To‘qimalarning suvsizlanishi
Bu uslub nisbatan keng tarqalgan bo‘lib, konservalashning oddiy usuli hisoblanadi. Suvsizlantirish asosan quritish yo‘li bilan, atseton yoki spirt ta’sirida, kimyoviy reagentlar bilan ishlov berish orqali amalga oshiriladi. Konservalash uslubi sifatida suvsizlantirishning samarasini hal qiluvchi muhim sharti, bu xom ashyo tarkibidagi qoldiq namlik miqdori hisoblanadi. Xom-ashyo turiga qarab bu miqdor 2 dan 16 % gacha bo‘lishi kerak
Bakteriyalar hali rivojlanishi mumkin bo‘lgan minimal namlik 20-30 % ni tashkil etadi. Mog‘or namlik miqdori 13-15 % va undan yuqori bo‘lganda rivojlanadi. Bunda uning keyingi rivojlanishiga nisbatan, sporalardan (noqulay sharoitda saqlanib qolishni ta’minlovchi hujayra) giflarning (shoxlangan iplar) o‘sib chiqishi va mitseliy (zamburug‘tana) hosil bo‘lishi uchun yuqorirok namlik miqdori talab etiladi.
Suvsizlantirish (quritish) yo‘li bilan charm va mo‘yna xom-ashyosining ko‘pgina turlari (upuka, bo‘taloq, mo‘ynabob va po‘stinbob qo‘y terilari) konservalanadi.
Dostları ilə paylaş: |
