İdarəetmə orqanlarının və qüvvələrin fövqəladə hallara hazırlığı MM-in ən əsas vəzifələrindən biri qərargahların, xidmətlərin, dəstələrin şəxsi heyətinin və işləməyən əhalinin xüsusi hazırlığıdır. Bu hazırlığın məqsədi əhalinin FH nəticəsindən mühafizə qaydalarını mənimsəməsini, qərargah və dəstələrin şəxsi heyətinin FH şəraitndə bacarıqla və qəti fəaliyyət göstərmələri üçün həmişə hazır olmasını təmin etməkdən ibarətdir.
Dəstələrin şəxsi heyətini yaxşı hazırlamaq lazımdır ki, zədələyici amillərin təsiri şəraitində adamların, heyvanların, bitkilərin, ərzağın, yemin və su mənbələrinin zədələnmədən (zəhərlənmədən) mühafizə işlərini, həmçinin zəhərsizləşdirmə işlərini, adamların sanitar və heyvanların baytar təmizliyini həyata keçirə bilsinlər.
Əhalinin MM-ə müvəffəqiyyətlə hazırlanması təlimin dəqiq təşkilindən və bacarıqlı planlaşdırılmasından çox asılıdır.
Dəstələrin şəxsi heyətinin və əhalinin hazırlığının keyfiyyəti, ən çox hazırlığın dəqiq və bacarıqlı planlaşdırılmasından asılıdır.
