1. Tema : «Meniń janajan Qaraqalpaqstanım» Jumıstıń maqseti

Pán hám tábiyaat orayı : Iskerlik barısı :
1. Sanalmaytın ónimler haqqında túsinikke ıye bolıw
2. Sanalamytın ónimlerdiń kólemin ólshew
3. Ólshew usılları hám ásbaplardı úyreniw
4. Súwretler hám tarqatpa materiallar menen islew
5. Súwretler hám tarqatpa materiallardıı izbe-izlikte qoyıw
6. Balalardı xoshametlew
Qosımsha bólim: Tárezi haqqında maǵlıwmatqa iye bolıw. Balalarda iskerlik processinde aqıl, oylaw aktivlesedi hám baqlaw hám juwmaq shıǵarıwdı úyreniw.
Itibarǵa ılayıq tárepi: Balalarda tábiyatqa hám qorshaǵan ortalıqqa qızıǵıwshılıǵın asırıw hám de sanalmaytın denelerdiń kólemin biliw, ólshew ásbapları haqqındaǵı qıyalların keńeytiw.

67-Tema :
«Órt qawipsizligi» temasında sáwbet
Maqset: Balalardı órt qawipsizlik qaǵıydaları menen tanıstırıw hám insanlardı qáwip-qáterlerden qáwipsizlik qılıp atırǵan shólkemleri haqqında túsinik beriw. Adamlardıń turmısları, buyım-múlki qáwip astında qalıwına neler sebep bolıwı haqqındaǵı túsiniklerdi ıyelew. Ot óshiriwde zamanagóy ásbap -úskeneler, olardıń tikkeley wazıypaları menen tanıstırıw. Turmıs qáwipsizligi haqqındaǵı túsiniklerdi jetilistiriw.
Kerekli úskeneler: Temaǵa tiyisli súwretler, suw, qum hám jawın qawipsizligi boyınsha tarqatpa materiallar.
Oraylar : Pán hám tábiyat orayı.
Iskerlik barısı :
Tárbiyashi: Aytıńlar balalar órt qawipsizligi degende nelerdi túsinesiz.
Balalar juwabı :
Tárbiyashi: balalar órt degende neni túsinesiz?
Balalar juwabı :
Tárbiyashi: tuwrı balalar órt ıssılıq, jaqtılıq bolıp esaplanadı. Usınıń menen birge órt apat bolıp tabıladı. Ata-babalarimiz órt penen abaylılıqta paydalanǵan. Lekin órt mudamı da insanlarǵa boysınbaǵan olardıń basına kúlpetler salǵan. Keyinirek órt saqlaw xızmetleri shólekmlestirilgen. Ot óshiriw xızmeti ushın «01» nomeri engizilgen. Házirde zamanagóy ásbap -úskeneler menen támiyinlengen. Men sizlerge ot óshiriw modulın kórsetemen. Balalardıń itibarın onıń reńine, ásbap -úskenelerine qaratadı. Jatırqısh, ot óshiriw shlangı ne ushın kerekligi haqqında túsindirip beredi.
Tárbiyashi: balalar oyınshıq mashinasın kórip shıqqannan keyin ot óshiriwshi adamnıń, arnawlı kiyimde turǵan súwretin kórsetedi. Balalar ot óshiriwshiniń ústi-basına dıqqat penen qarawın soraydı. Ot óshiriwshilerdiń ústindegi polat qalpaǵınan qaysı waqtında qanday paydalanıwları haqqında túsindirip beredi.
Tárbiyashi: balalar sizler ne dep oylaysizlar órt nelerden kelip shıǵadı.
Balalar juwabı : úlkenlerdiń itibarsızlıǵınan, shırpı oynawdan, gazlardıń ashıq qalıwınan.
Tárbiyashı: tuwrı balalar . Sol sebepli bar múmkinshiligimizdi jumısqa salıp órt shıǵıwınıń aldın alayıq. Endi sizlerge «Órt óshiriwshi» qosıǵın aytıp beremen.
Esitiń ul-qızlar,
Oǵada jaqsısızlar.
Oynamańlar ot penen,
Oynamańlar shırpı menen.
Degen gáplerdi eslep kóriń,
Taǵı bir sóz bar sizge.
Túsireyin yadıńızǵa,
«01» ge qılsaq xabar.
Ol bala márt boladı,
Kóptiń kewli toldı.
Tilegi amanlıq boldı,
Ashshı qaharmanlıq boldı.
Niyyetimiz eń úlken,
Kópke maqul álbette.
Abat bolsın keń jáhán,
Jaǵılmasin hesh qashan.
Urıslardıń órtı
Endi balalar sizler menen «Ot óshiriwshi shınıǵıw» de háreketli oyının oynaymız. Oyın oynatıp iskerlik juwmaqlanadı. Shınıǵıwda aktiv qatnasqan bala xoshametlentiriledi.