2023-y. 04-04/2-366-son

«5» may 2023-y. 04-04/2-366-son « » 2023 y.

Qoraqalpogʻiston Respublikasi Maktabgacha va maktab taʼlimi vazirligi, Toshkent shahar va viloyatlar maktabgacha va maktab ta’limi boshqarmalari boshliqlariga

Tuman (shahar) maktabgacha va maktab ta’limi boʻlimi mudirlariga

Respublika umumta’lim muassasalari rahbarlariga

O‘zbekiston Respublikasi Maktabgacha va maktab ta’limi vazirligining 2023-yil 16-martdagi 04-04/2-119-sonli xatida “Kundalik” elektron sinf jurnalida baholarni qo‘yish va o‘zgartirish tartibiga muvofiq tizimda 2023-yilning 15-aprelidan cheklov (muzlatish) o‘rnatilishi, hamda kiritilgan chorak va yillik baholarga maktabgacha va maktab ta’limi hududiy boshqarmalariga rasmiy xatsiz o‘zgartirish kiritish imkoniyati mavjud emasligi belgilab qoʻyilgan.

“Kundalik” elektron sinf jurnaliga oʻz vaqtida qoʻyilmagan joriy, chorak va yillik baholar ustunidagi kamchiliklarni bartaraf etish quyidagi tartibda amalga oshiriladi:

1. 
   fan oʻqituvchisi nima sababdan va qaysi sana ustuniga baho qoʻymaganligini batafsil ifodalab maktab direktori nomiga tushuntirish xati yozgan holda yozma murojaat qiladi;
   
2. 
   maktab direktori va direktorning oʻquv ishlar boʻyicha oʻrinbosari fan oʻqituvchilaridan tushgan yozma murojaatlar asosida oʻz vaqtida qoʻyilmagan joriy, chorak va yillik baholar ustunidagi kamchiliklarni bartaraf etish boʻyicha hamda Xalq taʼlimi vazirining (Maktabgacha va maktab ta’limi vazirligi) 2022-yil 24- iyundagi 205-son buyrugʻining 7-bandida koʻrsatilgan funksional vazifalariga sovuqqonlik bilan qaragani, oʻz majburiyatlarini toʻliq bajarmaganligini ifodalab tuman (shahar) maktabgacha va maktab ta’limi boʻlimi mudiri nomiga tushuntirish xati yozgan holda yozma murojaat qiladi;
   

IJRO.GOV.UZ тизими орқали ЭРИ билан тасдиқланган, Ҳужжат коди: GR15518857

4. 
   maktab direktorlaridan tushgan yozma murojaatlar asosida tuman (shahar) maktabgacha va maktab ta’limi boʻlimi mudiri kamchilikka yoʻl qoʻygan rahbar xodimlar va pedagog kadrlar ishtirokida tanqidiy koʻrinishda kamchiliklarni bartaraf etish boʻyicha muhokama yigʻilishini oʻtkazadi. Muhokama yigʻilishi bayonnoma shaklida rasmiylashtiriladi.
   

Bayonnoma qarorida:

• 
  oʻz vaqtida baho qoʻyishga ulgurilmagan, tizimda muzlatilgan ustun sanasi, oʻquvchining sinfi, F.I.Sh va bahosi koʻrsatilib, ushbu sanaga baho qoʻyish imkoniyatini yaratish maqsadga muvofiq deb topilishi;
  
• 
  muhokama yigʻilishi bayonnomasining nusxasi tuman (shahar) maktabgacha va maktab ta’limi boʻlimi mudiri nomidan rasmiy xat bilan hududiy boshqarmaga taqdim etilishi kerakligi koʻrsatib oʻtilishi kerak.
  

4. 
   Muhokama yigʻilishi bayonnomasining nusxasi hududiy boshqarma tomonidan rasmiy tarzda Vazirlikka taqdim etilganidan soʻng muzlatilgan ustundagi yoʻl qoʻyilgan kamchiliklar bartaraf etiladi.
   

Shu bilan birgalikda, 2023-yil 6-martdagi 46-sonli buyrug‘i bilan umumiy o‘rta taʼlim muassasalarining 9-sinf o‘quvchilari uchun “jismoniy tarbiya” fanidan yakuniy nazorat imtihonlari o‘tkazilish muddatlari joriy yilning 1-6 may kunlari etib belgilangan. Hozirgi kunda umumta‘lim muassasalarida yakuniy davlat attestatsiyasi doirasida “jismoniy tarbiya” fanidan imtihonlar bo‘lib o‘tmoqda. Bu esa o‘z navbatida ushbu kunda boshqa fanlardan rejalashtirilgan mavzularni boshqa kunlarda tig‘izlashtirilgan holda o‘tishni taqozo qilmoqda.
Shu sababli, Sizga mazkur fandan nazorat imtihonlari o‘tkaziladigan kunda to‘g‘ri kelib o‘tilmay qolgan barcha fan mavzularini kelgusi haftadagi dars davomida tig‘izlashtirib o‘tish maqsadga muvofiqligi va “Kundalik” sinf jurnalida ilovada ko‘rsatilgan vazifalarni bajarishingiz tavsiya etiladi.

Ilova: varaq.

Vazir oʻrinbosari U.Begimkulov

Ijrochi: A.Raxmonqulov Tel: [phone] (6160)