1. Tema : «Meniń janajan Qaraqalpaqstanım» Jumıstıń maqseti

64-Tema :
Báhárgi tamshılar
Maqset: Bilimlendiriwge tiyisli: Balalarǵa qorshaǵan ortalıq haqqındaǵı bilim hám qıyalların bayıtıw olardıń logikalıq oylawın leksikalogiyalıq baylıǵın asırıw, tábiyat hádiyseleri hám olardıń miynetindegi áhmiyeti haqqındaǵı qızıǵıwshılıqların asırıw, aqılıy oyınlar arqalı bilimlerin bekkemlew.
Tárbiyalıq : Balalarǵa sáwbette aktiv qatnasıw, tıńlaw, doslarınıń juwabın bólmew, bir-birine óz-ara húrmette tárbiyalaw.
Kerekli buyımlar : Báhár máwsimine tiyisli súwretler, tábiyat hádiyseleri sáwlelendirilgen súwretler, tábiyat káramatları haqqındaǵı video rolikler, xoshamet jarlıqları.
Qollanılatuǵın usıl : kórsetiw, túsindiriw, soraw -juwap arqalı bekkemlew, oyın xoshametlew.
Shınıǵıw barısı : Balalardı shınıǵıwǵa tayarlap alıw.
Tárbiyashi: Balalar úlkemizge qaysı máwsim keldi?
Balalar juwabı :
Tárbiyashi: Báhár máwsimınde kún qanday boladı
Balalar juwabı
Tárbiyashi: Báhár máwsimınde qanday bayramlar bayramlanadı eken
Tárbiyashi: Bárekella balalar
Balalar Báhár máwsimi keliwi menen atızlarda diyqanlar miyneti baslanadı. Báhárdiń dáslepki kúnlerinen baslap diyqanlarımız jerge islew berip, milliy baylıǵımız bolǵan paxta egini, palız eginlerin egiw ushın tayarlıq kóredi. Qıstıń qarları jerden báhárdıń quyashı keliwi menen eriy baslaydı.
Tárbiyashi: Balalar Báhár haqqında kim qosıq aytadı.
1-bala :
Tezirek Báhár kelse eken
Biynápshe gúlin kórsem edi
Tezirek Báhár kelse eken
Tolı gúller tersem men
2-bala :
Keldi Báhár, gúl Báhár
Erip ketti appaq qar
Tárbiyashi: Balalar raxmat sizlerge endi sizler menen sayaxatga shıǵamız. Sayaxatda sizler menen Báhárgi turmıstı, diyqanlar miynetin gúzetemiz. Sayaxatqa barıw ushın tez júrer poyezdti járdemge shaqırǵanman. Házir bizdi kóz ashıp jumǵansha adresimizge alıp barıp keledi. Qáne bolmasa jolǵa atlanamiz.
Tárbiyashi: watanımız atızları gózzallıǵı, shıraylı tábiyat kórinislerin baqlawım ushın qıstıń qarlarınan toyınǵan jerlerdi kóriw ushın baǵqa kimniń járdemi kerek boladı.
Balalar : Sıyqırshı kempir
Tárbiyashi: Sıyqırshı apa dep aytıwı menen sıyqırshı apa payda boladı. Úlken ekran arqalı diyqanlardıń báhárdagi miynetlerin, tábiyatımızdaǵı Báhárgi ózgerisler sáwlelendirilgen videorolik kórsetiledi. Balalar videorolik arqalı úlkenler miynetin qádirlewge, miynet etiwge úyretiw, sonıń menen birge Báhárdagi oyanıw dáwiri haqqında tábiyat hádiyseleri haqqında bilimler beriwge erisiw.
Tárbiyashi: Kórsetilgen taxtalardı túsintirip beredi.
Tárbiyashi: Balalar Báhár máwsimi hám miyneti haqqında kóplegen naqıllar úyrengenbiz, keliń házir usılardı eslep alamız.
Balalar :
1. Watanı bardıń baxtı bar
Miyneti bardıń taxtı bar
2. Bir basdan bir sebet nan
3. Terek túbi menen kúshli
Adam dostı menen
4. Terekten mıywe alaman deseń
Náwsheliginde kútim et
Tárbiyashi: Bárekella Balalar sizlerdiń shıraylı naqıl hám qosıqlarıńız oǵada jaqtı. Sıyqırshı apaǵa da júdá jaqtı. Endi toparımızǵa qaytıw ushın sıyqırshı apadan taǵı járdem so'raymiz.
Sıyqırshı apa: Balalar sizlerge járdem beremen. Aldın meni shártimdi orınlańlar.
Balalar : Atqaramız
Sıyqırshı apa: Men sizlerdiń hámmeńizge Báhárgi gúllerden beremen, siz maǵan Báhárdegi tábiyat hádiyselerin aytıwıńız kerek boladı.
Balalar : Biz tayınbız
Samal, jawın, burshaq, shaqmaq, gúldirmama, sarı qar, quyashbaba,
Sıyqırshı apa: Bárekella balalar sizler júdá bilgir ekensiz.
Tárbiyashi: sıyqırshı apa shártińizdi balalar atqardı ma, endi gruppaǵa qaytsaq.
Sıyqırshı apa: Balalar biziń úlkemizde atızlar, baǵlar menen birgelikte taǵı neler kóp.
Balalar : Tawlar, qırlar, jaylawlar.
Sıyqırshı apa:Báhárde olar qanday ózgeredi.
Balalar : jerdegi qarlar erip, kók ot, lalalar jerden shıǵadı hám oǵırı shıraylı boladı.
Sıyqırshı apa: Oǵırı jaqsı, dep taǵı tawlardan aǵıp atırǵan suw, gúllerge búrkengen ernek ádirler sáwlelendirilgen video rolikti qoyıp beredi hám balalardı gruppaǵa jetkerip qoyadı.
Tárbiyashi: Balalar mine sayaxatimiz oǵırı qızıq ótti. Sayaxat tásirleniwlerin doslarıńızǵa aytıp beresiz. Endi sharshaǵanlarıńızdı jazıw ushın bir oyın oynaymız.
Báhár tamshıları.
Mazmunı : Balalar 2 gruppaǵa bólinedi, 1-gruppa tamshılar, 2-gruppa maysalar
Maysalar jerde otıradı, tamshılar kózlerin jumıp barıp maysalardı ustap aladı. Kim maysanı uslay almasa oyınnan shetletiledi. Uslaǵan tamshılar oyının dawam etedi. Oyın sońında jaqsı qatnasqanlar xoshametlentiriledi.
Kórkem óner iskerlik orayına ótip balalar ıqtıyarıy báháriy kórinis hám tamshı sáwlelengen súwretlerdi sızadı hám kórgizbe shólkemlestirilip iskerlik juwmaqlanadı.