Üçüncüsü, təhlükəsiz və effektli sənaye müəssisələrinin işə salınması.
Dördüncüsü, müasir sənaye müəssisəiərinin ekoloji baxımdan əlverişli şəraitə
uyğunlaşdırılması.
Hər dəfə insan ona yad olan obyektlə qarşılaşanda onun həyata keçirdiyi ilk fıkir əməliyyatı
bu
obyektin canlı və ya cansız olması ilə bağlı əməliyyatdır . Canlı və cansız arasındakı fərq ən
mühüm məsələlərdən biridir, xarici aləmi qavramaq üçün olduqca mühüm rol oynayır. Doğrudan
da, bütün dövrlərdə bütün tayfalar və xalqlar bu və ya digər dərəcədə canlı və cansızı
fərqləndirməyə məcbur olmuşlar, düzdür bu ayrılmalar müxtəlif üsullarla həyata keçirilmişdir.
Belə ki, ibtidai xalqlar üçün animizm xarakterik olmuşdur - bu baxışlara görə hər şeyin - insanın,
heyvanın, ağacın, daşın öz ruhu var və onların hamısı o vaxta qədər yaşayır ki, ruh onların
bədənində olur. Fikir tarixində digər baxışlar sistemi də mövcud olmuşdur - hilozoizm adlanan bu
baxışa görə bütün olanların hamısı canlıdır, bu yolla onlar həyat və varlığı eyniləşdirirdilər. Bu
mənada, sanki canlı və cansız arasında olan fərq öz mənasını itirir; əslində isə bu fərq burada da
aparılır, axı reallıq kimi yalnız həyat yox, hətta ölüm də qəbul edilir, ölüm qeyri-varlıq kimi qəbul
edilir.
Biologiya və fəlsəfə arasındakı asılılığın qarşılıqlı olmasını xüsusilə
vurğulamaq lazımdır. Bir tərəfdən, bioloji idrak öz nailiyyətlərinin dünyagörüşü əhəmiyyətinin nəzəri dərk
olunmasını fəlsəfədə tapır; bioloji idrak öz inkişaf gedişində canlının məzmunlu, aydın və dolğun
mənzərəsini verə bilir. Bununla belə, bioloji idrak, xüsusilə müasir dövrdə, həm də əxlaqi-etik
xarakterli kəskin problemləri - insan və heyvan üzərində aparılan təcrübələrdə verilən imkanların
həddi, biologiyanın inkişafı gedişində insanın irsiyyətə, fıziologiya və psixikasına təsir imkanları
və digər problemləri qarşıya qoyur. Çox güman ki, bu cür məsələlərin müzakirəsində, çox vaxt
dərin dünyagörüşü məsələlərə toxunanda fəlsəfə kifayət qədər hiss olunan yer tutur. Digər
tərəfdən, insanın dünyagörüşü mövqeyini nəzəri cəhətdən əsaslandıran fəlsəfə bunları anlayışlar
dili ilə aydınlaşdırmağa, açmağa və ifadə etməyə cəhd edir, yəni gələcək səmərəli təhlil üçün
onlara şərait yaradır, insanın mövcudluğu baxımından əhəmiyyətli olan, həlli əsasən bioloji
idrakdan asılı olan problemləri təhlil etməyə imkan yaradır.
