|
Həyata keçirilmə tempinə görə innovasiyalar yavaş, sürətli, sıçrayışlı tiplərə bölünür.
İntensivlik dərəcəsinə görə zəif, ahəngdar, kütləvi innovasiyalar fərqləndirilir.
Miqyaslarına görə kontnentlərarası, transmilli, regional, iri, orta, kiçik innovasiyalar ayrılır.
Səmərəlilik formasına görə iqtisadi, ekoloji, sosial, inteqral innovasiya tipləri mövcuddur.
Bəzən müəssisədə struktur səciyyəsinə görə də innovasiyaların tipləri müəyyən edilir. Belə hallarda aşağdakılar ayrılır:
- Müəssisənin “girişində” innovasiyalar
- Müəssisənin “şıxışında” innovasiyalar
-Müəssisənin bir sistem kimi strukturunda innovasiyalar.
3. İnnovasiya menecmentinin predmeti və vəzifələri
İnnovasiya menecmenti innovasiya proseslərinin, innovasiya fəaliyyətinin səmərəliliyinin yüksəldilməsinə yönəldilmiş, müasir idarəetmə prinsipləri, metodları və formalarının məcmusudur.
Innovasiya menecmenti akademik fənn kimi sosial elmlərə aid edilir. Onun predmeti sosial təşkiletməni öyrənməkdir.
İnnovasiya menecmenti makro və mikro iqtisadi səviyyələrdə innovasiya proseslərin stimullaşdırılması və səmərəli idarə edilməsinə yönəldilmişdir. Ənənəvi menecmentdən fərqli olaraq, innovasiyaların idarə edilməsi təşkilatların daxili və xarici əlaqələrinin qeyri-stabilliyi, qeyri-müəyyənlik və risklərin yüksək dərəcəsi ilə əlaqədardır.
Qeyd edilənlərlə əlaqədar bu sahədə idarəetmə qərarlarının qəbulu ilə bağlı xüsusi yanaşmalar və metodlar hazırlanır.
İnnovasiya menecmentinin məqsədi iqtisadiyyatın müxtəlif sahələrində yeniliklərin yaradılması, mənimsənilməsi və kommersiyalaşdırılması yolu ilə təşkilatın inkişafı və bazarda rəqabət mövqelərinin gücləndirilməsinin təmin edən idarəetmə metodları və texnologiyalarının öyrənilməsidir.
İnnovasiya menecmentinin obyektləri innovasiya və innovasiya prosesləridir.
Dostları ilə paylaş: | 
