1. Tema : «Meniń janajan Qaraqalpaqstanım» Jumıstıń maqseti

Tárbiyalıq maqset: Balalarda iskerlik processinde jámáátte ózin tuta biliw, qatarlasları arasında óz-ara húrmet sezimlerin qáliplestiriw.
Rawajlantıratuǵın maqset: Balalarda men konsepsiyasın, qol mayda motorikasın rawajlandırıw.
Kútilip atırǵan nátiyje: Balalar jıl máwsimlerin bir-birinen parıqlawǵa úyrenedi.
Kerekli buyımlar : Temaǵa uyqas syujetli súwretler, reńli qálem hám qaǵazlar.
Pán hám tábiyaat orayı :
Iskerlik barısı :
Tárbiyashi: Assalawma aleykum áziz Balalar !
Búgin toparımızǵa ayaz baba qonaqqa kelipti.
Ayaz baba : Assalawma aleykum shıraqlarım, meni tanıdıńızlar ma? Meniń bir jılda 4 atım bar olardı kim aytıp beredi?
1-bala : qıs
2-bala : báhár
3-bala : jaz
4-bala : gúzek
Ayaz baba : bir jıl 4 máwsim, 12 ay bar. Olar mudam izbe-iz kirip keledi. Qıs bolmay turıp báhár kelmeydi, báhár kelmey jaz kelmeydi, gúzsiz bolsa qıs kelmeydi. Men házir óz paslımdı sizlerge tanıstıraman.
(hasasın jerge urıp) Izbe-iz pasıllar kirip keledi. Kóp-kómbek arsha aǵashı kótergen qıs máwsimi keledi hám jumbaq aytadı.
Qıs: Jerdi qar qaltalar,
Saydı muz jawar.
Ayaz biyházil,
Men qaysı pasıl.
Balalar : Qıs máwsimi
(gruppa gezegi kelgende eteklerine gúl taǵıp báhár máwsimi kirip keledi).
Báhár: Janlanar topıraq,
Tuqımlar oyaw.
Tasadı japlar,
Qaysı mawsim?
Balalar : Báhár mawsimi
(gruppa gezegi kelgende sebetshede miyweler menen jaz máwsimi kirip keledi).
Jaz: Keldi altın jaz, miyweler pisti,
Terekler shaxı, iyilip tústi.
Berdim kóp ónim, erik, alma, almurt,
Qaladan jedik pal almurt
(gruppaǵa gezek penen toq sarı lipasta qızıl sarı japıraqlardan gúl sheńber taǵıp gúz mawsimi kirip keledi).
Gúz: Baǵda dalada,
Bul máwsimde.
Jumıs qızǵın ele de,
Qaysı mawsim bul …?
Balalar : Gúz máwsimi
Tárbiyashi: Qonaqlarımızdı tábiyaat orayımızǵa shaqıramız, iskerligimizdi gúzetip, baha beredi. Balalar házir men sizlerge waqıt ólshewleri haqqında jumbaq aytaman.
Bir úlken terek (bir jıl )
Onda 4 shaqa bar (4 mawsim)
Hár shaxta teń 3 putaq (3 ay)
Hár putaqta 4 ten putaq (1 ayda 4 hápte)
Hár putaqta 7 den japıraq (hápte kúnleri)
Japıraqtıń bir tárepi aq, bir tárepi qara (tún hám kún)
Balalar juwabı : Bilimlendiriwge tiyisli háreketli oyın :
Tárbiyashi: Balalar kelińler jámi háripler oyının oynaymız. Hár hápte kúnleri bir reńde belgilengen 7 qatnasıwshınıń baslarındaǵı sheńberlerge hár qıylı reńdegi dóńgelekler jabıstırılǵan.
Dúyshembi - kók,
Shiyshembi - sarı,
Shárshembi - jasıl,
Piyshembi - qızıl,
Juma - aqshıl qızǵılt reń,
Shembi - aq,
Ekshembi – siya reń.
Hápte kúnleriniń jayları almastırıladı, balalar ayırmashılıqlardı tabıwları kerek boladı.