1. Tema : «Meniń janajan Qaraqalpaqstanım» Jumıstıń maqseti

Oyınnıń áhmiyeti: Balalar óz huqıq hám minnetlemelerin bilip aladı.
27-Tema :
«Salamat dene - salamat aqıl» shınıǵıwı
Bilimlendiriwge tiyisli maqset: Adam organizmi, onıń salamatlıǵı, gigiena hám túrli kesellikler haqqında sıpatlama beriw.
Tárbiyalıq maqset: Salamatlıq hám átirap ortalıqqa salıstırǵanda tuwrı munasábette bolıwın tárbiyalaw.
Rawajlantıratuǵın maqset: Balalardıń sóylewin gewde, gigiena, salamatlıq, átirap -ortalıq keselliklerin biliwinde aktivlikti rawajlandırıw.
Kútilip atırǵan nátiyje: Balalarda jeke gigiena qaǵıydaları haqqında túsinik hám qıyalların qáliplestiredi (dene, kiyim, ayaq kiyim) puxtalıqqa hám pákizelikke hám de gigiena qaǵıydalarına ámel qılıwǵa úyrenedi. Tárbiyalanıwshılarda salamatlıqqa salıstırǵanda tuwrı múnasábet, organizmdi shınıqtırıw sanitariya -gigiena qaǵıydalarına ámel qılıw kónlikpeleri qáliplestiredi.
Kerekli buyımlar : monıtor, «Salamat denede salamat aqıl» temasında slayd prezentaciyası, úlken hám kishkene quwırshaqlar, gewde bólimleri súwretlengen súwret
Salamatlandırıw orayı : Iskerlik barısı :
Balalar menen sálemlesip keyin balalar menen ulıwma shınıǵıwlar ótkeriw keyin «Salamat denede - salamat aqıl» slaydı kórsetiledi.
Tárbiyashı: Balalar bizler sizler menen júdá kóp shınıǵıwlar óttik. Ótilgen shınıǵıwlar dawamında bir qatar erteklerdi, qosıqlardı yaddan aytıwdı, zat - hádiyseler haqqında bilimge iye bolǵansızlar. Búgingi shınıǵıwımız biziń dene dúzilisimiz hám denemizdiń salamatlıǵı haqqında boladı. Qáne endi meniń sorawlarıma juwap beriń, siz ózińizdiń salamatlıǵıńız haqqında neler bilesiz?
Bala : Gripp
Insan salamatlıǵı haqqında nelerdi bilesiz?
-Qanday keselliklerdi bilesiz?
-Gigiena ne?
- Ata-analar sizdiń salamatlıǵıńız haqqında nelerdi aytıp bergen?
(balalar juwapları )
Salamat hám shıraylı bolıw ushın neler qılıw kerek? Tuwrı kún rejimine ámel qılıw kerek.
Balalar : Kún rejimine ámel etken adamnıń kewil-keypiyatı jaqsı boladı.
Tárbiyashi: Siz kún rejimine ámel qılasız ba? Siz kundi neden baslaysız?
(balalardıń juwapları ).
Tárbiyashi: Balalar, dıqqat menen esitiń. Biz kúndi azanda dene shınıqtırıwdan baslaymız. Azanda dene shınıqtırıw arqalı siz muskullarıńızdı bekkemleysiz, organizimińizdi shınıqtırasız.