüsusiyyətləri 

Qəzalılıq vəziyyətinin yol hərəkətinin təhlükəsizliyinin təmini üzrə fəaliyyəti

xarakterizə edən digər göstəricilərinin qiymətləri haqqında məlumatların analizinin

əsas məsələləri kimi aşağıdakıları qeyd etmək olar: 

1.

Yol   hərəkəti   təhlükəsizliyinin   təmini   üzrə   bütün   fəaliyyət

istiqamətləndirmək və yerinə yetirilməsi növbəliyini müəyyən etmək. 

2.

Qəzalılıq   vəziyyətinin   proqnozlaşdırılması.   Bu   istiqamət   məlumatların

statistik   analizinin   təkmilləşdirilməsi   yollarının   ən   intensiv   inkişaf   etdirilməsi

istiqamətlərindən   biridir.   Qəzalılıq   vəziyyətini   qiymətləndirmək   və

proqnozlaşdırmaq üçün kifayət qədər modellər işlənib hazırlanmışdır. 

3.

Yol hərəkəti təhlükəsizliyinin təmini üzrə fəaliyyəti qəzalılıq vəziyyəti ilə

tutuşdurduqda   məlumatların   çox   ölçülü   emalı   üsullarının   işlənməsi.   Analitik

fəaliyyətdə  müxtəlif  göstəricilərin  qarşılıqlı   əlaqələrin  müəyyən   edilməsi   və   bu

əlaqələrin dərəcələrinə görə müqayisə olunması az öyrənilmiş sahə hesab olunur.

Digər   sahələrdə   aparılmış   tədqiqatların   nəticələrinə   əsasən   söyləmək   olar   ki,

göstəricilərin qarşılıqlı əlaqəsi analizin son nəticələrinə ciddi təsir göstərir. 

4.

Konkret   götürülmüş   YNH-nin   səbəb   və   şəraitlərinin   analizi   (YNH-nin

ekspertizası). 

5.

Məhdud qrup YNH-nin analizi. Xarici sənədlərdə bu məsələnin həllinə daha

böyük diqqət yetirilir və müəyyən müsbət nəticələr əldə olunmuşdur. 

6.

İştirakçılar   üçün   məlumatların   verilməsi,   nəzarət,   saxlanması,   axtarışları

daha   rahat   şəkildə   çatdırmaq   məqsədi   ilə   EHM   kompleksi   üçün   universal

proqramların hazırlanması. 

YNH haqqında məlumatların analizində məsələlərin həll edilmə üsulları bir

sıra   xüsusiyyətlərə   malikdir.   Yol   hərəkətinin   təhlükəsizliyinin   təmini   (YHTT)

sistemində idarəetmə prosesinin 3 əsas xarakteristikalarını fərqləndirmək lazımdır: 

1.

YHTT   ssitemi   ierarxik   prinsip   əsasında   qurulmuşdur.   Təbii   ki,   müxtəlif

səviyyələrdə planlaşdırılan və yerinə yetirilən tədbirlərin mahiyyəti bir-birindən

---

kifayət   qədər   fərqlənəcəkdir.   Uyğun   olaraq   statistik   materialların   yığılması   və

onların analizi üsulları da fərqlənəcəkdir. 

2.

YHTT sistemində hər bir təşkilat öz spesifik funksiyalarını yerinə yetirir.

Bu funksiyalar analiz üsullarında o qədər əks olunmasalar da onlar analiz olunan

məlumatların mahiyyətini müəyyən edirlər. 

3.

Fəaliyyətin   xüsusi   növü   kimi   idarəetmə   YHTT   sistemində   fəaliyyət

funksiyasından asılı olmayaraq bütün səviyyələrdə öz məsələlərini həll edir. bu

məsələlərdən   analitik   işlərin   mahiyyətinə   ən   çox   təsir   edəni   planlaşdırmaqdır.

Adətən, 3 cür planlaşdırmaya baxılır: perspektiv; cari; bir dəfəlik.

Analitik fəaliyyətin mahiyyəti ancaq planlaşdırma funksiyası ilə müəyyən

edilməyib, planların təşkili və yerinə yetirilməsinə nəzarəti də əks etdirir. 

Operativ   idarəetmə   planlarının   yerinə   yetirilməsinin   təşkili,   məlumatların

tətbiqi və emalı üsullarından daha çox onların yığılma periodikliyinə təsir edir.

Uzun ömürlü qərarların qəbulu üçün lazım olan məlumatlar ən azı ildə bir dəfə və

çox yığılmalıdır. 

İdarəetmə   sistemində   nəzarət   funksiyası   informasiya   axınlarında

“konservativliyi” doğurur. İdarətetmə sistemi nəzarət formalı üsullarını sistematik

olaraq dəyişərək şəraitə uyğunlaşdırır. Bu yeni forma və üsullar isə, təbii ki, yeni

məlumatlar tələb edir.