Proqnozlaşdırma. Xarici mühitin və ya istehsalat prosesinin elementlərinin gələcək vəziyyətlərinin və ya hərəkətlərinin qiymətləndirilməsi. Məqsəd-qeyri-müəyyənlik şəraitində lazımi parametrləri qiymətləndirməkdir. İnformasiyanın çatışmaması, bir qayda olaraq, vaxt faktoru ilə bağlı olur. Proqnozlaşdırma ya sərbəst, ya da planlaşdırmadan əvvəl, onun 1-ci addımı kimi aparıla bilər.
Layihələrin və proqramların idarə edilməsi. Müərkkəb məhsul buraxılışı üçün nəzərdə tutulan istehsalat sistemlərində istehsalatın özü tam istehsalat dövrünün bir mərhələsi olur. Ondan əvvəl layihələndirmə, konstruktor və texnoloji hazırlıq mərhələləri yerinə yetirilir, hasil olunan məhsul isə sınaqdan keçirilir və modifikasiya olunur. Mürəkkəb məhsul istehsalı üçün istehsalat dövrünün uzunluğu, istehsalatda bir-birilə bağlı çoxlu sayda müəssisənin iştirak etməsi, daxili və xarici əlaqələrin mürəkkəb-liyi xasdır. Buradan da layihələrin və proqramların bütövlükdə idarə edilməsi və uyğun funksiyaların idarəetmə sisteminə daxil edilməsi zərurəti yaranır.
