Hindiston mintaqaviy sun’iy yo‘ldosh navigatsiya tizimi IRNSS ham ishlab chiqilish bosqichida bo‘lib, boshqa sun’iy yo‘ldosh tizimlaridan farqli ravishda u bir muncha aniq va amalga oshirib bo‘linadigan masalalarni hal etishga yo‘naltirilgan. IRNSS tizimining birinchi sun’iy yo‘ldoshi 2008 yilda orbitaga chiqarilgan bo‘lib, bu tizim jami 7 ta sun’iy yo‘ldoshni o‘zida mujassamlashtiradi. QZSS kvazizenit sun’iy yo‘ldosh tizimi Yaponiyaning kosmik sanoati tomonidan 2010 yildan beri rivojlantirilmoqda va shu yili orbitaga «Michibiki» nomli birinchi sun’iy yo‘ldosh olib chiqilgan. 2017 yilda Yaponiya orbitaga yana uchta sun’iy yo‘ldoshni olib chiqishni rejalashtirgan edi va ular ham to‘liq olib chiqildi. Ulardan ikkitasi o‘rta orbitaga, bittasi esa ekvator ustidagi geostatsionar orbitaga joylashtirilgan. Mazkur sun’iy yo‘ldosh navigatsiya tizimi mobil ilovalarga video, audio va boshqa turdagi aloqa xizmatlarini ko‘rsatish va global joylashishni aniqlash uchun mo‘ljallangan.
3. Dunyodagi boshqa global joylashish tizimlari QZSS signallari Yaponiya va Tinch okeanining g‘arbiy qismini qamrab oladi. QZSS tizimining joriy etilishi navigatsiya masalalarini hal etish samaradorligini oshirishga xizmat qilishi kutilyapti. Hozirda sun’iy yo‘ldosh navigatsiya tizimi aniqlikni oshirish, mijozlarga ko‘rsatilayotgan xizmatlarni mukamallashtirish, xizmat muddatini oshirish va sun’iy yo‘ldoshlarning bort apparaturasi ishonchliligini oshirish, boshqa sun’iy yo‘ldosh va radiotexnika tizimlari bilan
