1. Tema : «Meniń janajan Qaraqalpaqstanım» Jumıstıń maqseti

47-Tema :
Ámir Temur parki
Maqset: Fizikalıq rawajlanıw hám salamat turmıs tárizin qáliplestiriw. Balalarǵa etika-estetika qaǵıydaları tiykarında óz-ara munasábette bolıwǵa jóneltiriw. Social sananı rawajlandırıw. Ullı insanlarǵa húrmet, olardı yadqa alıw, watandı súyiw, onı qádirlewdi biliw. Park sáwlelendirilgen súwretke qarap ol tuwralı sóylep beriw. Úlkenler menen erkin baylanısta bola alıw. Buyımlardı ataw hám biliw, janlı hám jansız zatlardan qızıǵıwshılıq balalardı ayrıqsha jaǵdaylarda ózin biliw kónlikpelerin qáliplestiriw. Ullı insanlarǵa húrmette tárbiyalaw.
Kerekli buyımlar hám materiallar : Temaǵa tiyisli súwret, Ámir Temur parki haqqında videokadr syujetli rolli oyınlar hám saxnalastrılǵan «Shabandozlar oyını».
Jumıstıń áhmiyeti: Sahıpqıran Ámir Temur parki haqqındaǵı túsiniklerge iye boladı.
Iskerlik barısı :
Balalar áskeriy kiyimlerde sap tartıp maydan boylap mártlershe isenimli qádemler menen kirip keledi.
Qaraqalpaqstan qosıǵı jańlaydı.
Tárbiyashı:
Márt Tumaris massagettiń
Qırıq qızınıń urpaǵıman,
Shóldiń qaraqalpaǵıman.
Balalar : Qosıqtı esittińiz be?
Balalar : Awa
Tárbiyashi: Watanımızdıń márt ulları ullı sárkarda Ámir Temur babamız 1336 -jıl 9 -aprelde Kesh awılında (házirgi Shaxrisabz) qalasında tuwılǵan. Ol jaslıǵınan batır, aqıllı, ǵayratlı bolǵan.
1-Bala : Taraǵay batır uǵlan
Múlki Turannıń sultanı
Qılıshın bekkem tutqan
Jurtın jawdan azat etken.
2-Bala : Márt láshkerbası
Ilim-bilim láshkerbası
Isenim balası Klovixo
Deydi onı ullı oyshıl
3-Bala : Ulıǵbek hám Babur Mırza
Qosqanat bolıp tabıladı oǵan geyde
Saxıpqıran Temur babam
Lal qalǵandur pútkil álem
4-Bala : «kúsh ádillikte»
«Shınıǵıwda qıyın bolsa sawashta ańsat boladı»
Tárbiyashı:
Bárekella balalarım. Babamız sıyaqlı oyshıllarım. Shıraylı qosıqlar ayttıńız, endi bolsa slaydlardı kórsetemiz.
Endigi gezek súwretler arqalı Ámir Temur parkin gúzetemiz. Hár qıylı súwretler kórsetemiz.
5-Bala : Men Temurman sahıpqıran
27 mámleket sultanıman men
Millettiń dártine dárman bolǵan
Ullı sárkardaman men.
Tárbiyashi: Ámir Temur kelbetin de kórip aldıq, júdá shıraylı etip súwretlep berdi. Mine balalar súwrette Ámir Temur parkin de aylanıp boldıq, endi saxıpqıran babamız Ámir Temur háreketlerin oyın arqalı orınlawǵa háreket etemiz.