2 Uch fazali asinxron dvigatelini tekshirish Asinxron motorda bo‘ladigan shikastlanishlar tasnifi

TAJRIBA ISHI UCH FAZALI O’ZGARUVCHAN TOK ELEKTR ZANJIRIGA ISTE’MOLCHILARINI «YULDUZ» VA «UCHBURCHAK» USULLARDA ULASH.

1. Ishdan ko`zda tutilgan maqsad

1. Elektr energiyasi iste'molchilarini yulduz sxemada ulaganda uch fazali zanjirning turli rejimlaridagi ishini o`rganish.

a) tekis aktiv yuklama uchun,

b) notekis aktiv yuklama uchun,

v) notekis aktiv yuklamada neytral sim uzilgan hol uchun.

2. Faza va liniya kuchlanishlarini o`lchashni o`rganish va ular orasidagi nisbatni amalda tekshirish.

2. Tajriba ishini tushuntirish

Elektr energiyasi iste'molchilari barcha fazalarining oxirgi uchlari x, y, z lar bitta umumiy nol nuqtaga ulansa, bu o`lash yulduz sxemada o`lash deb ataladi.

Generator yoki iste'molchi fazasining bosh va oxirgi uchlari orasidagi kuchlanishga yoki har bir liniya simi bilan neytral sim orasidagi kuchlanishga faza kuchlanishi deyiladi. Ular U_A, U_B,U_C yoki U_F deb belgilanadi. Istalgan ikki liniya simi yoki ikki faza bosh uchlari orasidagi kuchlanishga liniya kuchlanishi deyilib, ular U_AB, U_BC, U_CA yoki U_L deb belgilanadi.

Liniya simlaridan o`tuvchi tok liniya toki deb ataladi, ular I_A, I_B, I_C yoki I_L deb belgilanadi.

Iste'molchilar yoki generatorning fazalaridan o`tuvchi tok faza toki deb ataladi, ular I_A, I_B, I_C yoki I_F deb belgilanadi.

Barcha fazalarning e.yu.k. kuchlanishi yoki toklari kattaligi jihatdan teng bo`lib, faza jixatidan bir-birlariga nisbatan 120<sup>0</sup> siljigan bo`lsa, bunday sistema e.yu.k. kuchlanish yoki toklarning simmetrik sistemasi deb ataladi. Elektr energiyasi iste'molchilarining barcha fazalaridagi qarshiliklar o`zaro teng bo`lgandagi uch fazali zanjirning ish rejimiga tekis yuklama deyiladi.

Ushbu tajriba ishida elektr energiyasi iste'molchilari sifatida chug`lanish lampasi va simli reostat ulanadi. Iste'molchilar yulduz sxemada ulanganda liniya va faza toklari o`zaro teng, ya'ni

I_L = I_F

Aktiv yuklamada tok va kuchlanish bir xil fazada bo`lgani uchun, ularning vektorlari bir yo`nalishda bo`ladi.

Iste'molchilar yulduz sxemada ulanib, uchala fazada tekis yuklama bo`lganda, faza toklari o`zaro teng bo`ladi, ya'ni

I_A = I_B = I_C

Shuningdek, faza kuchlanishlari

U_A =U_B =U_C

bo`lib, faza jihatidan bir –biridan 120⁰ ga siljigan bo’ladi.

Liniya kuchlanishi faza kuchlanishidan marta katta, ya'ni

U_L = U_F

va kuchlanishidan 30⁰ ga o`zadi.

Iste'molchilar yulduz sxemada ulanganda liniya va faza kuchlanishlari quyidagi nisbatda bog`langan bo`ladi.

Iste'molchilar yulduz sxemada ulanib, uchala fazada tekis yuklama bo`lganda neytral simdagi tok I<sub>0</sub> nolga teng bo`ladi, ya'ni

Iste'molchilar neytral simli yulduz sxemada ulanib (to`rt simli sistema) fazalarda notekis yuklama bo`lganda, neytral simdan tok o`tadi, ya'ni

I₀  0


7.1-rasm.

Ammo iste'molchilarning fazalaridagi kuchlanish o`zgarmaydi. Agar fazalarda yuklama notekis bo`lganda neytral sim uzilsa, faza toklari shunday o`zgaradiki, ularning yig`indisi nolga teng bo`lib taqsimlanadi. Natijada fazalardagi kuchlanishlarning qiymatlari turlicha bo`ladi. Qarshiligi kichik bo`lib, yuklamasi ko`p bo`lgan fazaning kuchlanishi kamayib, boshqa fazalardagi kuchlanish nominal faza kuchlanishidan ortib ketadi.

3. Ishni bajarish tartibi

1. Kompyuterda “Elektronics Workbench” dasturiy paketi ishga tushuriladi.

2. 7.1-rasmdagi sxema yig`iladi.

3. Har bir fazaga ulanadigan ampermetrlarning ko`rsatishlarii bo`yicha, uchala fazada tekis yuklama o`rnatiladi. Har bir fazaning toki va kuchlanishi o`lchanadi. Neytral simda tokning yo`qligini tekshiriladi.

4. Qarshiliklar qiymatini o`zgartirish yo`li bilan uchala fazada notekis yuklama hosil qilinadi, yana o`sha kattaliklar o`lchanadi. Neytral simdagi tokning kattaligi yozib olinadi.

5. 4-bo`limdagi yuklamalarning kattaligini o`zgartirmasdan, neytral simni uzib yana o`sha kattaliklar o`lchanadi.

6. Barcha o`lchash natijalari 7.1-jadvalga yoziladi.

7. Har bir fazaning va yuklamaning umumiy quvvati aniqlanadi: