2-tema. Arifmetikalıq a`mellerdi oqitiwda axborot texnologiyalardan paydalaniwı Joba

2-tema. Arifmetikalıq a`mellerdi oqitiwda axborot texnologiyalardan paydalaniwı
Joba:

1. Arifmetikalıq a`mellerdi u`yreniw metodikasının` ulıwma ma`seleleri.

2. «Onlıq» temasında arifmetikalıq a`mellerdi u`yreniw.

3. Qosıwdın` orın almastırıw qa`siyetin oqıtıw.

1. Arifmetikalıq a`mellerdi u`yreniw metodikasının` ulıwma ma`seleleri.
Oqıwshılarda awızeki ha`m jazba esaplaw ko`nlikpelerin qa`liplestiriw matematika da`stu`rinin` tiykarg`ı bag`darlarınan biri bolıp esaplanadı. Arifmetikalıq a`mellerdi u`yreniwden aldın balalar an`ına onın` ma`nisin, mazmunın jetkeriw kerek. Bul wazıypa ha`r-qıylı a`meliy jumıslardı orınlaw tiykarında o`tkeriledi. Ma`selen, «onlıq» temasın qosıw ha`m alıw a`mellerinin` ma`nisi 2 ko`plik elementlerin birlestiriw ha`m ko`plikten onın` bo`limlerin ajıratıw sıyaqlı a`meliy a`meller ja`rdeminde alıp barıladı. Ko`beytiwdi onın` komponentleri menen na`tiyjesi arasındag`ı baylanıslardı u`yreniw bolsa bo`liw a`melin u`yreniw ushın tiykar bolıp xızmet qıladı.

Demek, oqıtıwdın` 1-basqıshında abstrakt bolg`an zat na`wbettegi basqıshta ja`nede abstaktlıraq bilimlerdi qa`liplestiriw ushın anıq tiykar bolıp xızmet etedi. Tu`rli esaplaw usıllarının` o`zlestiriliwi ushın da`stu`rde arifmetikalıq a`mellerdin` ayırım kerek qa`siyetleri ha`m olardan kelip shıg`atug`ın na`tiyjeler menen tanıstırıwdı na`zerde tutadı. Ma`selen, 1-klassta 10 ishinde qosıw ha`m alıwdı u`yreniwde balalar qosıwdın` orın almastırıw qa`siyetleri menen tanısadı. Da`stu`rde arifmetikalıq a`mellerdin` qa`siyetlerin u`yreniwden tısqarı arifmetikalıq a`mel ag`zaları ha`m na`tiyjeleri arasında baylanıslardı tanıstırıwdı da ko`zde tutadı. Bul jumıs a`melleri ten`lemelerdi tekseriwde u`lken a`hmiyetke iye.

Ma`selen: 694=24 bolsa, onı bo`liwge baylanıstırıp 24:6=4, 24:4=6 jag`daylar payda etiledi.

A`hmiyetli wazıypalardan biri esaplaw ko`nlikpelerin qa`liplestiriw bolıp esaplanadı. Awızeki ha`m jazba usılda esaplawlar 1-4-klasstın` ha`r bir temasında o`z ko`rinisin tapqan.

Ma`selen, awızeki:

276+432=(200+400)+(70+30)+(6+2)=600+100+8=708

jazba: +276

432

Arifmetikalıq a`mellerdi orınlaw avtomatizmge (yadta orınlawg`a) aylanıwı kerek.