1. Tema : «Meniń janajan Qaraqalpaqstanım» Jumıstıń maqseti

54-Tema :
Buyımlar, úskeneler hám ásbaplar
Maqset: Ǵárezsiz túrde shınıǵıw háreketlerin orınlawdı rawajlandırıw, ápiwayı oyınlardı shólkemlestire alıwǵa úyretiw. Úlkenler hám qatarlasları menen baylanısqa kirisiwe alıwına, oyın processinde baslamashılıq kórsete alıwı hám óz usınısların bere alıwǵa úyretiw, saxnalastırıwda qatnasa alıwı, balalardıń qorshaǵan-ortalıq haqqındaǵı sóz baylıǵın asırıw. Jansız tábiyaat haqqındaǵı qıyalların rawajlandırıw, ǵárezsiz túrde on danaǵa shekem haywanlar, qus, shıbın-shirkeyler atların ayta alıwǵa úyretiw.
Kerekli buyım hám materiallar : qaǵaz, aplikaciya jasaw ushın buyımlar, syujetli rolli oyınları ushın kompleks, dóretpe ushın islengen syujetli súwretler, qum hám suw menen tájiriybe ótkeriw ushın buyımlar, súwretleytuǵın iskerlik ushın konselyariya buyımları.
Syujetli rolli oyınlar : «Shańaraq»
Iskerliл barıыı :
Tárbiyashı: Balalar qarań xanamız tórinde ájayıp sırlı sandıqsha turıptı. Sandıqshamızda bir qansha buyımlar jasırınǵan. Sırlı sandıq ústinde bolsa jumbaqlar jazılǵan. Eger sol jumbaqlardı tolıq alsaq ǵana sandıqshamız ashıladı. Bul jumbaqlardı sizlerge aytaman :
1-Jumbaq
Qarsısında turıptı
Júzi domaloq semiz
Bir qulaǵı bar, bir murnı
Basına kiygen taqıya
Balalar juwapları : (sháynek)
2-jumbaq. Taǵı bir jumbaq aytaman
Ana bala jemes-ishpes
Dásturqan nan ol jaqqa ketpes
Balalar juwapları : (sháynek, kese)
Tárbiyashi: Tuwrı balalar mine «Sırlı sandıqsha»mız da ashıldı. Qarań onıń ishinde, sháynek, kese, tabaqlar, tarelkalar bar eken. Házir olar haqqında sizlerge aytıp beremen.
Sol payıt qapıdan Bilmesbay kirip keledi. Balalar menen sálemlesedi.
Tárbiyashı: Balalar toparımızǵa qonaq keldi. Úyimizge qonaq kelse ne qılamız.
Balalar : Dásturqan bezetemiz, qonaq kútemiz.
Tárbiyashi: Kelińler biz de qonaqlardı dásturqanǵa usınıs etemiz.
Onıń ushın ne qılıw kerek?
Balalar : Dásturqan jazıp hár qıylı naz-naǵıymetler hám sháynek-kese, mazalı zatlar qoyıladı.
Tárbiyashı: Qonaqlarǵa shay quyıp uzatamız
Bilmesbay: Ustaz bul ıdıslar oǵırı ájayıp eken, olar qanday tayarlanǵan?
Tárbiyashi: Balalar aytıń, sháynek hám kese bizge ne ushın kerek?
Balalar : Sháynek shay demlew ushın, kese bolsa shay ıshıw ushın kerek boladı.
Tárbiyashi: Tuwrı ayttıńız kóp jıllardan berli sháynek keseler bizge xızmet etedi, shaydan tısqarı shıpa beriwshi giyalardı, dárilik ósimliklerdi de demlep ishemiz. Bul sháynek keseler turmısımızda júdá kóp isletiledi. Olardı usta gúlallar ana jurtımızdıń topıraǵınan tayarlaydı. Topıraqtan ılay tayarlanadı hám oǵan kóp islew beriledi. Oǵan forma berilip, arnawlı ıssılıqta pisirip, shıraylı hám ıqsham sháynek hám keseler tayarlanadı.
Bilmesbay: Awa túsindim, ılaydan shıraylı ıdıslar tayarlansa-ya
Balalar : Biz shınıǵıwlar dawamında hár túrlı ıdıslar isleymiz.
Bilmesbay: Mine bul sháynek hám keseniń bezegin qarań, qanday shıraylı eken!
Tárbiyashi: Awa balalarım ıdıslar gúlallar arnawlı ıloydan sheńber úskenede tayarlap otta kewdiredi hám reńli bezewler berip xalqımızǵa usınadı.
Balalar bunnan tısqarı ıdıslar metaldan hám taxtalardan da tayarlanadı. Mısalı : qasıq, lágen, sháynek sol sıyaqlılar bolıp tabıladı. Sol payıt Bilmesbay qızıǵıp soradı ıdıslardıń taǵı qanday túrleri bar?
Tárbiyashi: Shıyshe hám plastmassa ıdıslar da bar
Bilmesbay: Bul ıdıslar qanday tayarlanadı?
Tárbiyashı: Balalar Bilmesbay bul ıdıslardıń qanday tayarlanıwın bilmeydi ekenbiz házir sol haqqında sóylestik, sizler aytıp berińler.
Balalar juwabı :
Bilmesbay: Raxmet balalar sizlerden júdá kóp zattı úyrenip aldım. Endi birgelikte bir ájayıp oyın oynasaq oyınımızdı «Ájayıp tartpa» oyını sol formasında alıp barıladı. Bilmesbay tartpa ishindegi ıdıslardı alıp balalardan ıdıs atların soraydi. Balalar ıdıs atların aytadı.
Aktiv balalar tárbiyashi hám Bilmesbay tárepinen xoshametlantiriledi. Balalar hám tárbiyashi Bilmesbay menen xoshlasadı.