1. Tema : «Meniń janajan Qaraqalpaqstanım» Jumıstıń maqseti

Tárbiyashi: Bárekella Húrziya
Áziz balalar barǵan sayın gúllep-jasnap atırǵan gózzal Nókisimizge hesh qashan kóz tiynesin. Ullı shayırlar Berdaq hám Ájiniyazdıń jurtı bolıp tabıladı bul jer. Bul jerde ullı, insanlar, ilimpazlar, watanımızdıń dúnyaǵa tanılıwına úles qosqan alım, oqımıslı adamlar jetisip shıqqan qala esaplanadı. Biz olardıń dawamshısı retinde olardıń bay mádeniyatı, kórkem óner hám olar qaldırıp ketken ruwxıy baylıqların abaylap asırawımız kerek.
Sıyqırshı apa:- Bárekella qızım, bul sáwbetten keyin meniń sizlerge taǵı háwesim arttı. wqalamızda bunnan da joqarılarǵa ilgerilewine isenemen.
Tárbiyashi:- Onamday ardaqlı, ázizsen watan
Sen maǵan qádirdan tuwılǵan mákan
Men seni abaylap asrayman hár waq
Hújdanımday taza, túsirespen daq
Balalar sharshap qalmadıńlar ma. Bolmasa biz sizler menen fizikalıq minut ótkerip alamız.
Tárbiyashı:
Ayaǵımız taq-taq-taq
Qolımız shappat -shappat
Basımız saraq-saraq
Qolımizdı kóterdik
Áste bılay uzattıq
Endi abaylı bolıp
Jayımızda aylandıq
Qoldı páske túsirdik
Sheńber boylap júgirdik
Jayımızǵa otırdıq
Balalar , mine sharshaqlarımızdı da shıǵarıp aldıq. Qáne endi sáwbetimizdi taǵı dawam ettirsek. Kim maǵan watan temasında naqıllar aytıp beredi.
Miyirbek: - Watan bosaǵadan baslanadı.
Gúlqumar: - Ana jurtıń - altın besigiń
Gúlzada: - Ana jurtıń aman bolsa, kelbetiń saban bolmaydı.
Aybek:- Watandı súyiw iymannan.
Siyqırshı apa:- Bárekella balalarım sizler kóp naqıl hám hikmetli sózler biledi ekensizler, Men júdá kóp jurtlardı gezdim, lekin siziń jurtıńız siyaqlı gózzal watan, el basshısıńız siyaqlı ádalatlı, xalqıńızday miyirman, tınıshlıq súyer xalıq kórmedi. Ásirese el basshısıńızdıń siz kishkentaylarǵa bólek itibar qaratıp atırǵanı, mektepge shekemgi bilimlendiriw tarawın rawajlandırıw ushın qarar hám nızanlar qabıl etip, atqarılıwın qatań qadaǵalawǵa alıp atırǵanlıǵı, gózzal baǵshalarda biymálel mektepke tayarlanıwıńız ushın jaratıńǵan shárayatlar basqa jerde joq.
Tárbiyashi: Raxmet apa, biz házir bul jerde 30 balanı mektepke tayarlap atırmız. Gruppa qasında inglis tili, azada qızlar, Temurbeklar dógeregi iskerlik alıp barıp atır. Keleshekte perzentlerimiz bunnan da joqarı shıńlardı iyeleydi, watanımız bayraǵın bunnan da biyik-biyiklerge kóteredi. Watanımız óziniń márt hám batır ulları, ilimpazları, shayır hám jazıwshıları menen mudamı maqtanadı.
Mektepke tayarlaw haqqında topar balaları atqarıwında qosıq.