1. kurikulumun əsaslari

başlıca funksiyanı yerinə yetirir : öyrətmək, tərbiyə etmək və inkişaf etdirmək. 
Təlimin təhsilləndirici(öyrədici) funksiyası şagirdləri proqram dairəsində bilik, 
bacarıq və vərdişlərlə silahlandırmaqda ifadə olunur. Təlimin tərbiyəedici
funksiyası təlim prosesində şagirdləri tərbiyə etməkdə ifadə olunur. Təlimin 
inkişafetdirici funksiyası təlim prosesində şagirdlərin ümumi inkişafında, psixi 
proseslərin təşəkkülündə ifadə olunur. 
TƏLİMİN MƏRHƏLƏLƏRİ 
Təlimin mərhələləri və onların ardıcıllığı belədir:
1. Yeni tədris materialının qavranılması; Təlimin bu mərhələsində şagirdlər 
öyrənilən mövzu(material), qanun və ya qayda ilə ilkin tanış olurlar. 
2. Biliklərin, bacarıq və vərdişlərin formalaşması; Təlimin bu mərhələsində 
uşaqlar müəllimin rəhbərliyi ilə müəyyən əqli nəticələr çıxarır, öz fikirlərinin 
doğruluğunu isbat etməyə meyl göstərirlər, onlarda əqidə ünsürləri yaranır, 
öyrəndikləri hadisələrə müəyyən mövqedən yanaşmağa başlayırlar. 
3. Biliklərin, bacarıq və vərdişlərin möhkəmləndirilməsi və tətbiqi; Əsas 
şəkildə dərk edilən bilik və bacarıqlar sonra möhkəmləndirilir. 
4. Müvəffəqiyyətin hesaba alınması və qiymətləndirilməsi.Təlim zamanı 
şagirdlərin mənimsəmə fəaliyyətinə nəzarət imkan verir ki, müəllim onların 
bilik və bacarıqlarının mövcud vəziyyətdən hali olsun, ehtiyac duyan, 
çətinlik çəkən şagirdlərə lazımi köməklik göstərsin, müvafiq istiqamət 
versin. 

---

Asan yadda saxlamaq yolu: Qavrama ilə başlayır, Qiymətləndirmə ilə 
bitir.Ortada isə formalaşdırma və tətbiq yer alır. 
Nəzarətin müxtəlif növləri var:gündəlik nəzarət, tematik nəzarət, dövrü 
nəzarət, yekun nəzarət. 
 
 TƏLİM PROSESİNƏ MÜXTƏLİF YANAŞMALAR 
Müasir dövrdə təlimə müxtəlif yanaşmalar mövcuddur: