31-stat`ya. Qásiplik birlespeleriniń, xızmetkerler basqa uákillik organlarınıń miynetti qorǵawdı támiyinlewdegi huqıqları.
Qásiplik birlespeleri hám xızmetkerleriniń basqa uákillik organları miynetti qorǵaw tarawında uákillikti, sonday-aq, xızmetshilerdiń huqıqları hám nızamlı máplerin qorǵawdı ámelge asıradı.
Miynetti qorǵaw boyınsha arnawlı tayarlıqtan ótken uákil jumıs orınlarında miynetti qorǵawdıń jaǵdayın tekseriw, anıqlanǵan kemshiliklerdi saplastırıw hám ayıplı shaxslardı juwapkershilikke tartıw haqqındaǵı usınıslardı kiritiw huqıqına iye. Miynetti qorǵaw boyınsha uákilge óz wazıypaların orınlaw ushın hár háptede jumıs waqtında keminde eki saat waqıt ajıratıp beriledi hám ortasha is haqı muǵdarında haqı tólenedi (Ózbekstan respublikası MQQ).
Óndirislik tarmaqlar boyınsha miynet qorǵaw talaplarınıń orınlanıwı ústinen qadaǵalawdı tómendegi mámleket mekemeleri ámelge asıradı:
Taw texnika qadaǵalawı - sanaat hám awıl xojalıǵı kárxanalarında puw qazonlarınıń 0,07 MPa basımnan joqarı isleytuǵın ıdıslardı, júk kóteriw mexanizmleri hám qurılmalardı isletiw qaǵıydalarınıń orınlanıwın hám gaz támiyynlew sistemaları qurılısın, isletiliwin hám basqaların qadaǵalaydı.
Texnikalıq qadaǵalawı - jámiyetlik xojalıqları hám basqa awıl xojalıǵı kárxanaları hámde shólkemlerdegi mashina hám úskenelerdiń texnikalıq jaǵdayların qadaǵalanıwı, qala hám ualayat Mámleketlik miynet texnika inspekciyaları arqalı ámelge asırıladı.
Awıl xojalıq texnika qadaǵalaw organları traktorlar, kombaynlar hám basqa quramalı úskenelerdiń texnik jaǵdayı, sonday-aq, olardan paydalanıw qaǵıydalarına ámel qılınıwı, mashinalardı remontlaw hám texnikalıq xızmet kórsetiw sıpatın (qánigelestirilgen ustaxanalar, zavodlar hám remontlaw kárxanalarınan tısqarı) mámleketlik qadaǵalawdan ótkizediler.
Sanitariya qadaǵalawı - respublikamız mámleketlik sanitariya qadaǵalawı óndiriste keselliklerdi kemeytiriw, sırtqa ortalıqtıń (suw basseynleri, topıraq hám atmosfera hawası) pataslanıwınıń aldın alıwǵa, miynet jaǵdayın salamatlastırıwǵa baǵdarlanǵan sanitariya-gigiyena, sanitariya-epidemiologiyalıq is-ilajlarınıń ótkeriliwin qadaǵalaw, sonday-aq, keselleniwdiń aldın alıwǵa qaratılǵan is-ilajlardıń ótkeriliwin tekserip turadı.
Dostları ilə paylaş: |
