şəraitdə düzgün düşünə və düzgün hərəkət edə bilmirlər.Valideyinlərin,
müəllimlərin, digər tərbiyəçilərin nəzarəti olmadığı şəraitdə onların verdiyi
istiqamətə uyğun düşünməyə və davranmağa uşaqların alışması prosesi
özünütərbiyədir.
TƏHSİL ANLAYIŞI.Pedaqogika elminin başlıca anlayışlarından olan “təhsil” sözü
ərəb dilində “hasil”, “məhsul” mənalarını verən “həsələ” kökündən əmələ
gəlmişdir.Təhsil haqqında Azərbaycan Respublikasının Qanununda yazılmışdır:
“
Təhsil – sistemləşdirilmiş bilik, bacarıq, təcrübə və vərdişlərin mənimsənilməsi
prosesi və onun nəticəsidir
”.Təlim və tərbiyənin nəticəsində təhsil meydana gəlir.
Elm və məlumat əldə etmə, müntəzəm surətdə oxuyub – öyrənmək sayəsində
əldə edilmiş bilik, bacarıq və təcrübənin məcmusudur. Hər bir dövlətin və millətin
inkişafında onun təhsilinin müstəsna rolu var.
Təhsil cəmiyyətin və dövlətin
mənafeyi naminə şəxsiyyətin intellektual və emosional sferalarını inkişaf
etdirmək,onun həyata hazırlanması məqsədi ilə sistemləşdirilmiş bilik, bacarıq
və vərdişlərin mənimsənilməsi və onun nəticəsidir.
-İNKİŞAF –insanın orqanizmində kəmiyyət (bioloji inkişaf) və keyfiyyət( cəmiyyət
üçün yararlı insan) dəyişiklikləri prosesi və onun nəticəsidir.Şəxsiyyətin inkişafı
obyektiv aləmin mürəkkəb prosesidir.Müasir elm bu prosesi dərindən öyrənmək
üçün şəxsiyyətin inkişafının fiziki, psixi, mənəvi, sosial və digər komponentlərini
(tərəflərini) göstərmişdir.Ona görədə elmdə insanın bioloji, psixoloji və sosial
inkişafı anlayışları işlədilir.Pedaqogika şəxsiyyətin inkişafının həmin komponentləri
ilə qarşılıqlı əlaqədə onun mənəvi inkişaf problemlərini də öyrənir. Pedaqogika
elmində şəxsiyyətin inkişafı dedikdə onun daha çox psixi, mənəvi inkişafı başa
düşülür.Yəni, iradi keyfiyyətlər, yaddaş, hafizə, təsəvvür, təxəyyül, təfəkkür,
diqqət, məsuliyyət və s. psixoloji keyfiyyətlər təlim və tərbiyə prosesində inkişaf
edir.Şəxsin malik olduğu psixoloji xüsusiyyətlər pedaqoji prosesdə istər-istəməz,
obyektiv şəkildə müəyyən dərəcədə inkişaf edir.Pedaqoji prosesin bu imkanını
bilən və onu öz işində nəzərə alan müəllimlər və digər tərbiyəçilər həmin inkişafın
səviyyəsini xeyli yüksəldə bilirlər.Bu mənada inkişaf pedaqoji prosesin həm zəmini
olur, həm də nəticəsinə çevrilir.
Dostları ilə paylaş: 
