1. Tema : «Meniń janajan Qaraqalpaqstanım» Jumıstıń maqseti

Oyınnıń áhmiyeti: Iskerlik juwmaǵında balalar Mámleket, onıń ǵárezsizligi, máhellesi, turar jayına, hár bir Mámleketke, óz watanı – Ózbekstanǵa, Qaraqalpaqstanǵa tán ǵárezsizlik faktorların bilip aladı. Mámleket Nıshanların biliwge, qızıǵıwshılıq, olardı húrmet qılıw, olardan maqtanıw sezimlerin oyatıwǵa erisiledi.

2. Tema :
«Meniń qalam, meniń máhellem»
Iskerlik maqseti: Nókis qalası haqqındaǵı túsinigi keńeyedi, tuwılıp ósken máhellesiniń atalıwın, ne ushın sonday atalıwın, ne menen baylanıslılıǵı haqqında maǵlıwmat beredi. Balalardı óz máhellelerine mehir qoyıwǵa, ondaǵı ámeldegi dástúrlerge ámel qılıwǵa hám olardı húrmetlewge uyretiledi.
Kerekli buyımlar : Temaǵa tiyisli súwretler, sóylew hám til orayı, qurıw -soǵıw aktivlik orayı.
Iskerliginiń barıwı :
Gruppaǵa sırt elli miyman (anglichan tilin biletuǵın járdemshi) kirip keledi.
- Good morning children. (sálem Balalar).
- where I come. (men qay jerge keldim).
Balalar juwapları :
Kelińler tanısıp alaylıq. Men Angliyalıq miyman Ketringman. Men Qaraqalpaqstannıń paytaxtı Nókis qalasına birinshi márte keliwim. Sizler maǵan Nókis haqqında aytıp beriń. Men qaraqalpaq tilin jaqsı túsinemen.
Tárbiyashi: kelińler balalar Ketringǵa Paytaxtımız Nókis haqqında sóylep bereyik. «Meniń qalam, meniń máhellem» temasına tiyisli súwret ilip qoyıladı. Balalar kórgizbeli súwretler arqalı Nókis haqqında tómendegilerdi sóylep beredi.
- Nókis - Qaraqalpaqstannıń paytaxtı. Ol úlken hám shıraylı qala, Onıń júdá kóplegen shıraylı hám biyik ımaratları bar.
- Savitskiy muzeyi janında fantanlar jaylasqan, sonday-aq dógereginde balalar ushın demalıw hám oynaw maydanshaları bar. Qaraqalpaqstan kóshesinde bolsa Milliy bank, miymanxana, bir jup kurant saatı, teatr ımaratları, Jaslar orayı, Sport kompleksi hám basqa kóplegen ımaratlar bar.
Ketring: Qalańız júdá shıraylı eken.
Tárbiyashi: Balalar qalamızdı júda jaqsı kóredi. Nókisimiz hám watanımız haqqında kóplegen qosıqlardı biledi házir sizge aytıp beredi.
Sulıw dala japıraǵım atqan
Alıslarda júrip júregim tartqan
Jetkizbeydi sulıw dalam meniń
Nókis qalam
Tárbiyashi: Jańıltpash aytamız ba balalar, bizge Ketring da qosıladı.
Apam meniń kóylegime jańa jaǵa saldı,
Jańa jaǵanı jaǵa saldı.
Tárbiyashi:- Kelińler balalar sizler menen biyik - biyik ımaratlardı quramız. Ketringǵa biyik ımaratlardı qurıp, Nókis qalasın jasap kórseteyik.
Balalar jámáát bolıp, ımaratlar isleydi, tábiyat kórinisler menen bezeydi. Ketring balalardı jumısların gúzetip, xoshametlendiredi hám Nókiske taǵı miyman bolıp keliwin, basqa joralarına Nókistiń gózzal qala ekeni, ondaǵı balalar bilimli, sanalı, balalar ekenin aytıp beriwin aytadı. Balalar menen xoshlasadı.