1. Jismoniy shaxslardan olinadigan daromad solig’i. Jismoniy shaxslarning mol-mulkiga solinadigan Soliq. Jismoniy shaxslardan olinadigan yer solig’i

Jismoniy shaxsning – O’zbekiston Respublikasi norezidentining O’zbekiston Respublika-sidagi daromadlar manbaidan olingan, daromadlariga manbada chegirmalarsiz quyidagi stavkalar bo’yicha Soliq solinadi:
· Dividendlar va foizdarga – 10 foiz;
· Xalqaro tashishlarda transport xizmatlari ko’rsatishdan olinadigan daromadlarga
(fraxtdan olinadigan daromadlarga) - 6 foiz;
· Intelektual mulk obyektlariga bo’lgan mulkiy huquqlarni boshqa shaxsga o’tkazilganlik
uchun pul mukofoti, ijara bo’yicha daromadlarga hamda, ishlarni bajarish, xizmatlar ko’rsatish bilan bog’liq bo’lgan, mehnat shartnomalari va fuqarolik-huquqiy tusga ega shartnomalar bo’yicha olingan boshqa daromadlarga – 20 foiz.
To’lov manbaida Soliq solish to’lovi O’zbekiston Respublikasi xududida yoki uning xududidan tashqarida sodir etilganligidan kat’iy nazar amalga oshiriladi.
Kalendar yil Soliq davridir. Yil choragi daromad to’lash manbaidan jismoniy shaxslarning daromad Soliqlarini ushlab koluvchilar uchun hisobot davridir.
Jismoniy shaxslarning daromadlariga solinadigan Soliqni to’lov manbaida hisoblab chiqarish, ushlab qolish va to’lash majburiyati yuridik shaxslar, faoliyatni O’zbekiston Respublikasida doimiy muassasa orkali amalga oshirayotgan O’zbekiston Respublikasi norezidentlari hamda chet el yuridik shaxslarining vakolatxonalari zimmasiga yuklatiladi.
Jismoniy shaxslarning daromadlariga to’lov manbaida Soliq solinadigan daromadlariga quyidagi lar kiradi:

1. 
   Jismoniy shaxslarning mehnatga haq to’lash tarzidagi daromadlari;
   
2. 
   Soliq Kodeksining 177-modldasiga muvofiq moddiy naf tarzidagi daromadlar;
   
3. 
   Jismoniy shaxslarning mulki daromadlari (dividendlar,foizlar, mol-mulkni ijaraga berishdan olingan daromadlari);
   
4. 
   Jismoniy shaxslarning boshqa daromadlari (bular Kodeksning 178-moddasida aks ettirilgan);
   
5. 
   Jismoniy shaxsga yuridik shaxs tomonidan moddiy naf tariqasida to’lanadigan daromadlar.