1 O‘zbekiston respublikasi oliy va o‘rta maxsus ta’lim vazirligi

Foydalanilgan adabiyotlar ro‘yxati: 
1. Ўзбекистон Республикаси Президенти Шавкат Мирзиёевнинг Олий 
Мажлисга Мурожаатномаси 30.12.2020. 
2. Ўзбекистон Республикаси Президенти Шавкат Мирзиёевнинг 
Ўқитувчи ва мураббийлар кунига бағишланган тантанали маросимдаги нутқи. 

---

-208- 
“Ўқитувчи ва мураббийлар – Янги Ўзбекистонни барпо этишда катта куч, таянч 
ва суянчимиздир”. 30.09.2020. 
3. Мирзиёев Ш.М. Миллий тараққиёт йўлимизни қатъият билан давом 
эттириб, янги босқичга кўтарамиз. 1 том. – Тошкент: “Ўзбекистон” НМИУ, 
2017. 
 
Maqsudjonova Maqsuda 
BuxDUPI “Xorijiy tillar” kafedrasi talabasi
Gulshanova Shahzoda 
BuxDUPI “Xorijiy tillar” kafedrasi talabasi
YANGI O‘ZBEKISTONDA FARZAND TARBIYASI VA UMUMINSONIY 
QADRIYATLAR 
Annotatsiya: 
Ushbu maqolada Yangi O‘zbekistonda farzand tarbiyasi va 
umuminsoniy qadryatlar haqida fikr yuritiladi. Mamlakatimizda jismoniy sog‘lom, 
ma’naviy yеtuk, har tomonlama uyg‘un va barkamol rivojlangan, mustaqil 
fikrlaydigan, intellektual salohiyatga, chuqur bilim va zamonaviy dunyoqarashga ega 
avlodni tarbiyalash masalalari yoritilgan. 
Kalit so‘z:
ma’naviyat, demokratik, oila, tarbiya, axloq, qadriyat, jamiyat, 
maktab, intellektual, ma’daniyat, ma’rifat, iste’dod, istiqlol, tarixiy xotira, salohiyat. 
Mamlakatimizda jismoniy sog‘lom, ma’naviy yеtuk, har tomonlama uyg‘un va 
barkamol rivojlangan, mustaqil fikrlaydigan, intellektual salohiyatga, chuqur bilim va 
zamonaviy dunyoqarashga ega, Vatanimizning taqdiri va kelajagi uchun mas’uliyatni 
o‘z zimmasiga olishga qodir yosh avlodni tarbiyalab voyaga yеtkazish vazifasini 
izchil davom ettirish mas’uliyati, eng avvalo, oila zimmasidadir. Ma’naviy-ruhiy 
sog‘lom bolaning dunyoga kelishi masalasiga sog‘lom va ahil oila mehnatining 
samarasi sifatida qarab, oilada o‘zaro hurmat va mehr-muhabbat, yuksak axloqiy va 
ma’naviy qadriyatlar muhitini shakllantirish bugungi kunda har birimizning 

---

-209- 
vazifamiz hisoblanadi. Bu vazifani bajarishda milliy va umuminsoniy qadriyatlarning 
o‘rni judayam katta. Qadriyatlar jamiyat rivojining negizi, millatning tarixiy 
taraqqiyotida erishilgan muvaffaqiyatlarini avloddan avlodga o‘tkazuvchi qudratli 
omildir. Tarixiy taraqqiyot bosqichlariga nazar tashlar ekanmiz, har bir jamiyat, 
davlat o‘zining milliy qadriyatlarini rivojlantirmay hamda mustahkamlamay turib 
taraqqiy etmagan. O‘zbekiston Respublikasi Prezidenti Shavkat Mirziyoyev raisligida 
2021-yil 19-yanvar kuni ma’naviy-ma’rifiy ishlar tizimini tubdan takomillashtirish, 
bu borada davlat va jamoat tashkilotlarining hamkorligini kuchaytirish masalalari 
bo‘yicha o‘tkazilgan videoselektor yig‘ilishida: “
Agar jamiyat hayotining tanasi 
iqtisodiyot bo‘lsa, uning joni va ruhi ma’naviyatdir. Biz yangi O‘zbekistonni barpo 
etishga qaror qilgan ekanmiz, ikkita mustahkam ustunga tayanamiz. Birinchisi – 
bozor tamoyillariga asoslangan kuchli iqtisodiyot. Ikkinchisi – ajdodlarimizning boy 
merosi va milliy qadriyatlarga asoslangan kuchli ma’naviyat
”, – deb e’tirof etdilar. 
Xo‘sh qadriyatning o‘zi nima? Qadriyatlar deganda, inson va insoniyat uchun 
ahamiyatli bo‘lgan barcha narsalar tushuniladi. Qadriyatlarning mohiyati 
insonlarning tarixiy tajriba an’analarini kelgusi avlodlarga to‘la-to‘kis yеtkazish, 
o‘rgatish, ta’lim-tarbiya berish orqali izohlaymiz. Shuning uchun milliy ma’naviy 
qadriyatlarni e’zozlab, ardoqlab, chin dildan bajarish va ularni o‘z holida saqlash, shu 
bilan birga, umuminsoniy qadriyatlarni oila muhitiga uyg‘unlashtirish dolzarb 
masaladir. Qadriyatlar mazmunan xilma-xil turlarga bo‘linib, hayotning barcha 
jabhalarini qamrab olgan. Jumladan, inson va uning hayoti eng oliy qadriyat 
hisoblanadi. Inson yo‘q joyda biror narsaning qadr-qimmati haqida so‘zlashga hojat 
ham yo‘q. Shuning uchun ham inson qadr-qimmatini e’zozlash, uning turmushini 
yaxshilash, bilimi va madaniy saviyasini rivojlantirish, sog‘lig‘ini saqlash, hayotini 
himoya qilish davlatimiz siyosatining asosiy yo‘nalishini tashkil etadi Qadriyatlar 
amal qilish doirasiga ko‘ra, milliy va umuminsoniy turlarga bo‘linadi. Insonning 
qaysi millatga mansub ekanligi haqida tasavvuri faqat g‘oyagina emas, balki tuyg‘u 
hamdir. Insonda milliy ong va g‘urur bo‘lmasa, u o‘zining qaysi millatga 
mansubligini his etmasa, uning milliy qadriyatlarini anglashini tasavvur qilish qiyin. 

---