Pán: Ádebiyat Sáne

III. Taza temanı túsindiriw (20 minut)
Baxtiyar Genjemuratov 1959–jılı 11–mayda Taxtakópir rayonında tuwılǵan. 1976–jılı orta mektepti tamamlap, rayonlıq gazetda isleydi. 1978–80–jılları áskeriy xizmette boladı. Ol 1980–jılı Nókis mámleketlik universitetiniń filologiya fakultetine oqıwǵa kiredi hám “Nókis universiteti” gazetasınıń juwapkerli xatkeri bolıp isleydi. 1985–jılı universitetti pitkerip, 1993–jılǵa shekem “Ámiwdárya” jurnalında ádebiy sın hám mádeniyat bóliminiń baslıǵı, juwaplı xatkeri, Qaraqalpaqstan Jazıwshılar awqamında poeziya boyınsha máslahatshı, baslıqtıń orınbasarı , juwaplı xatker lawazımında isleydi.
Baxtiyar Genjemuratov 1996–2006–jıllar aralıǵında filologiya fakultetinde oqtıwshı, kafedra baslıǵı, jurnalistika bóliminiń baslıǵı, Berdaq atındaǵı milliy muzeyinde tariyx hám arxeologiya bóliminiń baslıǵı lawazımlarında isleydi. 2006–jıldan kafedra docenti bolıp isleydi.
“Áptaptıń ómiri” (1987); “Saratan” (1990); “Oq qadalǵan ay” (1997); bir tomlıq “Saylandı shıǵarmaları” (2012); “Ukuzdaryo bitiklari” (2006) ; “Mode xan sózi yáki Chin jipegindegi bitik” , “Qar Aq Alp Aq” ózbek tilinde kitap bolıp baspadan shıqqan. Onıń bir dúrkin qosıqları Túrk sheriyatı antalogiyası” (Ankara,2006) hám “XX asr ózbek sheriyati antalogiya” sına (Tashkent, 2007) kirgizilgen. Shayır Batıs hám Shıǵıs klassikleriniń qosıqların qaraqalpaq tiline awdarmalap, “Lirika” degen at penen 1992–jılı baspadan shıǵardı.
Shayırdıń bir qatar qosıqları qazaq , rus, hám franzus tillerinde járiyalanǵan. Ol belgili tariyxshılar A.YU. Yakubovski hám B.D. Grekovtıń “Altın Orda hám onıń qulawı” degen kólemli fundamental miynetin qaraqalpaq tiline awdarmaladı. 1997 – jılı “Ájiniyaz lirikasınıń poetikası” degen monografiyası baspadan shıqtı. “Ádebiy aǵımlar hám jónelisler” atlı oqıw qollanbasınıń avtorı.
Ózbekistan Respublikasınıń Konstituciyası qabıl qılınǵan kúnniń 24 jılıǵı múnásebeti menen 2016–jıl 7–dekabr kúni “Ózbekistan” xalıqara anjumanlar sarayında ótken “Watan mazmunı” atlı ádebiy–muzikalı dástúrde “Watan” qosıǵın oqıdı.
IV. Bekkemlew (8 minut)
Sabaqtı bekkemlewde “Maqsetke qaray bir adım” metodınan paydalanaman. Bunda oqıwshılardı toparlarǵa ajıratıp , olarǵa óz toparlarına at qoydıraman. Soń temaǵa baylanıslı 5 soraw beremen , hár bir topar aǵzaları birgelikte sorawǵa juwap berip, kespe qaǵazǵa juwaptı jazıp beriwi kerek boladı. Hár bir durıs “5” bahasına qaray qoyılǵan bir adım boladı.
Sorawlar:
1. B.Genjemuratov qay jerde tuwılǵan?
2. B.Genjemuratov 1996–jılı qaysı temada kandidatlıq dissertaciyasın qorǵaydı.
3. Ózbekistan Respublikasınıń Konstituciyası qabıl qılınǵan kúnniń 24 jılıǵı múnásebeti menen ótken “Watan mazmunı” atlı ádebiy–muzikalı dástúrde qaysı qosıǵın oqıdı.
4. Batıs hám Shıǵıs klassikleriniń qosıqların qaraqalpaq tiline awdarmalap, “Lirika” degen at penen neshinshi jılı baspadan shıǵardı
5. Shayırdıń “Qarızım kóp” qosıǵı kimge arnap jazılǵan?
Juwaplar:
1. Taxtakópir
2.“Ájiniyaz lirikasınıń poetikası”
3. “Watan”
4. 1992–jılı
5.I.Yusupov