1. Tema : «Meniń janajan Qaraqalpaqstanım» Jumıstıń maqseti

62-Tema :
Ullı oyshıl Ibn Sino
Maqset: Ibn Sino miyweler hám palız eginlerileniń shıpalı qásiyetlerinen nawqaslardı emlewge nátiyjeli paydalanǵanlıǵın túsindiriw.
Tárbiyashı: Kelińler balalar Ibn Sino babamızdıń danalıq sózlerinen aytamız.
1-bala : Shań mıywe jeme, densawlıqtan keshpe
2-bala : Jep bolıp awqat, júgirme tek
4-bala : Saw bolayın deseń ıqsham kiyin
5-bala : Eger shań hám shań bolmaǵanda edi, insan mıń jıl jasardı.
Tárbiyashi: Kórdińız be balalar bul danalıq sózlerge ámel qılsaq hesh qashan kesel bolmaymız.
Bunnan tısqarı Ibn Sino babamız ólimi aldınan shákirtlerine sonday degen eken: «Men ózimnen keyin 5 shákirt qaldırıp atırman»
Qáne balalar olardı gezek penen aytamız.
1-bala : birinshisi - tazalıq
2-bala : ekinshisi - dieta
3-bala : úshinshisi - dene shınıqtırıw
4-bala : tórtinshisi hám besinshisi- jaqsı keypiyat bolıp tabıladı.
Tárbiyashı: Bárekella balalar
Syujetli-rolli oyınlar hám saxnalastırıw.
Tárbiyashi: Ibn Sino babamız táwiplik qılıw menen birge kitap oqıwdı hám toplawdı jaqsı kórgen. Bunı biz «Ibn Sino hám kitaplar» ráwiyatınan da kóriwimiz múmkin.
Kúnniń birinde bir Patsha qattı biytap bolıp qaladı. Onı emlew ushın Ibn Sinonıń aldına alıp keledi
Patsha: Husayn biytap bolıp qaldım. Meni tek sen dawalay aladı ekensen.
Ibn Sino: Yaqshı patsham, men háreket etip kóreyin.
Patsha: Eger meni dawalay alsań saǵan qálegenińshe baylıq beremen.
Ibn Sino: Maǵan hesh qanday baylıq kerek emes.
Ibn Sino patshanı túrli giyalar járdeminde dawalaptı.
Patsha: Sen meni dawaladıń, endi tilegińdi ayt.
Ibn Sino: Maǵan qırıq túyege júk bolatuǵın kemnen-kem ushraytuǵın kitaplar hám bir kitapxana qurdırıp berseńiz.
Patsha: Aytqanlarıńdı orınlayman.
Tárbiyashi: Patsha oǵan aytqan kitapların keltirip beripti. Ibn Sino óz kitapxanasın shólkemlestiripdi hám barlıq kitaplardı oqıp yad alıptı.
Balalar qarańlar babamız qanshelli bilimli, ızleniwshen, ilimge qushtar, kitaplarǵa miyir qoyǵan eken. Qáne balalar bizler de kitap oqıymiz ba?
Balalar : Awa
Mine balalar ataqlı táwip, ullı oqımıslı Ibn Sino babamız haqqında bilip aldıq. Endi biz de ózimizdiń úlgili xulqımız, izleniwsheńligimiz hám bilimli bolıwımız arqalı ullı babalarımızǵa múnásip áwlad bolıwımız kerek.