1. kurikulumun əsaslari

Şəxsiyyətin təhsil və tərbiyəli olmasına təsir göstərən amillər.: Şəxsiyyətə 
xaricdən edilən təsir, özünütəhsil, özünütərbiyə. 
TƏRBİYƏNİN PRİNSİPLƏRİ 
Pedaqogikada tərbiyənin prinsipləri dedikdə tərbiyə prosesində rəhbər tutulası 
əsas tələblər, başlıca müddəalar başa düşülür.Tərbiyə praktikasında daha çox 
istinad olunan prinsiplər bunlardır : 
1. Tərbiyədə məqsədyönlülük prinsipi qarşıda duran məqsədə qəti və fəal 
surətdə can atmaqda ifadə edilir.Tərbiyə prosesində məqsəd aydınlığının 
gözlənilməsi ictimai faydalı işləri , sinifdənkənar tədbirləri düzgün və 
rəngarəng təşkil etmək imkanı yaradır. 
2. Tətbiyənin həyatla, əməklə, quruculuq işləri ilə əlaqələndirilməsi prinsipi 
şagirdlərin, cəmiyyətin həyatı ilə dərindən tanış olmasına və onun yenidən 
qurulmasında fəal iştirak etməsinə şərait yaradır. 
3. Tərbiyədə yaşauyğunluq prinsipi.Hər yaş dövrünün başqasından 
fərqləndirən fiziki və psixi xüsusiyyətləri vardır: Yaş dövrlərində uşaqların 
inkişafı üç istiqamətdə gedir: 1)anatomik-fizioloji inkişaf; 2)psixoloji inkişaf; 
3) Intellektual – mənəvi inkişaf. 
4. Tərbiyədə uşaqların fərdi və cinsi xüsusiyyətlərinin nəzərə alınması 
prinsipi:Ayrı- ayrı yaş dövrünün özünəməxsus xüsusiyyətləri olduğu kimi, 
ayrı-ayrı uşağın da yaşıdından, həmçinin oğlanı qızdan fərqləndirən 

---

xüsusiyyətlər olur.Bu xüsusiyyətləri nəzərə almadan tərbiyədə yaxşı 
nəticələr qazanmaq mümkun deyil. 
5. Tərbiyədə nikbinlik prinsipi.Ərəbcə “Nik” – yaxşı,” bin” görmək deməkdir. 
Nikbinlik – yəni uşağa yaxşı nəzərlə baxmaq deməkdir.Yaxşı nə varsa hamısı 
uşaqlara verilməli, gözəl nə varsa hamısı uşaqların olmalıdır. 
6. Tərbiyədə fərdi yanaşma prinsipi hər bir şagirdin fərdi xüsusiyyətlərini 
nəzərə almağı tələb edir.Şagirdlərin öz sevincləri, həyat haqqında öz 
təsəvvürləri vardır, buna görə də, müəllim şagirdləri tanımalı onların zəif və 
yaxşı cəhətlərini bilməli və işin xeyrinə istiqamətləndirməyi bacarmalıdır.