Aseton CH 3 COCH 3 – tez buxarlanan rəngsiz mayedir – nitrosellüloz rəng və lakların həlledicisidir.
Turşu və qələvilər səth suları ilə gölməçələrə daxil olduqda onların turşuluğunu dəyişir və su orqanizmlərinin məskunlaşma şəraitinə, növlərin tərkibinə və sayına təsir göstərir.
Qurğuşun, sink, mis, xrom, sürmə kimi metallar orqanizmdə toplanma təsirinə malikdir, yəni orqanizmdən kənar olmur və toplandıqca zəhərləyici təsiri güclənir.
Alüminiumun həll olan duzları – xloridlər, sulfatlar, nitratlar içməli su ilə orqanizmə daxil olaraq canlı orqanizmlərə zəhərləyici təsir göstərir. Onlar orqanizmin toxumalarında toplanır. Neft məhsulları, çirkab suları gölməçələrə düşdükdə suyun biosenozlarında ciddi dəyişiklik yaradır. Bu neft məhsullarının su hövzələrinin bütün təbəqələrinə nüfuz etməsi ilə əlaqədardır: onların komponentlərindən bir hissəsi dibə çökür, digərləri su qatında suspenziya və emulsiya şəklində, qalanları isə – molekulyar- həll olunmuş vəziyyətdə olur.
