Qonunning maqsadi va vazifalari
|
Terrorizmga qarshi kurashning asosiy prinsiplari
|
Terrorchilik faoliyatining oldini olish
|
Terrorchilik faoliyatida ishtirok etganlik uchun javobgarlik
|
O‘zbekiston Respublikasining terrorizmga qarshi kurash sohasidagi xalqaro hamkorligi
|
|
Ushbu Qonunning maqsadi terrorizmga qarshi kurash sohasidagi munosabatlarni tartibga solishdan iborat. Ushbu qonunning asosiy vazifalari shaxs, jamiyat va davlatning terrorizmdan xavfsizligini ta'minlash, davlatning suvereniteti va hududiy yaxlitligini himoya qilish, fuqarolar tinchligi va milliy totuvlikni saqlashdan iborat.
|
Terrorizmga qarshi kurashning asosiy prinsiplari quyidagilardan iborat:
qonuniylik, shaxs huquqlari, erkinliklari va qonuniy manfaatlarining ustuvorligi, terrorizmning oldini olish choralarini ustuvorligi, jazoning muqarrarligi, terrorizmga qarshi kurash oshkora va nooshkora usullarining uyg'unligi, jalb etiladigan kuchlar va vositalar tomonidan terrorchilikka qarshi o'tkaziladigan operatsiyaga rahbarlik qilishda yakkaboshchilik.
|
Terrorchilik faoliyatining oldini olish davlat organlari, fuqarolarning o'zini o'zi boshqarish organlari hamda jamoat birlashmalari, shuningdek korxonalar, muassasalar, tashkilotlar tomonidan siyosiy, ijtimoiy-iqtisodiy, huquqiy va boshqa profilaktik choralar majmuini o'tkazish orqali amalga oshiriladi.
|
Terrorchilik faoliyatida ishtirok etayotgan shaxslar qonun hujjatlariga muvofiq javobgar bo'ladi. Shaxs terrorchilik faoliyatida ishtirok etishdan o'z ixtiyori bilan qaytgan, bu haqda tegishli davlat organlariga xabar bergan hamda og'ir oqibatlar yuzaga kelishining va terrorchilar maqsadlari amalga oshirilishining oldini olishga faol ko'maklashgan taqdirda, qonun hujjatlariga muvofiq javobgarlikdan ozod etilishini mumkin.
|
Terrorizmga qarshi kurash sohasida O'zbekiston Respublikasining chet el davlatlari bilan, ularning huquqni muhofaza qiluvchi organlari, maxsus xizmatlari hamda xalqaro tashkilotlari bilan hamkorligi O'zbekiston Respublikasining xalqaro shartnomalariga muvofiq amalga oshiriladi.
|
