Pán: Ádebiyat Sáne

Pán: Ádebiyat
Sáne: 18.02.2021
Tema: “Bozuǵlan” dástanı
Sabaqtıń maqseti:
Bilim beriwshilik: Oqıwshılarǵa “Bozuǵlan” dástanı haqqında maǵlumat beriw hám bilimlerin bekkemlew
Tárbiya beriwshilik: Oqıwshılarǵa jaáa bilim beriw barısnda olardıń watanǵa bolǵan sadıqlıǵın asırıw, jańa temanıń tárbiyalıq xarakterine itibar beriw
Rawajlandırıwshılıq: Oqıwshılardıń ádebiyat boyınsha bilimlerin, kórkem shıǵarmanı analizlew qábilyetin, tapqırlıǵın rawajlandırıw.
Sabaqti qurallandırıw: K.Mambetov, K.Palımbetov “Ádebiyat” 8-klass (sabaqlıq) Nókis “Bilim” 2019, tarqatpa materiallar, slayd, kórsetpeli qurallar, internet materialları
Metod hám usıllar: Aqılıy hújim, “Alma sebeti”
1.Shólkemlestiriw (2minut)
Klasqa kirip oqıwshılar menen sálemlesip, klass tazalıǵına itibar beremen, oqıwshılardıń sabaqqa tayarlıǵın aniqlayman. Oqıwshılardıń sabaqqa qatnasın náwbetshi arqali barlayman, oqıw qurallarınıń tayarlıǵın kózden ótkeremen.
2.Úyge tapsırmanı soraw (13 minut)
Úyge tapsırmanı oqıwshılardan sorayman, úyge tapsırma sorap úlgermegen oqıwshılarıma sorawlar berip bahalayman.
3. Taza tema (20 minut)
“Bozuǵlan” dástanı
Qaraqalpaq xalqınıń toy-jıyınları menen keń xalıq arasında aytılıp júrgen “Bozuǵlan” dástanı ótken ásirdiń otızınshı jıllarınıń aqırında jazıp alındı. Dástannıń birinshi varyantı 1938-jılı shayır X.Turımbetov penen ilimiy xızmetker K.Abibullaevlar tárepinen Shımbaylı Ábdireyim jıraw Álpeney ulınan, ekinshi varyantı 1959-jılı folklorist alım Q.Mambetnazarov tárepinen Qıyas jıraw Qayratdinovtan, úshinshi varyantı 1960-jılı professor Q.Maqsetov, folklorist Q.Mámbetnazarovlar tárepinen Shımbaylı Qayıpnazar jıraw Qálimbetovtan jazıp alınadı. Bul dástannıń mazmunı jaǵınan tolıq hám kórkemligi joqarı dep bahalanǵan Qiyas jıraw varyantı bolıp esaplanadı.
“Bozuǵlan” dástanınıń ideası shın xalıqlıq turmıslıq waqıyalardı sóz etedi. Dástandaǵı unamsız obrazlar qatarına kiretuǵın Babaxan, Shayxı-waliy iyshan, Kóbikli hám Bulıt dáwlerge qarama-qarsı Bozuǵlan, Qansulıw, Ersultan obrazları unamlı xarakterge iye.