1. Tema : «Meniń janajan Qaraqalpaqstanım» Jumıstıń maqseti

Tárbiyashi: Jol qaǵıydasına tiyisli birpara zatlardı balalardıń esine túsiriw maqsetinde bir neshe sorawlar beredi.
Tárbiyashi: Mine bul ne?
1-Bala : Tratuar
Tárbiyashi: Bárekella tuwrı. Mınaw úzik-úzik aq sızıqlar she :
2-bala : Piyadalar jolı
Tárbiyashi: Júdá tuwrı balalar. Bul jerge qanday durıs jol belgisi ornatılǵan?
3-bala : Piyadalar ótiw belgisi
Tárbiyashi: Júdá tuwrı Balalar . Qáne Allayar, belgiler ishinen áne sol belgini tawıp ber?
Tárbiyashi: júdá tuwrı. Balalar piyadalar, yaǵnıy bizler jolda ketip atırǵanımızda qay jerde júriwimiz kerek?
Balalar juwabı : Trotuarda
Tárbiyashi: Tuwrı, endi Ernazar menen Ayjamal joldıń bir tárepinen, Húrliman menen Maman bolsa ekinshi tárepinen júredi. Biz olardıń háreketin gúzetemiz.
Tárbiyashi:-Balalar qarańlar Allayar menen Ayjamal basqalarǵa kesent etpew ushın koridordıń ońınan ketip baratır. Áne olar piyadalar jolınan ótip atır. Biraq olar bir qátege jol qoydı.
Qáne, kim aytadı. Olar qanday qátege jol qoydı.
Balalar juwap qaytarıwǵa qıynaldı.
Tárbiyashi: Qanday qátege jol qoyılǵanın ózim túsindirip beremen. Balalar bilesizler me, Allayar menen Ayjamal joldı kesip ótiwden aldın, mine bul súwrettegidey shep tárepke, joldıń ortasına jetkende bolsa ońǵa qarawdı esten shıǵardı. Sol sebepli olardı taǵı bir ret piyadalar jolınan ótkeremiz. Qáne, taǵı qayta ótińler. Endi tuwrı ótiwdi úyrenesiz.
Tárbiyashi: Sonday ma? Balalar qarańlar, Aydos, Aysulıw hám Shaxsánem trotuarda qol uslasıp kiyatır. Olar tuwrı júrip atır ma?
Tárbiyashi: Joq sebebi olar koridordı pútkilley iyelep alıp basqalardıń júriwine jol qaldırmadı. Bul bolsa nadurıs. Balalar, awıl jolları hám trotuarları joq orınlarda joldıń shep tárepinen júriwge ruqsat etiledi. Balalar mine bul mashina toqtap turıptı. Onıń tek arqa tárepinen ótiwimiz kerek. Sonda qawipsiz boladı.
Tárbiyashi: Súwrettegi mashinanıń súwretin kórsetip soraydi. Balalar bul ne?