Kórkem óner orayında :
Tárbiyashi balalardı xanaǵa mirat etedi. Balalarǵa terek japıraqların súwretlerin sızıwǵa usınıs etedi. Japıraqlardı reńleri túrlishe bolǵanlıǵı sebepli, úlgige 2-3 japıraqlardan qoyadı. Balalar jumısların gúzetip, xoshametlantirip baradı.
Tárbiyashi balalardıń bilimlerin bekkemlep, shınıǵıwda jaqsı qatnasqanlıǵı ushın xoshametlentiredi.
7- Tema :
Kóshpeli quslar haqqında albom tamasha qılıw.
Iskerlik maqseti: Albomda súwretlengen qus túrlerin biledi, tábiyattaǵı qustıń turmıs tárizi haqqında maǵlıwmatlardı jıynaydı quslar ortasındaǵı uqsaslıq hám ayırmashılıqlardı parıqlaydı, uqsas hám ayrıqsha táreplerin salıstıradı.
Kerekli buyımlar : quslar súwretinen ibarat bolǵan fotoalbom, temalı kartochkalar, qus siluetları.
Iskerlik barısı :
1. «Quslar» foto albomın kóriwge usınıs etedi.
Tárbiyashi:
- Balalar qanday qustı bilesizler, atların aytıńlar?
Balalar qustı atların bilgeninshe aytadı. (Kepter, shımshıq, ǵarǵa, láylek, búlbil, bódene, tırna hám taǵı basqa )
Tárbiyashi:
- Balalar quslar da bir shańaraq bolıp jasaydı. Eki ayaǵı, eki qanatı, eki kózleri hám azıqlanıwı ushın tumsıǵı bar. Olar máyek qoyadı. Máyekleri arqalı kóbeyedi. Olar dán, qurt-qumrsqalar menen azıqlanadı. Olar da suw ishedi. Qustıń ayırımları báhárde ushıp keledi hám gúz mawsimınde ıssı úlkelikke ushıp ketedi. (Bular haqqında tárbiyashi súwretlerden paydalanıp túsindiredi hám balalar bilimlerin bekkemlew ushın kartochkalar tarqatadı ).
Endi aldıńizdaǵı kartochkalardan paydalanıp,
2. qustıń uqsaslıqları hám ayırmashılıqları tiykarında kartochkalardı ajıratıw.
- Endi aldıńızdaǵı kartochkalardan paydalanıp, bir-birine uqsas qustı ajıratıwı aytıladı. Úylerde jasawshı qus, kóshpeli qus turaqlı jasawshı qus, tárbiyashi balalar jumısların gúzetip, bekkemlep baradı.
Endi aldıńızdaǵı kartochkalardan paydalanıp
3. quslardıń súwretlerin salıstırıw usınıs etedi. Párleri qara, reńi aq hám qara reńlerden ibaratlıǵın balalar aytadı. Qanday dawıs shıǵarıwın aytıp beredi.
Dostları ilə paylaş: |
