Zn0 – 2e - = Zn+2 oksidləşmə
Cu+2 + 2e - = Cu0 reduksiya
Prosesin ümumi tənliyi belə göstərmək olar.
Zn0 + Cu+2 = Zn+2 + Cn0
Məhlulda mis inlarını sayı azaldıqca, artıq qalan SO4-2 ionları arakəsmədən sola, sink ionları isə soldan sağa keçir və beləliklə, məhlulda kation və anionların nisbəti dəyişmir. Üzərində oksidləşmə prosesi gedən elektrod anod, reduksiya prosesi gedən elektrod isə katod adlanır. Hər bir qalvanik elementi qısa elektrokimyəvi sxem şəklində göstərmək qəbul edilmişdir. Məsələn, Cu-Zn qalvanik elementi belə göstərilir:
(-) Zn | Zn+2 || Cu+2 | Cu (+)
Vertikal tək xətlər məhlul ilə elektrodlar arasındakı ayrılma səthini, qoşa xətt isə məsaməli arakəsməni ifadə edir.
2.METAL VƏ HİDROGEN RABİTƏLƏRİ
Metal rabitə. Dövri sistem elementlərinin əksəriyyəti metallardır. Metalların bir-birindən fərqlənmələrinə baxmayaraq,onların ümumi xassələri də vardır. Metallar yüksək elektrik və istilik keçiriciliyinə, plastikliyə,metal parıltılığına, reduksiyaedici və s. ümumi xassələrə malikdir. Bütün bu xassələr metal rabitəsinin təbiəti ilə əlaqədardır. Metal rabitəsi eyni metal atomları arasında mövcuddur.
Kristal qəfəsdə müsbət metal ionları ilə ümumiləşdirilmiş valent elektronları arasında qarşılıqlı təsirdən yaranan delokallaşmış çoxmərkəzli kimyəvi rabitəyə metal rabitəsi deyilir. Metal rabitəsi metalın kristal halında mövcuddur. Buxar fazada metallar atomlar və ya ikiatomlu molekullar halında olur (Na2, K2 və s.).
Dostları ilə paylaş: |
