1. Tema : «Meniń janajan Qaraqalpaqstanım» Jumıstıń maqseti

68-Tema :
Oyınshıqlar hám olardıń qatnasıwshıları
Maqset: Oyınshıqlar haqqında tárbiyalanıwshılarǵa túsinik beriw. Áyyemgi hám házirgi oyınshıqlardı oylap shıǵarıwshıları haqqında balalardıń bilimin qáliplestiriw.
Balalarda oyınshıq jáne onıń oylap shıǵarıwshıları húrmet hám háwes oyatıw olardı qalǵan miyraslardı saqlawǵa úyretiw.
Maqset: oyınshıqlardıń atınıń, olardıń reńi hám úlkenligin tuwrı aytıwǵa úyretiw.
Shınıǵıwdıń barısı:
Búgin sizler menen oyınshıq jáne onıń oylap shıǵarıwshıları haqqında sóylep ótemiz. Oyınshıqlar áyyemgi zamanlarda Hamri kempir apa tárepinen jaratılǵan oyınshıqlar bolǵan. Házirgi maǵlıwmatlarǵa qaraǵanda jer júzindegi eń kóp tayarlanatuǵın oyınshıqlar Qıtayǵa tuwrı keledi. Jáne de anıqlaw aytatuǵın bolsaq million oyınshıqlardı tayarlaw ushın qansha jumısshı kúshi kerek ekenligin oyda sawlelendire alasız ba?
Bálki sheksiz islep shıǵarılıw processinde qanday da texnologiya jolı robotlar qatnasadı dep oylawıńız múmkin. Biraq bunday emes. Oyınshıqlardıń bárin adamlar isleydi. Olardıń hámmesi qol miynetinde islenedi.
Tárbiyashi xanaǵa oyınshıq salınǵan júk mashinasın alıp kiredi. (ayiqlar, eshki, quwırshaqlar, arsha aǵashlar salınǵan ).
Qarańlar mashinada qanday oyınshıqlar alıp kelippen?
(Balalar juwabı ) Tuwrı, ayıwlar, eshki hám arsha aǵashlardı alıp keldim. Siz bul oyınshıqlardı oynawdı jaqsı kóresiz be? Bular ne? Tuwrı ayıwlar/ bir ayıw qanday reńde (aq). Basqa ayıw qanday reńde? (qara ) ayiıwlar qanday qıshqıradı (eeeee) Said aq ayıw qanday qıshqıradı? (Tárbiyashi oyınshıqtı balanıń qolına beredi) qara ayıw qanday qıshqıradı? Mine bular ne? (arsha aǵashlar ). Qarańlar hámme arsha aǵashı birdey me? Mine bul arsha aǵashı biyik, bular -ne qanday? Tuwrı olar tómen. Keyin tárbiyashi eki balanı shaqıradı hám birewine stul ústine bálent arsha aǵashlardı, ekinshisine bolsa tómen arsha aǵashlardı qoyıwın buyıradi. Keyininen tárbiyashi ul hám qız quwırshaqlardı aladı hám «Qızdıń atı Ayziya» deydi. Qızdıń atı ne eken? (ulıwma hám jalǵız -jalǵız juwaplar ).
Qarańlar -ne, mashinada qanday oyınshıq kelipti? (eshki). Eshki qanday máreydi? (mee). Keyin tárbiyashi balalardıń úylerinde qanday oyınshıqlar bar ekenin soraydı. Kem aktiv balalardı aktivlestiriw ushın olarǵa sorawlar menen shaqıradı. Daniyar sen qaysı oyınshıqlar menen oynawdı jaqsı kóresen? Lala seniń oyınshıǵıń qaysı? Oyınshıqlar ne ushın kerek?
Tárbiyashi balalarǵa oynawdı usınıs etedi/ sizler hámmeńiz ayıwlar bolasız, men ana ayıw balaman. Mine ayıwlar ınlerınen shıǵıp seyil etiwge ketti. Olar toǵayda júredi hám (eee) dep qıshqıradı. (balalar bólme boylap júredi hám «e» dawısın shıǵaradı). Tárbiyashi ayıwlar aylanıp boldı hám uyalarına ana -ayıw aldına keldi deydi. Balalar óz jaylarına otiradi. Kelińler, balalar ayıw, eshki, Ayziya, Erkin menen qanday waqıyalar júz bergenligi haqqında gúrriń dúzemiz. Tárbiyashi stol ústine arsha aǵashı qoyadı hám gúrrińdi basladı. Kúnlerden bir kún eshki toǵayda aylanıp júrgen edi. Aldınan ayıw shıǵıp, eshkige «eee» dep qıshqıradı. Eshki qanday qıshqırdı? Eshki qorqıp ketip «me me me» dep qıshqırdı. Eshki qanday qıshqırdı? Sol waqıt Erkin, Ayziya degen balalar toǵayda júrgen eken. Olar eshkiniń dawısın esitip júgirip keldi hám eshkini jubattı. Hámme quwandı. Kim gúrrińdi qaytaradı? Erkin, Ayziya sózlerinde «e» dawısı barma? Kelińler Erkin, Ayziya sózlerin qaytaramız. Balalar bilimin tekseriw hám bekkemlew ushın
Sorawlar :
1. Aq ayıw haqqında kim aytıp beredi?
2. Qara ayıw haqqında kim aytıp beredi?
3. Tómen arsha aǵashın kórsetiń
4. Biyik arsha aǵashın kórsetiń
5. Quwırshaqlardıń atları ne eken?
6. Quwırshaqlar haqqında kim aytıp beredi?
Bala bilimin anıqlawshı sorawlar bala juwapların analiz qılıw hám xoshametlew