1. Tema : «Meniń janajan Qaraqalpaqstanım» Jumıstıń maqseti

50-Tema :
Analardıń bayramı
Maqset: Balalar sóz baylıǵın asırıw, sózlerdi tuwrı aytıwǵa úyretiw, ana eń áziz insan ekenligin túsindiriw. Olar perzenti dúnyaǵa keltiriwin, ómir boyı perzent dep jasap ótiwin uǵındırıw. Analar shaqırǵanda «Labbay', «Yaqshı boladı» dew, olarǵa mudamı sálem beriwdi wazlarına qulaq túriwdi, olardı húrmet penen ornınan turıp kútip alıwǵa úyretiw.
Sabaqtıń áhmiyeti: Analardıń gápin bólmew, qılıp atırǵan jumıslarına kómeklesiw, ruqsatsız uzaq jaylarǵa ketpew, olarǵa ótirik sóylemew kerekligi túsindiriledi.
Kerekli buyımlar : Temaǵa tiyisli pát, videoroliklar.
Iskerlik barısı :
Tárbiyashi: Analardıń bayramı «Ana muqaddes» temasında videorolik penen iskerlikti baslaydı.
Balalar, báhár máwsimınde 8-mart «Hayal-qızlar bayramı», 21-mart «Nawrız» bayramın bayramlaymız.
Tárbiyashi: Tuwrı balalar , bul bayramlar biziń eń ardaqlı hám milliy bayramlarımız esaplanadi. Búgin biz sizler menen 8-mart «Onajonlar bayramı» haqqında sáwbetlesemiz. Balalar biz analarımızdı jaqsı kóremiz be?
Balalar : Awa, analarımızdı qattı jaqsı kóremiz
Tárbiyashı: Balalar biz álbette anajanlarımızdı, bizdi jarıq dúnyaǵa keltirip, aq juwıp, aq taraǵan, óz ómirin perzentlerine baǵıshlap, túnlerde háyyiw aytıp, túnlerdi uyqısız ótkergen ullı zatlardı hár qansha jaqsı kórsek, qádirlesek te az. Olardıń biz ushın aytqan háyyiwleri de jaǵımlı.
1-Bala :
Jaralǵansan meni jaratıw ushın
Dúnyaǵa tirishilik taratıw ushın
Men dep uyqı kórmey tań atıw ushın
Dúnyaǵa kelgensen óziń anajan.
Aq sútińdi qarıstırıp qanıńa
Aqsham aq besikti qoyıp janıńa
Tún uyqıńdı tort bólgensen anajan
Tárbiyashi: Xosh, balalar , endi bir qol menen dúnyanı, bir qol menen besikti terbetken mehriybanlarımız haqqında neler deymiz?
Balalar : Ana áziz, ana ullı
Analar bir qolı menen dúnyanı, bir qolı menen besikti terbetedi
Ana quyash olardıń mehiri, alaqanı hesh qashan suwımaydı.
Ananıń ashshı sózi, perzenttiń aqıl kózin ashadı.
Dúnya tar bolǵanda da ananıń bawırı keń.
Ana menen bala bala gúl menen lala
Balanıń barmaǵı awırsa ananıń júregi awıradı.
Tárbiyashi shınıǵıw : Barmaqlar járdeminde «Shańaraq» shınıǵıwı
Tárbiyashi: Bas barmaǵım ákem,
Balalar : Kórsetkish barmaǵım anam
Orta barmaǵım aǵam
Kishi barmaǵım ájapam
Shunatay men, bul meniń shańaraǵım
Tárbiyashı: Balalar biz anjanlarımızǵa mudami járdemshi bolıwımız kerek. Olar sóylegende «Lábbay», «Yaqshı boladı» dew, olarǵa sálem hámiyshe beriw, aqıl-násiyatlarına qulaq túriw, olar kelse ornımızdan turıp qarsı alıwımız kerekligin umıtpayıq.
2-Bala :
Kúlimlese altın quyash
Sizge uqsar anajanım
Tárbiyashi: Balalar analarımız biz ushın eń áziyz mexribon insan. Barlıǵıńız analardıń hámiyshe saw-salamat bolıwın qáleseńiz kerek tuwrı ma?
3-Bala :
Baǵıshlaydı qanatlı sezim
Balam degen bir awız sóziń
Baylıǵım da baxtım da óziń
Anajanım barıńa shúkir
Tárbiyashi: Balalar sizler qandayda bir jerge barmaqshı bolsańız anjanlarıńızdan ruqsatsız barmawıńız, ótirik sóylemewińiz kerek bolıp tabıladı. Qanday da bir jayǵa ruqsatsız ketsek anajanlarımız bizlerden qáweter aladı, bizdi izleydi, júregi tınıshsızlanadı. Sol sebepli de olardan qanday da bir jerge barıw ushın ruqsat sorap barıw kerek.
Házir men sizlerge Erpolat degen balanıń anasına qanday ótirik sóylegeni haqqında videorolikti kórsetip beremen.
Balalarǵa videorolik tiykarında sorawlar beriw
1. Balalar Erpolat tuwrı jumıs qıldı ma?
2. Anasına ne dep ótirik sóyledi?
3. Erpolat ne ushın ótirik sóyledi?
4. Anası Erpolattıń ótirik sóylegenin qalay bilip qaldı?
5. Anası ne ushın Erpolatqa sınıq qorazqand berdi?
6. Eger sizler Erpolattıń ornında bolǵanıńızda ne qılǵan bolar edińiz?
Mine balalar analarımızǵa ótirik sóylew bizdi mudam uyaltırıp qoyadı. Biz ádepli hám ırasgóy bolsaq ata-anamızǵa mudam raxmet alıp kelamiz.
Oyın : «Jaqsı hám jaman ádetler» oyını
Baslawshı : Ana toptı balalarǵa uzatıp «Jaqsı ádetler» deydi
Balalar : Toptı anaǵa uzatıp miyirman, ana áziz, olardı húrmet qılıw, lábbay, yaqshı boladı dep sózlerin qaytarmaw.
Baslawshı : Ana toptı balalarǵa uzatıp «Jaman ádetler» deydi.
Balalar : Sózine qulaq túrmew, ruqsatsız kóshege shıǵıw, jánjellesiw, úy jumıslarında járdem bermew, ótirik sóylew, gáp qaytarıw.
Mine balalar biz ata-analarımızdı mudam húrmet etip ádepli, miyirman, tuwrı sóz bolsaq olarǵa raxmet alıp kelemiz.
Balalardı xoshametlew.
Kelińler balalar «Anajanım» qosıǵın aytamız.