1. Tema : «Meniń janajan Qaraqalpaqstanım» Jumıstıń maqseti

Oyınnıń áhmiyeti: Óz shańaraǵı haqqında ayta aladı. Kásiplerdi aytıp beredi. Xızmetler arqalı shańaraǵın húrmet etiwge úyrenedi.

4-Tema :
Men hám Meniń doslarım
Iskerlik maqseti: Balalardı joralıq, doslıq haqqında túsiniklerin anıqlaw. Naqıllar mazmunın súwretler arqalı ańlatıw. Balalarda adamgershilik pazıyletleri: awizbirshilik, miyirmanlıq, ǵamxorlıq hám bir-birin húrmet qılıw ruwxında tárbiyalaw.
Oyınnıń áhmiyeti: Doslar qanday bolıwı kerekligin túsinedi.
Kerekli buyımlar : Temaǵa tiyisli reńli súwretler, suwretleytuǵın iskerlik aktivlik orayı.
Iskerlik barısı :
Tárbiyashi: Balalar doslıq degende neni túsinesizler?
(Balalar juwabı )
Tárbiyashi: Tuwrı balalar, toparımızdaǵı balalar menen tatıw bolıp, oynaw, bir-birińizge óz-ara járdem beriw, kómeklesiw bul joralıq, doslıq dep ataladı. Búgin sizler menen doslıq haqqında naqıllar úyrenemiz.
«100 somıń bolǵansha, 100 dostıń bolsın». Bul naqıldı mine bul súwret arqalı úyrenemiz.
- Balalar ne qılıp atır? (balalar súwret mazmunın aytıp beredi).
- Qaysı balalardıń minez-qulıqları sizlerge jaqmadı? (Ne ushın?)
- Olardı qanday ataw múmkin? (qızǵanshaq )
- Olar durıs is qıldı ma?
- Doslar qanday bolıwı kerek?.
Balalar juwapları tárbiyashi tárepinen toldırıladı. Doslar bir-birlerin húrmet etiwi, miyirman bolıwları, awır kúnlerinde járdem beriwleri kerek boladı. Doslar inaq dos bolǵanında gózlegen maqsetlerine erisedi. Súwrettegi balalarǵa qarań, olar tatıw bolıp oynaǵanları sebepli óz-ara pikirlesip, oylasıp, buzılǵan mashinanı dúzetti. Qızǵanshaqlıq etken joraların shıyrın shiyrım múnásebet etip, qızǵanshıqlıq jolınan qaytaradı. Haqıyqıy dostı jumısın etti.
Balalar, súwret mazmunınan qanday juwmaq shıǵaramız? Súwret mazmunı naqılǵa sáykes pe? Doslıq haqqında qanday naqıllardı bilesizler? Tárbiyashi naqıllar mazmunın kórsetip beredi.
Júz somıń bolǵansha, júz dostıń bolsın
Doslıq sınaqta bilinedi.
Dos mıń sonda da az,
Dushpan bir sonda da kóp.
Doslıq barlıq baylıqtan ábzal.
Kelińler endi sizlerge doslıq haqqındaǵı «Jaqsılıq jerde qalmas» gúrrińin aytıp beremen.
Bir hárre suw ústinde baratır edi. Birden suwǵa jıǵılıp ketti. Qanatları ızǵar bolıp, ushıwǵa kúshi jetpedi. Bunı kepter kórip, hárrege reyimi keldi, tezlik penen bir paqaldı tislep, suwǵa tasladı. Biyshara hárre bul paqaldı keme etip, suw bálesinen qutıldı. Aradan kóp ótpedi. Bir bala duzaq qoyıp, kepterdi tutıwshı boldı. Hárre bunı kórgen zamatta kelip, balanıń qulaǵın shaqtı. Bala qulaǵınıń awırǵanınan duzaqtı tastap, qulaǵın usladı. Kepter waqtın ǵániymet bilip, ushıp ketip, tutqınlıqtan qutıldı.
Balalarǵa gúrriń tiykarında sorawlar beriledi hám tárbiyashi tárepinen toldırıladı.
Tárbiyashi:
- Balalar sizlerdiń de doslarıńız bar ma?
- Dostıńız haqqında neni bilesiz?
- Dostıńızdıń nesi unaydı?