1. Tema : «Meniń janajan Qaraqalpaqstanım» Jumıstıń maqseti

Balalar juwabı : Tuwrı, toqtap turǵan mashinanıń aldınan ótiw kerek pe yamasa artınan ba?
Balalar juwabı : Aldınan ótiw kerek.
Tárbiyashi: Mashinanıń heshqashan aldınan ótiw kerek emes. Sebebi, ekinshi tárepten kiyatırǵan mashina kórinbeydi. Onıń tek arqa tárepinen ótiwge ruqsat etilgen.
Bekkemlew ushın sorawlar :
1. Piyadalar qayerlerde júredi?
2. Koridordıń qaysı tárepinen júriw kerek?
3. Joldıń qay jerinen kesip ótiwge ruqsat etiledi?
4. Toqtap turǵan mashinanıń qaysı tárepinen aylanıp ótiwi kerek?
20 -Tema :
«Kóshe kesispesinde svetafor, teatrǵa sayaxat».
Maqset: Balalarǵa jol háreketi qaǵıydaların biliwge hám oǵan ámel qılıwǵa úyretiw. Jol háreketi belgileri, svetafor, piyadalar ótiw sızıǵı jolları haqqında biliw kónlikpelerin bekkemlew.
Kerekli buyımlar : Oyın hám oyınshıqlar, milliy oray, súwretleytuǵın iskerlik múyeshi.
Iskerlik barısı :
Tárbiyashi: balalar sizlerge jumbaqlar aytaman. Qáne tabıńlar? Kóshe kesispesinde úsh shıra, xızmet eter hámmege. Bir-bir janıp, bir ósher, jumıs qolmas mashqalaǵa.
Balalar juwabı : svetafor
Tárbiyashi: Áziz Balalar búgin sizler menen jol háreketi qaǵıydaları, kóshe kesispesindegi svetafor haqqında sáwbetlesemiz. (balalardıń tema maydanınan bilimlerin anıqlaw ushın tárbiyashi soraw -juwaplar ótkeredi).
Tárbiyashi: 1. Kóshe jol háreketi qaǵıydaların bilesiz be? 2. Úlken asfalt jollarda neler júredi? 3. Jol háreketi qaǵıydaların kim tártipke saladı? 4. Svetafordıń neshe shırası bar?
Balalar juwabı : Úsh qızıl, sarı jasıl
Tárbiyashi: Bárekella balalar svetafordıń úsh shırası bar. Balalar svetafordıń qızıl shırası jansa jol berilip, jolawshılar háreketlenedi. Svetafordıń sarı reńi jansa bir az aydawshılar, jolawshılar toqtaydı. Jasıl shıra jansa mashinalar ótedi. Qadaǵalawshı kóshe háreketin tártipke saladı. Insanlar tárepinen kóshede júriw tártibi buzılıw jaǵdayı júz berse, qadaǵalawshı insanlardı toqtatıp, olarǵa kóshede júriw rejimin túsintiredi. Balalar qapı taqılladı ma? Qáne kim ol? (gruppaǵa qadaǵalawshı keledi, balalar menen sálemlesedi, soraw -juwap ótkeriledi. Keyin kóshede júriwde nelerge ámel etiliwi tusindiriledi. 1- kóshede tek koridordan júriń. 2- toqtap turǵan avtomobil artınan ótiń. 3- kóshe kesispesinen, kósheniń arǵı maydanına piyadalar ótiw jayınan ótiń dep balalar menen xoshlasıp ketedi).
Tárbiyashi: Balalar hámmemiz túsinip aldıq ya, kóshe qaǵıydaları buzilsa qanday qolaysız waqıyalar júz beriwi múmkinligin? Balalar juwap beredi.
Tárbiyashi: Balalar juwapların ulıwmalastırıp, «Mámleket avtomobil qadaǵalawshısı» oyının oynawdı usınıs etedi. Oyınnıń barısı : Oyın mektepke shekemgi tálim mákemeleri háwlisindegi jol háreketi sızılǵan maydanda ótkeriledi. Balalardan biri qadaǵalawshı etip tayınlanadı. Oyın procesine tárbiyashi basshılıq etedi. (mısalı : Dıqqat, dıqqat! Qızıl shıra qosıladı, jeńil avtomobiller háreketten toqtaydı, jolawshılar háreket etedi. Svetaforda jasıl shıra janıp atır, sonday eken avtomobiller háreket etedi. Nátiyjede avtomobiller, jolawshılar háreketi qatań tártipte qadaǵalawǵa alınadı ).
Tárbiyashi: Mine balalar sizler menen jol háreketi haqqında kóbirek zatlar bilip aldıq. Endi sizler menen quwırshaq teatrına sayaxat etemiz. Qáne balalar kettik. Bárshemiz jol háreketi qaǵıydalarına ámel etemiz be?
Balalar juwabı : Awa