1. Tema : «Meniń janajan Qaraqalpaqstanım» Jumıstıń maqseti

51-Tema :
Báhár hawası, báhárgi jawın
Maqset: Balalaǵa jıl mawsimleri haqqında túsinik beriw. Báhár mawsiminiń hawası, báhárgi jawın onıń gózzallıǵı haqqında túsinik payda etiw.
Kerekli buyımlar hám materiallar : Temaǵa tiyisli súwretler, tarqatpalar.
Sabaqtıń áhmiyeti: Báhár máwsimi haqqında bilimlerin asırıw
Iskerlik barısı : Balalar mine qıstıń suwıq, ayazlı kúnleri artta qalıp, kewlimizdi jaynatıp oyanıw, jasarıw máwsimi báhár kirip keledi. Balalar báhár máwsimin hámmemiz jaqsı kóremiz, báhár máwsiminde tábiyatımız oyanadı, terekler bórtik shıǵaradı, gúlleydi. Báhár máwsiminiń elshileri bolǵan baysheshek gúli, lalaqızǵaldaqlar ashıladı. Balalar sizlerge jumbaqlar aytaman kim shaqqanlıq hám epshillik penen tabadı eken.
Jerde uyań unadı
Dáslepki báhárda kúledi (Baysheshek)
Erte báhár qızıllanıp
Tawda joydı qızıl ǵalı (Lala qızǵaldaq)
Bar túrli-túsli tórt ǵalı
Xızmetke tayın tórtewi de
Gezek penen keledi
Qáne kim tabaladı (Máwsimler)
Balalar menen birgelikte jumbaqlar juwabın tabamız. Báhár máwsiminde tábiyaatımız júdá ózgeriwshen boladı, tez-tez jawın jawadı, gúldirmama boladı, shaqmaq shaǵadı.
Qara perde kórinedi
Ishinen suw tógiledi (Jawın )
Jarıǵı bar, ataǵı bar
Ózi joq dawısı bar (Shaqmaq)
Balalar jawın tınıp quyash shıqqannan keyin tap-taza aspanımızda ne payda boladı.
Sızıladı kókke qálemsiz
Hár túrlı boyaw súwretshisiz (Oq jay )
Balalar jawındı hámmemiz jaqsı kóremiz, jawınnan keyin hawa tap-taza boladı, tábiyaatımız suwǵa toyınadı.
Balalar jawın haqqında qosıqlar yad alǵanmızdı bir eslep alayıq.
Men tamshıman, tamshıman
Bultlardan men túsemen
Aspanımda men sekirip
Jerge oynap túsemen
Oǵırı kewillimen
Topday domalayman
Jawınman mayılaman
Úsheklerden tamshılayman
Balalar kewilli tamshınıń gáplerin esitip atırsızlar ma, biz jawındı qansha súysek ol bizden kewli tolıp bolıp taǵı qosıqlar aytıp beredi.
Balalar kelińler endi birgelikte «Jawın hám quyash» oyının oynaymiz, oyında 2-3 ret tákirarlap, shınıǵıwda aktiv qatnasqan balalardı shıyrın sózleri menen xoshametlew, shınıǵıwdı bekkemlep juwmaqlaymız.