1. Tema : «Meniń janajan Qaraqalpaqstanım» Jumıstıń maqseti

60 -Tema :
Keńislikke sayaxat
Maqset: Balalardı kosmos haqqındaǵı túsinik hám qıyalların keńeytiw. Quyash sisteması haqqındaǵı bilimlerin videorolik arqalı bekkemlew. Qosıq, jumbaq gúrrińler arqalı balalarda shınıǵıwǵa qızıǵıwshılıq oyatıw.
Sabaqtıń áhmiyeti: Balalar quyash, jer, juldız, ay, planetalar haqqında túsinikke iye boladı.
Kerekli buyımlar : Quyash, jer, juldız, ay súwreti túsirilgen pát kompyuter
Iskerlik barısı : Tárbiyashi balalar sheńber bolıp turıp aladı. Endi balalar kishkene shınıǵıw etip alamız.
Meniń qulaqlarım hámme zattı esitedi
Balalar : qulaqların siypalaydı
Kózlerim de jaqsı kóredi
Balalar : kózlerin siypalaydı
Quyash ıssılıǵın sezemiz
Balalar : hawa shıǵaradı
Bárekelle balalar endi biz kóre alamız, esitemiz, sorawlarǵa tuwrı juwap beriw hám gúrriń etip beriwge tayınbız.
Gruppaǵa ayıqsha qapa halda kirip keledi.
Tárbiyashı: Sálem ayıw ne boldı, nege qapasan?
Ayıw: Sálem balalar men jataberip oǵırı zerigip kettim hesh qashan quyash shıqpaytuǵınǵa uqsaydı.
Tárbiyashi: Balalar sizler de ayıwǵa ashınıp atırsız ba? Kelińler onı keyipin kóteriw ushın kosmosqa aylanamız. Kosmos degende aspan, ay, quyash, juldızlardı túsinemiz.
Balalar jumbaq aytaman tabasızlar.
Altın sandıq ashıldı
Álemge nur shashıldı (Quyash )
Bárekella balalar bul quyash edi.
Gruppaǵa quyash baba kirip keledi.
Men quyash nurlarım menen
Jıllı, ıssı, otlarım menen
Hár tań men de asıǵaman
Jaynap nurım shashaman
Tárbiyashi: Quyash baba bilesiz be ayıw sizdi oǵırı saǵınǵan ol qiıstıń qattı suwıǵınan jataberip sharshaǵan. Balalar menen qaysı máwsimlerde pútkil álemdi qızdırıwıńızdı túsindirsek.
Quyash : Men hár kúni jer sırtınıń bir tárepinen shıǵıp kún boyı aspanda háreket etemen, keshke barıp jer sırtınıń basqa bir tárepine bataman. Jer meniń átirapimda aylanadı.
Tárbiyashi: Balalar dıqqatıńızdı kompyuterge qaratıń, jer quyash átirapında aylanıwın gúzetemiz. Quyash átirapında 8 planeta aylanadı Merkuriy, Venera, Jer, Mars, Yupiter, Saturn, Uran, Neptun
Quyash : Balalar men haqqımda qosıqlar bilesizler me?
Balalar : Altınquyosh (Miraziz eń úlken)
Quyash shıqtı,
Altın quyash
Altın quyash ufqta,
Altın quyash shıqqanın
Keltiremiz qosıqta
Turıń qáne ornıńızdan
Turıń appaq balalar
Altın quyash shıqqanına
Qutlıqlap atır atızlar
Tárbiyashı: Balalar sizlerge «Samal hám quyash» gúrrińin sóylep beremen.
Bir kúni samal hám quyash kelisalmay qalıpdı. Olar bul tartıstı jolda kiyatırǵan jolawshı járdeminde sheshiwge kelisipti. Kim birinshi bolıp jolda kiyatırǵan jolawshınıń iynindegi qabıǵın sheshe alsa sol kúshli esaplanatuǵın boldı. Samal óz gezeginen paydalanıp qattı bola baslapdı joldaǵı adam júriwge qiynalıp zorǵa qádem tastaptı. Samal kúsheygen tárepke jolawshı da kiyimine bekkemlew oranıp alıptı qansha háreket etse de jolawshınıń kiyimin sheshe almaptı. Gezek quyashqa kelipti. Quyash óziniń nurların shashıptı keyin bolsa nurın jaqsı shashıp jolawshını qızdıra baslapdı. Sonda jolawshı ısıp ketkenin sezip etip kiyimin sheshipdi.
Juwmaqlap aytqanda, mınada kóp zatqa zorlıq penen emes adamgershilik penen erisse boladı.
Tárbiyashi: Balalar samal hám quyashtıń básekilesiwinen qalay juwmaq shıǵardıńız?
Balalar juwabı :
Sol waqıtta gruppaǵa Qımbat kirip keledi.
Qımbat : Uff bul quyash qızdıraberip janıma tiyip ketti qashan kesh túsedi, qashan juldızlardı tamasha etip jataman.
Tárbiyashi:Qımbatxan saǵan jumbaq aytaman tapsań quyash óz gezegin ay hám juldızlarǵa beredi, eger taba almasań quyash ıssısınan uyqılay almay júreberesen.
Qımbat : Aytıp kóriń, men álbette tabaman