2-mavzu. Biopotensiallarni qayd qilish. Biopotensiallarni yozib olish usullari
Yüklə 0,52 Mb. Pdf görüntüsü
|
|
alfa ritm depressiyasi
deyiladi. Alfa ritm depressiyasini faqat yorug’lik ta’siri emas, balki tovush, og‘riq yoki silash kabi ta’sirlar ham keltirib chiqaradi. Aqliy mehnat jarayonida ham alfa ritm depressiyasi ro‘y berib turadi. Ayrim vaqtlarda tashqi ta’sirlar tugagandan so‘ng alfa ritmning amplitudasi oshib ketadi. Bunga ekzaltatsiya deyiladi. Beta ritm deb bosh miya po’stlog’ining peshana bo’lagidan yozib olinadigan 14—30 toiqin/sekund oralig’idagi ritm chizig‘iga aytiladi. Bu ritmning amplitudasi 5 dan 30 m kv gacha bo’ladi. Beta ritm ham depressiya beradi. Lekin depressiya faqatgina ixtiyoriy harakatlar vaqtida yuz beradi. Alfa ritmning depressiyasi beta ritm amplitudasining oshuviga olib keladi. Teta ritm deb bosh miya po‘stlog‘ining chakka va tepa qismlaridan yozib olinadigan 4—7 to’lqin/sekund oralig’idagi sekin ritmga aytiladi. Bu ritmning amplitudasi 30 dan 150 m kv gacha boradi. Bu ritm, asosan, normal holatda, bir yoshdan 15 yoshgacha bo’lgan bolalarda uchraydi. Kattalarda uyg’oq holatda bu ritm bo’lmaydi. Lekin uyquga ketib, mudray boshlaganda bu ritm katta yoshdagilarda ham yaqqol namoyon bo’ladi. Har xil hayajonlar teta ritm paydo bo’lishiga olib keladi. Bu ritm xafagarchilik, yomon kayfiyat va jahl chiqqan paytlarda ham paydo bo’ladi. Delta ritm deb 0,5 — 3 to’lqin/sekund oralig’idagi sekin ritmga aytiladi. Sog’lom odamlarning uyg’oqlik vaqtida bu ritm bo’lmaydi. Bu ritmning amplitudasi 50, 500, 1000 m kv gacha boradi. Bu ritm normal odamlarda chuqur uyqu vaqtida yozib olinadi. 10 yoshli bo’lgan bolalarda normal (uyg’oqlik) holatda ham uchraydi. Agar bu ritm kattalarning uyg’oq vaqtida ham yozilsa, u bosh miyada patologik jarayon borligidan darak beradi. Shunday qilib, bosh miya po‘stlog‘ining hujayralari, asosan, to’rtta ritm hosil qilar ekan. Bu ritmlarning paydo bo’lishi jinsga bog’liq emas, ya’ni erkaklar bilan xotin-qizlarning bosh miya po‘stlog‘i ritmlari bir- biridan farq qilmaydi. Elektroensefalogrammaning ko’rinishi bo'yning baland-pastliligiga, gavdaning vazniga, shaxsning tabiati yoki temperamentiga qarab o‘zgarmaydi. Bu usul mutlaqo zararsiz bo‘lib, bemor har qanday ahvolda bo‘lgan paytlarda ham yozib olinaversa bo‘ladi. Lekin elektroensefalografiya — nevrologik tekshiruvdan keyingina yozilishi kerak. Ya’ni elektroensefalografiya (EEG)ni yozishga kirishishdan oldin klinik maqsad qo‘yilmog‘i lozim. Elektroensefalografiya (EEG)ning klinik ahamiyati katta. Uning yordamida bosh miyaning zararlanganligi to‘g‘risida obyektiv ma’lumotlar olish mumkin. Yüklə 0,52 Mb. Dostları ilə paylaş:
|