Yosh kitobxon oila

“Yosh kitobxon oila” tanlovini

tashkil etish va o‘tkazish to‘g‘risidagi

NIZOM
I. Umumiy qoidalar

1. Mazkur Nizom yosh oilalar o‘rtasida “Yosh kitobxon oila” tanlovini (keyingi o‘rinlarda – Tanlov deb yuritiladi) o‘tkazish tartibini belgilaydi.

2. Ushbu Tanlov yosh oilalar o‘rtasida kitobxonlik madaniyatini oshirishga qaratilgan ustuvor vazifalarni izchil amalga oshirishga yo‘naltirilgan.

3. Tanlovni yuqori saviyada o‘tkazish uchun O‘zbekiston Respublikasi Yoshlar ishlari agentligi, Mahalla va oilani qo‘llab-quvvatlash vazirligi, Respublika Ma’naviyat va ma’rifat markazi, O‘zbekiston Yozuvchilar uyushmasi mas’ul tashkilotlar etib belgilanadi.

4. O‘zbekiston Respublikasida istiqomat qilayotgan millati, dini, ijtimoiy kelib chiqishi va tilidan qat’iy nazar 30 yoshgacha bo‘lgan barcha yosh oilalar tanlovda ishtirok etish huquqiga ega. Ishtirokchilar talabidan kelib chiqib, ularning tanlov jarayonida qoraqalpoq va rus tillaridan foydalanishiga ruxsat beriladi.

5. Respublika ishchi guruhi Tanlov nizomiga o‘zgartirish va qo‘shimchalar kiritish vakolatiga ega.